سیمه ییز خبرونه
د عربستان پر کوربتوب د سلامي هېوادونو استازیو په غزه کې د جګړې درولو غوښتنه وکړه
د شنبې پر ورځ ( د لړم ۲۰ ) د عربستان پر کوربتوب د اسلامي هېوادونو مشرانو په غزه کې د پوځي عملیاتو د سمدستي پای ته رسولو غوښتنه وکړه او د اسرائیلو لهخوا یې د فلسطینیانو روانه وژنه رد کړه.
په ریاض کې د عرب لیګ او د اسلامي همکاریو سازمان سرمشریزې د جرمونو له نړیوالې محکمې غوښتي، چې په فلسطین کې د اسرائیلو له خوا ترسره شوي جنګي جرمونه او د بشریت ضد جنایتونه وڅېړي.
سعودي عربستان په غزه کې د جګړې د پای ته رسولو لپاره پر امریکا او اسرائیلو د فشار راوستلو په لټه کې دی او ولیعهد محمد بن سلمان د دې پیغام د پیاوړتیا لپاره عربي او نور مسلمان مشران راټول کړي دي.
د ریاض په سرمشریزه کې د ایران ولسمشر ابراهیم رییسي، د ترکیې ولسمشر رجب طیب اردوغان، د قطر امیر شیخ تمیم بن حمد آل ثاني او د سوریې ولسمشر بشار الاسد په ګډون ، چې سږ کال له عرب لیګ څخه راستون شوی، د نړۍ لسګونه مشرانو کړی و.
ولیعهد محمد بن سلمان په فلسطین کې د مسلمانانو پر وړاندې وحشیانه جګړه وغندله.
نوموړي په سرمشریزه کې د وینا پر مهال ویلي: مونږ له یوه داسې بشري ناورین سره مخ یوو، چې امنیت شورا او نړیواله ټولنه له نړیوالو قوانیو څخه د اسرائیلو په ښکاره سرغړونه کې پاتې راغلي او روانه جګړه پای ته رسولی نهشي.
د فلسطین ولسمشر محمود عباس ویل؛ فلسطینیان د نسل وژنې له جګړې سره مخ دی او له امریکا یې وغوښتل، چې د اسرائیلو یرغل پای ته ورسوي.
رییسي د اسرائیلو پر ضد د فلسطیني وسلهوالې ډلې حماس له جګړې هرکلی وکړ او پر اسلامي هېوادونو یې غږ وکړ، چې د اسرائیلو پر ضد د تېلو او توکو بندیزونه ولګوي.
رییسي په خپلو خبرو کې ویلي: له اسرائیلو سره له مقاومت پرته بله لاره نهشته. مونږ د حماس لاس د اسرائیلو پر وړاندې د مقاومت لپاره ښکلوو.
حماس د تلې پر ۱۵ / د اکتوبر پر اوومه پر اسرائیلو د خپل برید له پیل راپدیخوا ۱۲۰۰ اسرائیلیان وژلي دي.
له هغه وخت راپدیخوا اسرائیلو پر غزې خپلو بریدونو ته زور ورکړی، چې د فلسطیني چارواکو د څرګندونو له مخې؛ د جمعې تر ورځې پورې ۱۱۰۷۸ کسان وژل شوي، چې ۴۰ سلنه یې ماشومان دي.
فلسطیني چارواکو اعلان کړی، چې د غزې په ښار کې له مصروفو روغتونونو سره نږدې د جمعې له شپې څخه تر شنبې پورې نښتې زیاتې شوې دي.
د فلسطین د روغتیا وزارت اعلان کړی، چې د غزې په تر ټولو لوی روغتون کې یو ماشوم د برښنا د پرې کیدو له کبله مړ شوی او د جدي پاملرنې یو ناروغ د اسرائیلو په ډزو کې وژل شوی دی.
د رویترز د څرګندونو له مخې؛ جګړې د منځني ختیځ دودیز اتحادونه ګډوډ کړي دي؛ ځکه، چې ریاض له ایران سره ډېر نږدې اړیکې لري، د حماس د غندلو لپاره د امریکا فشارونه یې رد کړي او د رویترز د څرګندونو له مخې له اسرائیلو سره د اړیکو د عادي کولو پلانونه یې ځنډولي دي.
سعودي عربستان ته د رییسي سفر په څه د پاسه یوه لسیزه کې د ایراني مشر لومړنی سفر دی. تهران او ریاض د مارچ په میاشت کې د چین پر منځګړیتوب د یوې معاملې له مخې په رسمي توګه د کلونو دښمني پای ته ورسوله.
اردوغان د اسرائيلو او فلسطين تر منځ د شخړې د دايمي حل د موندلو لپاره د سولې د نړيوال کنفرانس غوښتنه وکړه.
اردوغان په دې غونډه كې ويلي: مونږ په غزه كې څو ساعتونو وقفې ته نه، بلكې دايمي اوربند ته اړتيا لرو.
د قطر امیر ویلي: هېواد یې، چې د حماس څو مشران په کې مېشت دي؛ د اسرائیلي یرغمل شویو بندیانو د خلاصون لپاره د منځګړیتوب غوښتونکی دی او هیله لري، چې ژر تر ژره بشري اوربند وشي.
هغه وپوښتل: تر کومه وخته به نړیواله ټولنه داسې عمل کوي، چې په کې اسرائیل له نړیوالو قوانینو پورته وي؟!
د اندونیزیا ولسمشر جوکو ویدودو ویلي: د غزې په شمالي برخه کې د اندونیزیا روغتون د اسرائیلو د بریدونو هدف دی او پوره وسوځېده.
هغه دې ته په نغوته کې ویلي، چې اسرائیل باید سمدستي د اوربند لپاره د یوې لارې په اړه فکر وکړي. نوموړي زیاته کړې: د اسلامي همکاریو ټولنه باید له ټولو جبهو څخه کار واخلي، چې اسرائیل د ترسره شویو بشري جنایتونو حساب ورکړي.
د سعودي عربستان د بهرنیو چارو وزیر شهزاده فیصل بن فرحان خبریالانو ته ویلي، چې د غزې د راتلونکي په اړه له سمدستي اوربند پرته خبرې نهشي کېدی.
په دې غونډه کې د غزې د محاصرې د پای ته رسولو، بشري مرستو ته د لاسرسي او پر اسرائیلو د وسلو د خرڅلاو د بندولو غوښتنه هم وشوه.
د سعودي عربستان بهرنیو چارو وزارت ویلي وه، چې هېواد یې د شنبې او یکشنبې پر ورځو د اسلامي همکاریو ټولنې او عرب لیګ د دوه ځانګړیو غونډو کوربهتوب کاوه؛ خو د غزې د غیر معمولي وضعیت له کبله یې د ګډې غونډې د ترسره کولو پرېکړه وکړه.
حماس له دغې غونډې غوښتي، چې یوه تاریخي او قاطع پرېکړه وکړي او د صهیونیستي یرغل د سمدستي د بندولو لپاره اقدام وکړي.
د غونډې دوه برخوالو رویترز خبري آژانس ته ویلي، چې د الجزایر پر مشرۍ ځینو عربي هېوادونو له اسرائیلو سره د دیپلوماتیکو اړیکو د بشپړ پرې کېدو غوښتنه کړې ده.
دوی ویلي؛ نور عرب هېوادونه، چې له اسرائیلو سره یې دیپلوماتیکې اړیکې ټینګې کړي دي؛ له دې کار سره مخالفت کوي او د نتانیاهو له حکومت سره د اړیکو د پرانستلو پر اړتیا یې ټینګار کړی دی.
د اسرائیلو لومړي وزیر بنیامین نتنیاهو په تلابیب کې یو خبري کنفرانس ته پر عربي مشرانو غږ وکړ، چې د حماس پر وړاندې ودریږي.
نتانیاهو ویلي: دا د غزې تړانګې ته یوازې دوه شیان راوړي؛ غربت او وینه. حماس د ایران پر مشرۍ د ترهګرۍ د محور نه بېلېدونکې برخه ده او د ترهګرۍ او نفرت دغه محور ټوله نړۍ او ټوله عربي نړۍ له خطر سره مخ کوي.
سیمه ییز خبرونه
امریکا دې د بشري حقونو په اړه دوه ګوني سیاست ودروي – ترکیه
د رویټرز خبري آژانس د راپور له مخې؛ ترکیې د چارشنبې پر ورځ امریکا تورنه کړې، چې د بشري حقونو په اړه دوه ګونی سیاست پالي او وایي، چې واشنګټن د بشري حقونو کلنی راپور په غزه کې د اسرائیلو د بریدونو په غندلو کې پاتې راغلی دی.
د ترکیې د بهرنیو چارو وزارت په خبرپاڼه کې راغلي، چې د امریکا دې کلني راپور په غزه کې روان غیر انساني بریدونه په سمه توګه راځلولي ندي. دا راپور پر سیاسي انګیزو له بې طرفۍ او معقولیت څخه لرې چمتو شوی دی.
ترکیې له واشنګټن وغوښتل، چې د بشري حقونو په اړه دوه ګونی سیاست ودروي.
دغه راز په دې راپور کې د سوریې له کردي ملیشې سره د امریکا اړیکو ته هم ګوته نیول شوې، چې انقره یې یوه ترهګر ډله ګڼي.
په غزه کې د روغتیايي چارواکو د څرګندونو له مخې؛ اسرائیلي ځواکونو له ۳۴ زره ډېر فلسطینیان وژلي، چې ډېر یې ملکيان او ماشومان دي. دا سیمه پر کنډواله بدله شوې او د خوراکي توکو سخت کمښت د قحطۍ وېره راپارولې ده.
اسرائیلو د اکټوبر پر اوومه د حماس د وسلهوالې ډلې د هغه برید په ځواب کې خپل هوایي او ځمکني بریدونه پیل کړل، چې د اسرائیلي ځواکونو د څرګندونو له مخې په کې ۱۲۰۰ کسان ووژل شول.
ترکیې په غزه کې د جګړې له کبله اسرائیل غندلی او د اوربند غوښتنه یې کړې ده.
ترکیې پر لویديځو هېوادونو هم نيوکه کړې، چې له اسرائيلو يې بشپړ ملاتړ کړی دی.
سیمه ییز خبرونه
د غزې په شمال کې د قحطۍ خطر ډېر دی
د بشري چارو لپاره د امریکا ځانګړي استازي د سې شنبې پر ورځ ویلي، چې اسرائیلو په وروستیو اوونیو کې غزې ته د مرستو رسولو لپاره د پام وړ ګامونه پورته کړي؛ خو د پام وړ کار پاتې دی، ځکه په دې سیمه کې د قحطۍ خطر ډېر دی.
د بشري چارو لپاره د امریکا ځانګړي استازي ډېوېډ سټېټرفیلډ خبریالانو ته ویلي، اسرائیلو په دې وروستیو دوه نیمو اوونیو کې د پام وړ ګامونه پورته کړي دي.
ډېوېډ سټېټرفیلډ څرګنده کړې: اوس هم د پام وړ کار پاتې دی، چې باید ترسره شي؛ خو پرمختګ شوی دی.
هغه ویلي، چې په ټوله غزه کې په جګړي توګه شمالي سیمې د قحطۍ له ډېر خطر سره مخ دي.
نوموړي ویلي، چې د فلسطین په کوچنۍ ګڼ میشته سیمه کې له اړو خلکو سره مرستې ته اوس ډېره اړتیا ده.
ملګرو ملتونو له اوږده وخت راپدیخوا په غزه کې د مرستې رسولو او د هغې د وېشلو په لار کې له خنډونو څخه اندېښنه ښودلې او څرګنده شوې، چې له تېرو شپږ میاشتو راپدیخوا د اسرائیلو لخوا د غزې د واکمنې اسلامي وسلهوالې ډلې حماس پر ضد هوايي او ځمکني بریدونه ترسره تر سره کیږي.
د اسرائیلو پوځي کمپاین د اکتوبر له میاشتې راپدیخوا، چې حماس د اسرائیلو په سویل کې جګړه پیل کړه، چې له کبله یې د بشري ناورین ترڅنګ د ۲ اعشاریه ۳ میلیون خلکو کورونه له ځمکې سره اوار شوي دي.
د ملګرو ملتونو د فلسطیني کډوالو ادارې (UNRWA) مشر فیلیپ لازاریني د سې شنبې پر ورځ ویلي، چې د اپریل پرپرتله غزې ته د تلونکو لاریو منځنی شمېر د ورځې ۳۱۶ ته لوړ شوی دی.
ویل کیږي، چې اوس کثافاتو راټولولو ته پاملرنه ډېره شوې او هڅه کیږي، چې په سویلي غزه کې د ناروغیو د خپریدو مخه ونیول شي.
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه