تازه خبرونه
د قطر د دوحې خبرې له یوه ورځني ځنډ وروسته بیا پیل شوې
د طالبانو او امریکا تر منځ د قطر د دوحې خبرې له یوه ورځني ځنډ وروسته د شنبې پر ورځ( د غویی ۱۴) بیا پیل شوې.
د طالبانو او امریکایانو تر منځ شپږم پړاو خبرې تر اوسه له هیڅ وروستۍ هوکړې پرته روانې ساتل شوې دي.
د طالبانو د مرکچي پلاوي رییس شېرمحمد عباس ستانکزی وایي، امریکا ته یې له افغانستان څخه د بهرنیو ځواکونو د وتلو لپاره څو غوراوي وړاندې کړي؛ خو سپینه ماڼۍ، پنتاګون او د امریکا د بهرنیو چارو وزارت د ځواکونو د وتلو پر څرنګوالي بېلابېل لیدلوري لري.
د دوحې خبرې دا مهال له افغانستان څخه د بهرنیو ځواکونو د وتلو پر څرنګوالي او ترهګرۍ ضد هڅو پر تضمین راڅرخي.
د افغانستان د سولې لپاره د امریکا ځانګړي استازي زلمي خلیلزاد په خپل یوه تازه تویت کې په ډاګه کړې، چې د وسلې پر ځمکه ایښودل به د سولې د بهیر لاسته راوړنه وي.
ښاغلي خلیلزاد څرګندوي، چې ټولې خواوې د تاوتریخوالي راټیټول غواړي او دا د سولې پر لوري يو ډاډمن ګام دی.
طالبانو ته نږدې سرچینو ویلي، د طالبانو پلاوی غواړي د بهرنیو ځواکونو د وتلو لپاره شپږ میاشتې وخت وټاکل شي؛ خو امریکایان غواړي، چې په یوه کال کې دې بهرني ځواکونه ووځي.
پخوانی طالب چارواکی سید اکبر آغا زیاتوي؛ کیدی شي د بهرنیو ځواکونو د وتلو لپاره دواړه لوري د یو کال او شپږمیاشتو تر منځ یوه نېټه خوښه کړي.
د ملي یووالي حکومت تمه لري، چې د دوحې په مذاکراتو کې د بهرنیو ځواکونو د وتلو پر څرنګوالي خبرې وشي او د ترهګریزو هڅو پر نه ترسره کولو تضمین ورکړ شي. دغه راز پر اوربند او د افغانانو پر خپلمنځي خبرو هم بحث وشي او په اجنډا کې ونیول شي.
د اجرائیه رییس د ویاند مرستیال فریدون خوځون څرګندوي، چې پر یادو څلور برخو خبرې ډېرې اړینې دی. تر هغې، چې پر دغو ټولو برخو خبرې وروستۍ نشي؛ یوه برخه هم وروستۍ کیدی نشي.
د افغانستان د سولې لپاره د امریکا ځانګړي استازي ویلي؛ څو پورې، چې په اوربند او د افغانانو په خپلمنځي خبرو هوکړه ونشي، هیڅ څه به وروستي نشي؛ خو طالبان وایي، د بهرنیو ځواکونو د وتلو پر څرنګوالي او ترهګرۍ ضد هڅو کې د تضمین ورکړه د خبرو موارد دي او پر پاتې مسایلو به بیا خبرې کیږي.
ویل کیږي، چې په قطر کې د طالب استازیو او امریکایانو خبرې به له روژې مخکې پای ته ورسیږي.
خبریال: باعث حیات
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ