سیمه ییز خبرونه
د معلولينو او شهيدانو په قانون كې راوستل شوي تعديلونه دې توشيح شي
د ولسي جرگې د شهيدانو اومعلولينو كميسيون رييس له ولسمشرحامد كرزي وغوښتل، چې:
د شهيدانو اومعلولينو قانون په توشيح به د دوى د كورنيو ستونزې يو څه راكمې شي.
د كار او ټولنيزو چارو وزارت وايي:
د معلولينو او شهيدانو د كورنيو د معاش لپاره څلور ميليارد و دوه سوه ميليون افغانۍ ځانگړې شوي، چې كه ورته په پام كې نيول شوي حقوق زيات شي؛ نوډېرې پانگې ته به اړتيا وي.
د دسمبردرېيمه د معلولينو نړيواله ورځ ده. دا ورځ په كابل كې د دوشنبې په ورځ(د ليندۍ۱۳) د يوې غونډې په ترڅ كې ونمانځل شوه.
يوشمېرمعلولين دا يو نمايشي كارگڼي او وايي:
موږ په خپل ژوندانه كې له گڼو ستونزو سره مخ يو؛ دولت مو د ستونزو په حل كې عملي گام نه دى اخيستى، خو يوازې ژمنې كوي.
د كاراو تولنيزو چارو وزارت وايي، چې:
له خپلو امكاناتو سره سم مو يو شمېرمعلولينو ته كورونه وېشلي او دا لړۍ روانه ده.
د كار او ټولنيزو چارو وزارت مرستيال واصل نور مومند وايي:
اوس د كال څلورميليارد او دوه سوه ميليون افغانۍ د معلولينو حقوق وركوي، چې كه يې په معاشونو كې زياتوالى راشي؛ نو د ډېرې پانگې لرلو ته به مو اړتيا زياته شي.
نوموړى زياتوي:
د معلولينو د ستونزو د حل لپاره مو شپږ ستراتيژيكې برنامي په پام كې نيولې دي.
د ولسي جرگې د شهيدانو او معلولينو كميسيون رييس عالمي بلخي وايي:
د نورو هېوادونو په پرتله په افغانستان كې د معلولينو شمېر ډېر، خو معاشونه يې لږ دي.
هغه ټينگار كړى، چې:
ولسي جرگې د شهيدانو او معلولينو په قانون كې يو لړ تعديلات راوستي، چې له مخي يې ټولو معلولينو ته يوشان امتيازاو د ځمكي وړيا وېش په پام كې نيولى او ولسمشر ته د توشيح په موخه استول شوى دى.
كليپ……. دولسي جرګې د شهيدانو او معلولينو د كميسيون رييس عالمي بلخي
د كار او تولنيزو وزارت وايي په ټول افغانستان كې يو ميليون معلولين شته چې يوازي ۸۴زره له دوى سره ثبت اوټاكلى معاش وركول كيږي .