لوبی
راشد خان د افغانستان او بنګله دیش ترمنځ په پنځوس آووریزه لوبه کې لوبېږي
د افغانستان کرکت بورد د بنګله دیش پر وړاندې د درې یو ورځنیو لوبو لپاره ۱۸ کسیز جوړښت اعلان کړ، چې راشد خان هم په کې دی.
راشد خان د بنګله دېش پر وړاندې په تست لوبه کې، چې افغانستان له سختې ماتې سره مخ شو؛ ګډون نهدرلود، ځکه ورته د دمې سپارښتنه شوې وه.
نوموړی د بنګله دېش پر وړاندې د پنځوس آووریزو لوبو لپاره، چې ټاکل شوې د جولای پر پېنځمه پیل شي؛ ملي لوبډلې ته راستون شوی دی.
د افغانستان د کرکت بورد د غوراوي کمیتې مشر اسدالله خان د یکشنبې پر ورځ ویلي؛ دا ډېر ښه خبر دی، چې ټول په لوبډله کې دي او په فزیکي توګه چمتووالی لري او د خپلو هڅود ترسره کولو لپاره بېرته راستانه شوي او مونږ پهدې اړه ډېر خوښ یوو.
په دې نړیوالو سیالیو کې هغه پېنځه لوبغاړي ( ضیا اکبر، اظہارالحق نوید، فرهاد مومند، عبدالرحمن او سلیم ساپی ) هم لرو، چې اړوند لوبې یې تر دې دمه تجربه کړي نهدي؛ خو وتلی ستوری نور احمد، چې د هند په غوره لیګ کې د راشد خان تر څنګ ځلېدلی، په لوبډله کې نشته.
د لوبغاړیو د غوراوي کمیتې څرګنده کړې: تر اوسه دغه ۱۸ کلن لوبغاړی دومره وړ نهدی، چې په ۵۰ آووریزه سیالیو کې ولوبېږي؛ خو په ۲۰ آووریزو سیالیو کې ښه ځای لرلی شي.
اسدالله خان وایي: اوسمهال هغه ( نور احمد ) د شل آووریزو لوبو لپاره ډېر ښه دی. اظهار الحق نوید به په یو ورځنیو لوبو کې وي او له راشد او مجیبه ملاتړ کوي؛ خو په ۲۰ آووریزو لوبو کې مونږ داسې یو چا ته اړتیا لرو، چې پر ځانډاډمن وي. دا یوه پوره بڼه ده او یو بشپړ بېساری ذهنیت دی او زه نه غواړم، چې زیانمن یې کړم.
بنګله دېش ته د افغانستان کرکت ملي لوبډلې سفر په یوه تست لوبه کې پیل شو، چې کوربه لوبډلې دغه لوبه د ۵۴۶ منډو پر ستر توپیر وګټله. له درې یو ورځنیو نړیوالو سیالیو وروسته به د دغو دواړو لوبډلو ترمنځ درې شل آووریزې لوبې هم ترسره شي.
د افغانستان د لوبډلو جوړښت:
حشمت الله شهیدي، رحمان الله ګربز، ابراهیم ځدراڼ، ریاض حسن، رحمت شاه، نجیب الله ځدراڼ، محمد نبي، اکرام علیخېل، راشد خان، عظمت الله عمرزی، مجیب الرحمن، فضل الحق فاروقي، عبدالرحمن، شاهدالله، ضیاء الرحمن، وفادار مومند او سید شېرزاد.
احتیاطي لوبغاړي:
کریم جنت، زبید اکبري، قیس احمد، احسان الله جنت، ګلبدین نایب، شرف الدین اشرف، نوین الحق، فرید ملک، درویش رسولي، اسحاق رحیمي.
د افغانستان او بنګله دېش ترمنځ ۵۰ آووریزه لوبه به د جوړښت له مخې د جولای پر پېنځمه، اتمه او یوولسمه ترسره شي.
لوبی
آریانا ټلویزیون په افغانستان کې ژمنی المپیک خپروي
دا لوبې به د پنجشنبې پر ورځ( د سلواغې شپاړلسمه / د فبرورۍ پېنځمه) د کابل پر وخت د شپې پر ۱۱:۰۰ د سنوبورډینګ د یوې زړهراکښونکې سیالۍ پر خپروي پیل شي. د سیالیو له پیل مخکې ځانګړې خپرونه به د شپې پر ۱۰:۳۰ وړاندې شي.
د ۲۰۲۶ میلانو– کورټینا ژمنی المپیک، چې له ډېرې مودې راپدېخوا یې پرتمه وو؛ دا دی پیل شوې او د ژمنیو سپورټونو نړیواله لېوالتیا نندارچیانو ته وړاندې کوي. آریانا راډیو ټلویزیون په افغانستان کې ټولې دغه سیالۍ پر ځانګړې بڼه خپروي.
دا لوبې به د پنجشنبې پر ورځ( د سلواغې شپاړلسمه / د فبرورۍ پېنځمه) د کابل پر وخت د شپې پر ۱۱:۰۰ د سنوبورډینګ د یوې زړهراکښونکې سیالۍ پر خپروي پیل شي. د سیالیو له پیل مخکې ځانګړې خپرونه به د شپې پر ۱۰:۳۰ وړاندې شي.
دا رسنیز پوښښ د سپورټ مینهوالو لپاره یو مهم پړاو بلل کېږي؛ ځکه، چې د نړۍ له سترو سپورتي پېښو څخه یوې ته نږدې او بېپرې لاسرسی ډاډمنوي.
له چټکو سنوبورډینګ سیالیو نیولې تر لېوالتیا، هڅو او کلک هوډ پورې، چې غوره لوبغاړي یې په ګنګل او واورو کې نندارې ته وړاندې او په څو اوونیو کې د شور او الهام له لارې د نړیوال یووالي ژمنه کوي.
آریانا ټلویزیون ویلي؛ د دې سیالیو د انحصاري خپرونې موخه دا ده، چې نړیوال سپورټ افغان لیدونکو ته نور هم نږدې کړي او د لوبو له لومړیو شېبو څخه د سپورټي برترۍ او د المپیک روحیه ونمانځي.
په افغانستان کې د ژمنیو سپورټونو له مینهوال غوښتنه کیږي، چې د پنجشنبې پر شپه ټلویزیون ته کښېني؛ نه یوازې د ژمنیوالمپیک د لوبو د پیل لیدونکي شي، بلکې د سیالیو د لومړنیو مډالونو د ګټلو شاهدان هم وي.
لوبی
په آسیا ملتــونو جام کې افغـــانستان جـــاپـــان تـــه خپله څلورمه لوبه وبایلله
د افغانستان فوټسال ملي لوبډلې د جاپان پر وړاندې د ۲۰۲۶ آسیا جام څلورمه لوبه ۶ پر صفر وبایلله او له سیالۍ څخه ووت.
دا د ۲۰۲۶ آسیا جام په نیمه پایلوبه کې د افغانستان فوټسال ملي لوبډلې لومړۍ لوبه وه.
په لومړۍ نیمایي کې سره له بریالیو هڅو افغان لوبډله پر ګول وهلو بریالۍ نشوه او لوبه د جاپان پر ګټه د یو ګول پر ورکولو پای ته ورسېده.
د لوبې په دوهیمه نیمایي کې که څه هم د هېواد فوټسال لوبډلې لوبغاړو ښه روحیه لرله؛ خو بیا هم جاپان ته پر ګول وهلو بریالي نشول.
په دې لوبه کې د جاپان فوټسال لوبډلې لوبغاړي وتوانېدل، چې د افغانستان پر وړاندې شپږ ګولونه ووهل.
د دغو سیالیو په درېیمه لوبه کې د افغانستان فوټسال ملي لوبډله د ایران لهخوا ۵ پر ۲ مغلوبه شوه.
د یادونې ده، چې افغانستان خپلې دوه لوبې ګټلې وې؛ سعودي عربستان ته یې ۳ پر صفر او مالیزیا ته ۷ پر صفر ماتې ورکړ شوې دي.
لوبی
د ۲۰۲۶ آسیا فوټسال جام اته وروستۍ لوبډلې ځانګړې شوې
د ګروپي زړهراکښونکو سیالیو وروسته اته لوبډلې معلومې شوې او تمه ده، چې د څلور لوبډلو په پړاو کې به د آسیا مخکښې فوټسال لوبډلې د نیمهپایلوبې لپاره له سختو سیالیو سره مخ شي.
د انډونیزیا ۲۰۲۶ آسیا فوټسال جام د سیالیو د ګروپي پړاو لوبې د یکشنبې پر ورځ پای ته ورسېدې او له دې سره د حذفي پړاو څلور زړهراکښونکو لوبو ته زمینه برابره شوه، چې د سېشنبې پر ورځ( د سلواغې څوارلسمه / د فبرورۍ پر درېیمه ) به پیل شي.
د ګروپي زړهراکښونکو سیالیو وروسته اته لوبډلې معلومې شوې او تمه ده، چې د څلور لوبډلو په پړاو کې به د آسیا مخکښې فوټسال لوبډلې د نیمهپایلوبې لپاره له سختو سیالیو سره مخ شي.
کوربه هېواد انډونیزیا، چې د جمعې پر ورځ یې له عراق سره له سختې سیالۍ وروسته مساوي پایله ترلاسه کړه او د «A» ګروپ سر ته وخته؛ له ویټنام سره به مخ شي.
انډونیزیا هڅه کوي، چې په خپل تاریخ کې د لومړي ځل لپاره نیمهپایلوبې ته لار ومومي؛ خو ویټنام غواړي له ۲۰۱۶ کال وروسته یو ځل بیا وروستیو څلورو غوره لوبډلو ته ورسېږي.
عراق به له تایلینډ سره مخ شي، چې د ۲۰۲۴ کال په سیالیو کې یې دوهیم مقام خپل کړی و. دا به یوه سخته سیالي وي؛ ځکه دواړو لوبډلو په ګروپي پړاو کې پیاوړې کړنې لرلې.
څلور ځله اتل پاتې شوی جاپان د یکشنبې پر ورځ له ازبکستان څخه پر مخکې کېدا بریا خپله کړه او د «C» ګروپ لومړی مقام یې ترلاسه کړ. جاپان به د څلور غوره لوبډلو په سیالیو کې له افغانستان سره مخ شي، چې د «D» ګروپ د دوهیم مقام لوبډله ده.
سره له دې، چې افغانستان له ایران څخه ۵ پر ۲ ماتې وخوړه؛ خو د مدافع اتل پر وړاندې یې ښه مقاومت وښود او د ستاینې وړ لوبه یې ترسره کړه.
مدافع اتل؛ ایران، چې د خپلې څوارلسمې آسیا اتلولۍ په لټه کې دی؛ له ازبکستان سره به ولوبېږي. ایران د ګروپي پړاو ټولې درې لوبې ګټلې او له پوره باور سره حذفي پړاو ته داخلېږي.
د څلور غوره لوبډلو ټولې لوبې به د سېشنبې پر ورځ په جاکارټا ښار کې ترسره شي او د سیمې مینهوال به وکولی شي دا سیالۍ پر ژوندۍ بڼه وګوري.
آریانا ټلویزیون د دې سیالیو د خپرولو رسمي حق لري او د حذفي پړاو پراخ پوښښ به د افغانستان لیدونکو ته وړاندې کړي.
په افغانستان کې له مینهوالو غوښتنه شوې، چې د خپرونو د تازه معلوماتو لپاره د آریانانیوز او آریانا ټلوېزیون د ټولنیزو رسنیو پاڼې وګوري.
-
تازه خبرونه4 days agoپه افغانستان کې د سنتي نبوي طب پوهنځی منظور شو
-
تازه خبرونه4 days agoد افغانستان ملي پراختیا سټراټیژي له خطر سره مخ ده – یوانډيپي
-
لوبی5 days agoد ۲۰۲۶ آسیا فوټسال جام اته وروستۍ لوبډلې ځانګړې شوې
-
لوبی2 days agoآریانا ټلویزیون په افغانستان کې ژمنی المپیک خپروي
-
تازه خبرونه4 days agoپه دوحه کې د افغانستان د ۵زره کلن تاریخ او کلتور نندارتون پرانیستل شو
-
تازه خبرونه5 days agoد ګوزڼ په پیل شوي ملي کمپاین کې ۷.۳ میلیون ماشومان واکسین کېږي
-
تازه خبرونه4 days agoپه شانګهای همکاریو ټولنه کې د افغانستان فعال ګډون ممکن او عملي دی
-
تازه خبرونه4 days agoد اوبو غلي بحران او د میلیونونو کډوالو راستنېدا افغانستان له ګواښ سره مخ کړی
