تازه خبرونه
قطرد افغان نجونو او میرمنو په اړه د اسلامي امارت له مشرتابه سره د خبرو ډاډ څرګند کړ
د قطر د بهرنیو چارو وزیر ويلي؛ له اسلامي هېوادونو سره سلا مشوره کوي، چې په کندهار کې د اسلامي امارت له مشرتابه سره د میرمنو او نجونو د کار او زدکړو په اړه خبرې وکړي.
د قطر د بهرنیو چارو وزیر محمد بن عبدالرحمن وايي، چې دوی له افغان میرمنو او نجونو سره دي او باید ډاډه وي، چې پرېکړې به بدلې شي.
د قطر د بهرنیو چارو وزیر زیاته کړې؛ د ښځو او نجونو د کار او زدکړو په اړه د افغانستان د سرپرست حکومت وروستۍ کړنې د ناهیلۍ وړ دي؛ خو دوحه د بدلون د راوستلو لپاره له اسلامي امارت سره خپلې اړیکې روانې ساتي.
د قطر د بهرنیو چارو وزیر په سویس کې د داووس د اقتصادي غونډې په څنډه کې څرګنده کړې؛ که څه هم له اسلامي امارت سره تعامل اسانه کار ندی؛ خو اړینه ده، چې دا هڅې روانې وساتل شي.
د قطر د بهرنیو چارو وزیر محمد بن عبدالرحمن آل ثاني وایي: له دې پرېکړو وروسته مو هڅه کړې، چې له نورو اسلامي هېوادونو سره هم خبرې وکړو. مونږ د طالبانو له مشرتابه سره د خبرو پلان جوړوو؛ سیمه باید فعال رول ولوبوي. مونږ له طالبانو سره خبرې کوو، چې خپلې پرېکړې بدلې کړي. زمونږ پیغام افغان ښځو او نجونو ته دا دی، چې مونږ یې ترڅنګ ولاړ یوو او باید ډاډه وي، چې دا پرېکړې به بدلې شي.
دغه راز د ترکیې او ایران د بهرنیو چارو وزیرانو هم ويلي؛ دوی د اسلامي همکاریو د سازمان په چوکات کې کار کوي، چې کابل د میرمنو او نجونو د کار او زدکړې اجازې ورکولو ته اړ کړي.
د ترکیې د بهرنیو چارو وزیر مولود چاووش اوغلو وایي: د ښځو او نجونو د کار او زدکړې مخنیوی د اسلامي ارزښتونو او نړیوالو اصولو خلاف کار دی. مونږ پر دې موضوع موافق یوو او په دې برخه کې به له طالبانو سره د خبرو او د اسلامي همکاریو د سازمان په چوکات کې خپل کار ته دوام ورکوو.
د ایران د بهرنیو چارو وزیر حسین امیرعبداللهیان ویلي: د افغانستان د اوسني حکومت لخوا د ښځو او نجونو د زدکړې مخنیوی په بشپړه توګه د اسلام د سپیڅلي دین خلاف دی. مونږ تل په افغانستان کې د ټولګډونه حکومت غوښتنه کوو او دا د دې هېواد د ستونزې اساسي حل دی.
تر اوسه اسلامي امارت د قطر د بهرنیو چارو د وزیر د نویو څرګندونو په اړه څه ندي ویلي؛ خو د ښځو پر کار او زدکړو له بندیزونو وروسته یې ویلي، چې اسلامي امارت به له ښځو او نجونو سره د اسلامي ارزښتونو پر اساس چلند کوي او د اسلامي شريعت په چوکات کې به هغوی ته د هغوی حقوق ورکوي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ