تازه خبرونه
متحده عربي اماراتو د کابل او اسلامآباد له اوربند هرکلی وکړ
دې وزارت په یوه خپره شوې خبرپاڼه کې د قطر او ترکیې پر مشرۍ د منځګړیتوب له بریالیتوبونو ستاینه کړې او څرګندوي؛ دې ډیپلوماټیکو هڅو د دواړو لوریو ترمنځ د مستقیمو خبرو اترو لپاره لار اواره کړه.
د متحده عربي اماراتو بهرنیو چارو وزارت د افغانستان او پاکستان ترمنځ له اوربند هرکلی کړی او دا یې په سیمه کې د تلپاتې سولې او ثبات د ترلاسه کولو لپاره یو اړین ګام بللی دی.
دې وزارت په یوه خپره شوې خبرپاڼه کې د قطر او ترکیې پر مشرۍ د منځګړیتوب له بریالیتوبونو ستاینه کړې او څرګندوي؛ دې ډیپلوماټیکو هڅو د دواړو لوریو ترمنځ د مستقیمو خبرو اترو لپاره لار اواره کړه.
د متحده عربي اماراتو بهرنیو چارو وزارت په سویلي آسیا کې د امنیت، سولې او پرمختګ د ودې لپاره له ټولو سیمهییزو او نړیوالو هڅو څخه پخپل کلک ملاتړ ټینګار کړی او زیاتوي؛ دا تړون د افغانستان او پاکستان د خلکو د ګډ ژوند، ثبات او سوکالۍ هیلې ښیي.
د اوربند دا هوکړه، چې تېره اوونۍ د دوحې په خبرو اترو کې لاسلیک شوه؛ د تاوتریخوالي بېړني بندولو او د تلپاتې سولې او همکارۍ لپاره د میکانیزمونو رامنځته کولو لپاره د دواړو خواوو ژمنتیا څرګندوي.
متحده عربي اماراتو په نوښتونو کې د ګډون لپاره خپل چمتووالی څرګند کړ او وایي، چې په سیمه کې د خبرو اترو، باور او اوږدمهاله ثبات د پیاوړتیا لپاره د مرستې تر څنګ له ډیپلوماټیکو حل لارو هم ملاتړ کوي.
دا اوربند، چې له سختو ترینګلتیاوو وروسته رامنځته شوی؛ د سیمهییزو حکومتو لهخوا د نورو شخړو د مخنیوي او د افغانستان او پاکستان ترمنځ د همکارۍ د پیاوړتیا لپاره له دې مثبت ګام څخه هرکلی کوي.