Connect with us

سوداگري

مرسته کوونکیو افغانستان ته د ۲۸۰ میلیون ډالرو رالېږدول ومنل – نړیوال بانک

خپور شوی

د

(Last Updated On: ليندۍ ۲۳, ۱۴۰۰)

نړیوال بانک د جمعې پر ورځ تائید کړه، چې تمویلوونکیو د افغانستان بیارغونې وجهي صندوق او خواړو نړیوال پروګرام ته د ۲۸۰ میلیون ډالرو لیږد منلی دی.

د دغو مرستو موخه دا ده، چې د افغانستان له خلکو سره د بشري ناورین په له منځه وړلو کې مرسته وکړي. په داسې حال کې، چې له اسلامي امارت سره مرسته یې ډدې ته کړې ده.

رویټرز راپور ورکړی، چې د افغانستان اسلامي امارت ويلي؛ نړیواله ټولنه ریښتیني نده او باید له تېرو تېروتنو ډډه وکړي.

د اسلامي امارت د ویاند مرستیال انعام الله سمنګاني له چین نړیوالې ټلویزیوني شبکې سره په مرکه کې څرګنده کړې، چې اسلامي حکومت خپلواک، مسوول او خپلو ژمنو ته ژمن پاتې دی.

هغه وایي؛ اوسنی حالت د نړیوالې ټولنې لپاره په ځانګړي توګه د نړۍ ځواکمنو هېوادونو ته یوه ښه شېبه ده، چې د اړیکو یو نوی باب پرانیزي او د تعامل دا بڼه به د افغانستان او نړیوالې ټولنې په ګټه وي.

د پیسو نړیوال صندوق ( آی ام اف) هم په افغانستان کې د اسلامي امارت د حکومت د پر رسمیت پېژندلو په اړه د نړیوالې ټولنې د وضاحت د نشتوالي له کبله له ۴۰۰ میلیون ډالرو څخه د ډېرو مرستو د استولو مخه هم ونیوله.

د دغه راپور له مخې؛ نړیوال بانک هم د دغه هېواد لپاره د ځانګړې شوې مرستې پیسې بندې کړې.

د کابل یو اوسیدونکي محمد منګل ویلي: مونږ له نړیوالې ټولنې پر امریکا د فشار راوړلو غوښتنه کوو، چې زمونږ کنګل شوې پیسې آزادې کړي؛ ځکه دا د خلکو پیسې دي.

د کابل ښار يوه بل اوسیدونکي شېر آغا څرګنده کړې: د يو انسان په توګه زه له نړيوالې ټولنې غواړم، چې د بشري ارزښتونو پر بنسټ د افغانستان له خلکو سره مرسته وکړي.

د رویټرز د څرګندونو له مخېګ افغان کارپوهان له بشري مرستې هرکلی کوي؛ خو ټینګار کوي، چې دا بسنه میلیونونو اړمنو خلکو ته بسنه نکوي.

د مدني ټولنې هڅاند عبیدالله بهیر وایي: هر څومره، چې دا پیسې ګټورې وي بیا هم بسنه نکوي. نړیواله ټولنه باید له طالبانو ( اسلامي امارت سره ) سره په اړیکو کې ښکېل او ورسره تعامل وکړي، چې مونږ کاري اړیکه پیدا کړو او د افغانستان بانکي زیرمې خوشې شي.

اقتصادي کارپوه علم خان همدرد ویلي: اقتصادي پرمختګ له پیسو پرته ناشونی دی. له نړیوالې ټولنې، نړیوال بانک، د پیسو نړیوال صندوق، د امریکا له حکومت او اروپايي ټولنې مو غوښتنه داده، چې د افغانستان د اقتصادي بحران په راکمولو کې مرسته وکړي.

رویټرز راپور ورکړی؛ ډېري کارپوهان پدې باور دي، چې سږنی ژمی به د ملیونونو افغانانو لپاره تر ټولو سخت وي.

دا په داسې حال کې ده، چې د روان کال د زمري پر ۲۴ / د اګست پر ۱۵ اسلامي امارت په کابل کې بیا واک تر لاسه کړ او ور سره سمدستي امریکا د افغانستان بانک ۹ اعشاریه ۵ میلیارډ ډالرو زیرمو ته د دوی لاسرسی بند کړ او د اګست پر ۳۰ یې له کابل هوایي ډګره خپل پوځي او سیاسي ځواک وویست.

سوداگري

یو ترکي شرکت د یتیم‌تاق پر سمنټو پانګونې ته چمتووالی څرګند کړ

Published

on

(Last Updated On: وری ۸, ۱۴۰۳)

د کانونو او پټرولیم وزارت سرپرست شهاب الدین دلاور د ترکیې د ۷۷ شرکت له رییس سره وکتل.

د کانونو او پټرولیم وزارت څرګنده کړې؛ په دې کتنه کې، چې پرون تر سره شوې د ۷۷ شرکت رییس د اسلامي امارت هڅې او لاسته راوړنې وستایلې او وړاندیز یې وکړ، چې غواړي د یتیم‌تاق سمنټو پروژې تړون لاسلیک او عملي چارې یې پیل کړي.

ویل کیږي، چې د کانونو او پټرولیم وزارت چارسمبالي د یتیم‌تاق سمنټو پروژې د تړون په لاسلیکولو کې د همکارۍ څرګندولو تر څنګ له یاد شرکت څخه د پروپوزل د وړاندې کولو، غوره ټولنیزو خدمتونو او چاپېریال ساتنې په برخه کې د اړوند ژمنو د پلي کېدا غوښتنه وکړه.

د کانونو او پترولیم وزارت ویاند همایون افغان ویلي په هېواد کې ۷۷ ساختماني ترکي شرکت مسوولینو د کانونو وزارت له رهبرۍ سره د لیدنې پرمهال ویلي، چې غواړي د جوز جان د یتم‌تاق د سیمې د سمنټو په کان کې پانګو نه وکړي، چې د کانونو وزارت هم ور سره د همکارۍ  ژمنه کړې ده.

د خصوصي سکټورغړي هم وایي، چې هېواد د سمنټو د تولید په برخه کې ښه وړتیا لري او په دې سکټور کې د پانګونې پراختیا کولی شي د کاري زمینو د رامنځته کولو ترڅنګ د عوایدو په پراختیا کې هم د پام وړ زیاتوالی رامنځته کړي.

د صنعتکارانو ټولنې رییس عبدالجبار ساپی ویلي، چې د ۷۷ ساختماني ترکې شرکت پانګونه کولی شي په زرګونه هېوادوالو ته د کار د زمینې د برابرولو ترڅنګ نور بهرني پانګوال هم د هېواد په کانونو کې د پانګونې او د کانونو په سکټور کې د شته ظرفیتونو په برخه کې وهڅوي.

ویل کیږي، چې هېواد به د سمنټو د تولید په سکتور کې ځان‌بسیاینې ته ورسیږي. له دې مخکې په کندهار، هرات او پروان ولاتیتونو کې هم پر لوړ ظرفیت د پانګونې بهیر پیل شوی دی.

Continue Reading

سوداگري

د افغانستان او پاکستان د سوداګرۍ استازیو پر ننګونو خبرې وکړې

Published

on

(Last Updated On: وری ۷, ۱۴۰۳)

د افغانستان د صنایعو او سوداګرۍ وزارت چارواکو په کابل کې د پاکستان د سوداګرۍ وزارت له پلاوي سره په ګډه ناسته کې د سوداګریزو اړیکو پر وړاندې د شته ننګونو د حل په اړه خبرې وکړې.

له هغې وروسته، چې د افغانستان او پاکستان ترمنځ وروستیو سیاسي او پوځي ناندرو او تاوتریخوالي پر سوداګریزو او ټرانزیټي فعالیتونو سیوری وغوړاوه؛ نو د پاکستان د سوداګرۍ وزارت د مرستیال پر مشرۍ یو پلاوی د صنعت او سوداګرۍ وزارت پر رسمي بلنه کابل ته راغی، ګې د سوداګرۍ په اړه پر شته ننګونو بحث او خبرې وکړي. 

د هېواد د صنایعو او سوداګرۍ وزارت سرپرست ويلي، چې د وروستیو سیاسي کړکېچونو له کبله د افغانستان او پاکستان ترمنځ سوداګریزې او ټرانزیټي اړیکې له ستونزو سره مخ دي او په دې ناسته کې هڅه کېږي، چې شته ستونزو ته د اساسي حل لارې – چارې ولټول شي او د سوداګرۍ موضوع له سیاسي مسایلو سره ونه‌تړل شي.

د اقتصادي کارپوهانو پر اند افغانستان د منځنۍ آسیا او جنوبي آسیا ترمنځ ټرانزیټي لار ده؛ نو اسلامي امارت کولی شي له دې لارې پر پاکستان د فشار زیاتولو لپاره کار واخلي، چې پاکستان د افغانستان سوداګرۍ ته د ستونزو د رامنځته کولو مخه ونیسي.

ویل کیږي، چې ټاکل شوې په دې ناسته کې د PTA پر ترجیحي سوداګریز تړون، د  TAD  پلي کېدا او د اپټا د خبرو اترو وروستي کولو او همدارنګه هوايي ټرانزیټ، تورخم، چمن او سپین بولډک په بندرونو کې ۲۴ ساعته فعالیتونو او نورو سوداګریزو موضوعاتو خبرې وشي.

Continue Reading

سوداگري

افغانستان ته د پاکستان راغلی پلاوی پر اقتصادي همکاریو خبرې کوې

Published

on

(Last Updated On: وری ۶, ۱۴۰۳)

د صنعت او سوداګرۍ وزارت مسوولینو ويلي؛ د پاکستان د صنعت او سوداګرۍ وزارت پر مشرۍ یو پلاوی افغانستان ته پر دوه ورځیني سفر راغلي، چې موخه یې د اقتصادي اړیکو پراختیا او پر شته اقتصادي ستونزو خبرې دي.
د صنعت او سوداګرۍ وزارت ویاند عبدالسلام جواد اخوندازده ویلي؛ د پاکستان سوداګرۍ وزارت یوه پلاوی کابل ته پر دوه ورځني سفر راغلي، چې په دې دوه ورځو کې به د دواړه هېوادونو ترمنځ د اقتصادي اړیکو پره پراختیا او د ستونزو پر حل له افغان لوري سره خبرې وکړي.
د خصوصي سکټور غړي هم د پاکستان او افغانستان ترمنځ دا ډول سفرونه د سوداګرۍ د ودې لپاره اغېزمن بولي.
د افغانستان او پاکستان د ګډې سوداګرۍ خونې مسوولان وايي، چې په تېرکال کې مو اقتصادي اړیکي له ګڼو ستونزو سره مل وې. هیله ده، چې دواړه لوري وکولی شي د اقتصاد، سوداګرۍ او ترانزیټ پر وړاندې اوسنۍ ستونزې اوارې کړي.
د افغانستان او پاکستان ګډې سوداګرۍ خونې اجرائیه رییس نقیب الله ساپي ویلي؛ زه فکر کوم، چې د پاکستان او افغانستان ترمنځ د دا ډول ناستو او مسوولینو سفرونه کولی شي اوسنیۍ اقتصادي ستونزې کمې کړي.
د خصوصي سکټور دغړیو د څرګندونو له مخې؛ د پاکستاني لوري دا سفر دا سې مهال تر سره کیږي، چې تېر کال د پاکستان له‌خوانه د افغان سوداګرو د ټرازیټ پر وړاندي شپږ ځلي د لارو د تړل کیدو ترڅنګ د سوداګرۍ په حجم کې د پام وړ کموال رامنځته شو.
کارکاپوهان په دې باور دي، چې پاکستان د چل له سیاست څخه کار اخلي او کله، چې د افغانستان د میوو د صادارتو موسم وي په یوه بهانه لارې وتړي او کله، چې د دوی د ګټې وخت وي اړیکې بېرته عادي حالت ته را ولي.

Continue Reading

Trending

Copyright © 2022 Ariana News. All rights reserved!