تازه خبرونه
مولوي عبدالکبیر د ریاست الوزراء د چارسمبالي په توګه وټاکل شو
د افغانستان اسلامي امارت ویاند تائید کړې، چې ملا محمد حسن آخوند ناروغه دی او د غیابت په وخت کې به یې اړوند چارې د رییس الوزرا سیاسي مرستیال مولوي عبدالکبیر ترسره کوي.
د ریاست الوزرا د سیاسي مرستیال د تشریفاتو او رسنیو رییس محمد حسن حقیار د سې شنبې پر شپه ناوخته آریانا نیوز ته تائید کړه، چې مولوي عبدالکبیر به د ملا محمد حسن آخوند په غیاب کې، چې ناروغه شوی؛ د ریاست الوزرا د چارسمبالي په توګه دنده ترسره کوي.
د نوموړيٍ د څرګندونو له مخې؛ رییس الوزراء ملا محمد حسن آخوند د ورپېښې ناروغۍ له کبله له تېرو څو میاشتو راپدیخوا نهدی لیدل شوی او سیاسي مرستیال مولوي عبدالکبیر له بهرنیو لوړپوړیو چارواکو سره لیده کاته کول.
اسلامي امارت د ملا محمد حسن آخوند د ناروغۍ په اړه جزئیات نهدي په ډاګه کړي؛ خو سرچینو له دې وړاندې ویلي وه، چې نوموړی د زړه له ناروغۍ ځوریږي.
مولوي عبدالکبیر د پکتیکا ولایت اوسیدونکی دی او ویل کیږي، چې ځدراڼ دی.
نوموړی له دې مخکې په ۱۹۹۰ لسیزه کې د اسلامي امارت د پخواني حکومت پر مهال د ننګرهار والي و.
د تېرو وختونو د راپورونو له مخې؛ په ۲۰۰۱ ز، کال کې د اسلامي امارت له ډډې ته کېدو وروسته مولوي عبدالکبیر د پېښور شوره رییس ټاکل شوی و.
هغه په قطر کې له امریکا سره د اسلامي امارت په خبرو اترو کې هم اغېزمن رول لوبولی دی.
د ۲۰۲۱ ز. کال په اګست کې د اسلامي امارت له واکمنېدو وروسته؛ هغه په پیل کې د ملا محمد حسن آخوند د اقتصادي مرستیال په توګه او وروسته د اسلامي امارت د ریاست الوزراء د سیاسي مرستیال په توګه وټاکل شو.
د اسلامي امارت ویاند دبیح الله مجاهد تویثت کړی، چې د اسلامي امارت رییس الوزراء ملا محمد حسن آخوند د لنډ وخت لپاره د درملنې او استراحت لپاره کندهار ته راغلی دی.
ذبیح الله مجاهد څرګندوي: د دې لپاره، چې کارونه له خنډ او ځنډ سره مخ نهشي؛ د رییس الوزراء سیاسي مرستیال محترم مولوي عبدالکبیر د سرپرست په توګه کار کوي.
د ذبیح الله مجاهد د څرګندونو له مخې؛ دا بهیر په حکومتولۍ کې يوه عادي کړنلاره ده؛ هیڅوک دې په دې اړه د اندېښنې او پروپاګند هڅه نهکوي او نه هم هېوادوال کومه اندېښنه لري.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه7 hours ago
ترکمنستان د ټاپي پروژې بشپړولو ته ژمن دی – امانوف
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
سیمه ییز خبرونه8 hours ago
په عراق کې به همجنسبازان پر۱۵ کاله بند شي –پارلمان