ساینس او ټیکنالوژي
ناسا د سپوږمۍ او مریخ د یوکلن تمثیلي ماموریت لپاره د رضاکارانو نوملیکنه پیل کړه
د امریکا فضايي ادارې ویلي، چې د سپوږمۍ او مریخ د اکتشافي تمثیلي ماموریت (MMEA) لپاره د ګډونوالو نوملیکنه روانه ده. ټاکل شوې دا ماموریت د ۲۰۲۷ زېږدیز کال له اګست میاشتې وروسته د امریکا د ټکزاس ایالت په هیوسټن ښار کې د ناسا د جانسن فضايي مرکز کې پیل شي.
ناسا د هغو رضاکارانو د نوملیکنې بهیر پیل کړی، چې غواړي د سپوږمۍ او مریخ د راتلونکو فضايي سفرونو لپاره په یو کلن تمثیلي ماموریت کې ګډون وکړي.
د امریکا فضايي ادارې ویلي، چې د سپوږمۍ او مریخ د اکتشافي تمثیلي ماموریت (MMEA) لپاره د ګډونوالو نوملیکنه روانه ده. ټاکل شوې دا ماموریت د ۲۰۲۷ زېږدیز کال له اګست میاشتې وروسته د امریکا د ټکزاس ایالت په هیوسټن ښار کې د ناسا د جانسن فضايي مرکز کې پیل شي.
غوره شوي رضاکاران به شاوخوا یو کال په دوه ځانګړو استوګنځایونو کې ژوند او کار وکړي. دغه استوګنځي داسې جوړ شوي، چې د ژورې فضا د سفرونو انزوا، محدودیتونه او عملیاتي ننګونې تمثیل کړي.
ناسا وایي؛ له دې تمثیلي ماموریت موخه دا ده، چې وڅېړي فضايي عمله د اوږدمهاله فضايي سفر او د سپوږمۍ او مریخ پر سطحه د فعالیتونو له شرایطو سره څنګه ځان عیاروي. د دې څېړنې موندنې به د راتلونکو فضايي ماموریتونو لپاره د ستورمزلو د خوندیتوب او چمتووالي په ښه کولو کې مرسته وکړي.
ګډونوال به د ستورمزلو په څېر بېلابېلې دندې ترسره کړي؛ لکه د سپوږمۍ او مریخ تمثیلي پلټنیز سفرونه، د سپړنیزو وسایطو چلول او علمي څېړنې. دا ټول به د محدودو سرچینو او هغو مخابراتي محدودیتونو تر سیوري لاندې ترسره کېږي، چې په ژوره فضا کې یې تمه کېږي.
ناسا ویلي، دا څېړنه به د آرټمیس پروګرام، د سپوږمۍ دایمي اډې د جوړولو د طرحې او مریخ ته د لومړي انساني سفر د چمتووالي په برخه کې هم مرسته وکړي.
دغه نوی پروګرام د ناسا د HERA او CHAPEA پروژو ځانګړنې په یوه ګډ ماموریت کې راټولوي. رضاکاران به لومړی د HERA په استوګنځي کې فضا ته د سفر تمثیل تجربه کړي او وروسته به د CHAPEA استوګنځي ته ولېږدول شي، چې د سپوږمۍ یا مریخ د اډې بڼه لري.
د ماموریت په اوږدو کې به څېړونکي د ګډونوالو فزیکي روغتیا، رواني وضعیت او کاري وړتیا پرلهپسې څاري. همدارنګه به هغه ټکنالوژۍ، عملیاتي کړنلارې او د استوګنځایونو سیسټمونه هم وارزول شي، چې په راتلونکو ژورو فضايي سفرونو کې به ترې ګټه اخیستل کېږي.
ناسا له هغو کسانو، چې د دې ادارې روغتیايي، تعلیمي او رواني شرایطو لرونکي دي؛ غوښتي، چې نوملیکنه وکړي. نوماندان باید د څو پړاوونو له ارزونې، بشپړو روغتیايي او رواني معایناتو وروسته غوره شي.
د ناسا د څرګندونو له مخې؛ دا پروګرام د هغو کسانو لپاره دی، چې له سترو ننګونو سره د مخامخېدا لېوالتیا لري او غواړي د انسان د فضايي سپړنو د راتلونکي په جوړولو کې ونډه واخلي.
ساینس او ټیکنالوژي
شمالي کوریا د خپلې لومړنۍ چټباټ مصنوعي ځیرکتیا مخکتنه وکړه
دغه چټباټ د« کیم ایل سونګ» پوهنتون د مصنوعي ځیرکتیا د ټکنالوژۍ د څېړنیز انسټیټیوټ او په پیونګیانګ کې میشتې «فورونهانویل» سافټویر شرکت په ګډه جوړ کړی دی.
«۳۸ نارټ» نومي څېړنیز مرکز راپور ورکړی، چې د شمالي کوریا تحولات څاري؛ دغه چټباټ، چې « د مصنوعي ځیرکتیا د خدمتونو ۱.۰ سیسټم؛ د پوهې چینه» نومېږي، په پیونګیانګ کې د معلوماتي ټکنالوژۍ د لاسته راوړنو په ملي نندارتون کې نندارې ته وړاندې شوی دی.
دغه چټباټ د« کیم ایل سونګ» پوهنتون د مصنوعي ځیرکتیا د ټکنالوژۍ د څېړنیز انسټیټیوټ او په پیونګیانګ کې میشتې «فورونهانویل» سافټویر شرکت په ګډه جوړ کړی دی.
دغه چټباټ کولی شي د علومو او ټکنالوژۍ اړوند پوښتنو ته په کوریايي او انګلیسي ژبو ځوابونه ورکړي او د ژباړې خدمتونه هم وړاندې کړي.
د«۳۸ نارټ» د راپور له مخې؛ نندارې ته په وړاندې شویو انځورونو کې پر پرده داسې خبرداری لیدل کېږي، چې کاروونکو ته سپارښتنه کوي؛ سیاسي او ټولنیزې پوښتنې مطرح نهکړي. همدارنګه داسې ښکاري، چې د مصنوعي ځیرکتیا سیسټم ته د پوښتنو له لېږلو مخکې د غوښتنو د محتوا د ډلبندۍ یو سیسټم یې ارزوي.
د هغه هارډویر په اړه معلومات نهدي خپاره شوي، چې دغه سیسټم پرې چلېږي؛ خو«۳۸ نارټ» اټکل کوي، چې په دغه چټباټ کې کارول شوې مصنوعي ځیرکتیا ماډل ښايي پر بشپړه بڼه په شمالي کوریا کې نهوي جوړ شوی، بلکې د امریکايي یا چینايي شرکتونو او څېړنیزو مرکزونو له لوري د جوړو شویو هغو ماډلونو څخه وي، چې وزنونه یې پرانیستي دي. لکه د ګوګل«جیما» یا د عليبابا«کیوون» ماډل.
په راپور کې همدارنګه راغلي، چې په شمالي کوریا کې د سترو معلوماتي مرکزونو کمښت ښايي په دې هېواد کې د مصنوعي ځیرکتیا د تر ټولو پرمختللیو ماډلونو د پراخې کارونې پر وړاندې خنډ وي.
ساینس او ټیکنالوژي
سویلي کوریا د درغلۍ له رسوایۍ وروسته د کانکور د ګډونوالو عینکې ارزوي
د رویټرز د راپور له مخې: له دې رسوایۍ وروسته آن ځینو کسانو غوښتنه کړې، چې د پوهنتونونو د داخلې آزموینه دې د آزموینې د عدالت او روڼتیا تر یقیني کولو وځنډیږي؛ خو د پوهنې وزارت دا آزموینه، چې په سیالۍ ډکه ټولنه کې د بریالیتوب لپاره خورا مهمه بلل کېږي، ځنډول رد کړي دي.
سویلي کوریا به د پوهنتونونو د داخلې په عمومي آزموینه کې د ګډون کوونکو ټولې عینکې وارزوي، چې د مصنوعي ځیرکتیا پر مرسته د درغلۍ مخه ونیسي. دا پرېکړه له هغې وروسته شوې، چې د مالیاتي حسابدارۍ په آزموینه کې درغلۍ د دې هېواد د سختو او مهمو آزموینو پر سیسټم د خلکو باور زیانمن کړ.
د رویټرز د راپور له مخې: له دې رسوایۍ وروسته آن ځینو کسانو غوښتنه کړې، چې د پوهنتونونو د داخلې آزموینه دې د آزموینې د عدالت او روڼتیا تر یقیني کولو وځنډیږي؛ خو د پوهنې وزارت دا آزموینه، چې په سیالۍ ډکه ټولنه کې د بریالیتوب لپاره خورا مهمه بلل کېږي، ځنډول رد کړي دي.
د آزموینې د امنیت په اړه مهم ټکي:
د پوهنې وزیر چوی کیو جین د دوشنبې پر ورځ پارلماني غونډې ته ویلي، وزارت به د پوهنتونونو د علمي وړتیا آزموینې په هر پېر کې د ټولو ګډونوالو عینکې وارزوي. ځیرکې برښنايي وسیلې هم د روان کال په جولای کې د منع شویو توکو په نوملړ کې شاملې شوې دي.
څیرکې عینکې په نړۍ کې د اندېښنې وړ ګرځېدلې دي؛ ځکه د دغو عینکو له لارې له اجازې پرته د محرمو معلوماتو او د خلکو د انځورونو، ویډیوګانو او غږونو ثبتول کېدی شي.
چوی ویلي، د هرې آزموینې له خونې بهر به خبرتیاوې ولګول شي، چې په کې به د درغلۍ په صورت کې د آزموینې د پایلو د لغوه کېدا او له قانوني سزاوو څخه خبرداری ورکړ شوی وي.
د آزموینې په هر مرکز کې به لږ تر لږه یو کارکوونکی د ځیرکو برښنايي وسیلو د څارنې لپاره ځانګړی شي.
دغه راز به د آزموینې د مرکزونو، سیمهییزو ښوونیزو دفترونو او د وزارت د څارنې خونې ترمنځ د اړیکو یوه ځانګړې کرښه فعاله وي، چې هغه ستونزمنه پرېکړه پرې له چارواکو سره شریکه شي.
چوی زیاته کړې، وزارت به د رادیويي څپو د کشفولو وسیلو ته ورته د ټکنالوژۍ په برخه کې له متخصصانو سره سلا وکړي او د راتلونکي کال په آزموینه کې به د دغو وسایلو د کارولو امکان هم وارزوي.
هر څوک، چې د آزموینې پر مهال له ځیرکې برښنايي وسیلې سره ونیول شي یا یې وکاروي؛ د همغه کال پایلې به یې لغوه او په راتلونکي کال کې به له آزموینې ورکولو منع شي.
چوی وایي، وزارت به له پارلمان سره د منع وخت د یوه کال پر ځای له درې تر لس کلونو پورې د غځولو لپاره هم کار وکړي. سرغړوونکي ښايي د رسمي دندو د خنډولو پر تور پولیسو ته هم معرفي شي.
دا اقدامات له هغې وروسته تر سره کیږي، چې یوه کس د یکشنبې پر ورځ داسې اعتراف وکړ: د سږ کال د مالیاتي حسابدارۍ په آزموینه کې یې پر درغلۍ لومړی مقام ترلاسه کړی دی. نوموړي ومنله، چې د یوې کوچنۍ کمرې پر مټ یې د آزموینې پوښتنې انځور کړې؛ بیا یې مصنوعي ځیرکتیا ته ولېږلې او ځوابونه یې پر ځیرکګرځند کې وکتل.
د سویلي کوریا لومړۍ وزیرې هان سونګ سوک د دوشنبې پر ورځ ویلي، حکومت به د پوهنتونونو د داخلې عمومي آزموینې د خوندي کولو لپاره د بېړنیو اقداماتو د چمتو کولو پر موخه ځانګړې ډله جوړه کړي.
هغې له چارواکو هم وغوښتل، چې د مصنوعي ځیرکتیا پر بنسټ د درغلۍ د کشف ټکنالوژي جوړه او د آزموینو پر مهال د درغلۍ لپاره سزاوې نورې هم سختې کړي.
ساینس او ټیکنالوژي
بایننس د غلا شویو شپږ میلیارډ ډالرو شتمنیو زیان جبران کړ
رویټرز خبري آژانس د راپور له مخې، د امریکا فډرالي څېړنو ادارې (افبيآ) د دې سایبري برید مسوول د شمالي کوریا له حکومت سره تړلې «ټریډر ټریټر» ډله ګڼلې ده.
د نړۍ تر ټولو لویې ډیجیټلي پیسو تبادلې بایننس ویلي، چې د یوه سایبري برید پر مهال د دې پلاتفورم د ۶.۳ میلیارډ ډالرو شتمنیو له غلا کېدا وروسته یې تر اوسه د خپلو مالي سرچینو پر کارولو د شپږ میلیارډ ډالرو زیان جبران کړی دی.
رویټرز خبري آژانس د راپور له مخې، د امریکا فډرالي څېړنو ادارې (افبيآ) د دې سایبري برید مسوول د شمالي کوریا له حکومت سره تړلې «ټریډر ټریټر» ډله ګڼلې ده.
بایننس ویلي، چې د پاتې شتمنیو له ۱۰ سلنې څخه کمه برخه په هغو پیسو پورې اړه لري، چې د بازار د لږې راکړې ورکړې له کبله یې برابرول ډېر وخت نیسي.
دغه شرکت زیاته کړې، چې د خپلو همکارانو پر مرسته یې د غلا شویو شتمنیو شاوخوا درې میلیارډ ډالره پېژندلي او کنګل کړي دي.
بایننس ټینګار کړی، چې د دې سایبري برید له کبله اوښتی زیان به خپله جبران کړي او پر پېرودونکو به یې وروانهچوي.
د یاد شرکت د څرګندونو له مخې، د زیان د جبران لپاره یې د کاروونکو د شتمنیو د ساتنې له صندوق او خپلو مالي سرچینو ګټه اخیستې ده.
له دې برید وروسته بایننس د شتمنیو ایستل په لنډمهاله توګه ودرول او ویلي یې ول، چې دغه چوپړتیا به د یکشنبې پر ورځ بېرته پیل کړي.
-
تازه خبرونه2 days agoڅلور سمنګاني ځوانان د کډوالۍ پر لارې له مړینې وروسته خاورو ته وسپارل شول
-
لوبی5 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoآریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
-
سیمه ییز خبرونه3 days agoد ایران پر پوځي تاسیساتو امریکا او پر خلیجي هېوادونو ایران بریدونه کړي
-
تازه خبرونه4 days agoد اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
-
تازه خبرونه4 days agoاسلامي امارت آلمان ته خپل څلور نوي ډیپلوماټان لېږي
-
ساینس او ټیکنالوژي2 days agoشمالي کوریا د خپلې لومړنۍ چټباټ مصنوعي ځیرکتیا مخکتنه وکړه
-
تازه خبرونه4 days agoافغانستان په ملګرو ملتونو کې د غړیتوب اتیایمه کلیزه نمانځي
