تازه خبرونه
ولسمشریزې ټاکنې کړکیچ ته تللې دي- حکمتیار
د سولې او اسلامي عدالت ټاکنیزې ډلې مشر ګلبدین حکمتیار ادعا کوي، چې ولسمشریزې ټاکنې کړکیچ ته تللي دي.
له آریانا نیوز سره په خبرو کې نوموړي ویلي؛ دولت جوړونکې ټاکنیزې ډلې له ده سره اړیکې نیولي او ترې غوښتنه شوې، چې له اوسني کړکېچ څخه د وتو لپاره مشوره ورکړي.
ښاغلي حکمتیار زیاته کړې: دوی ته زما مشوره داده؛ راځئ له ملت او الله پاک سره رښتینې او ټینګه ژمنه وکړ او دا بحران حل کړو.
د سولې او اسلامي عدالت ټاکنیزې ډلې مشراو ولسمشرۍ ته نوماند انجنیر حکمتیار وایي، که د رایو د شمېرلو بهیر د بایومتریک دستګاوو له لارې وي؛ خپله مخکښ دی، دوه یمه د ثبات اوهمپالنې ټاکنیزه ډله ده او دولت جوړونکې ټاکنیزه ډله په درېیم ځای کې راځي.
تر اوسه د ټاکنو د پایلو په تړاو د ټاکنو خپلواک کمیسیون څه ندي ویلي؛ خو د ټاکنیزو ډلو څو مشران ځانونه بریالي بولي.
اوس ټاکنیز کمیسیونونه او ټول نوماندان غواړي، چې یوازې بایومتریک رایې وشمېرل شي؛ خو د رایو په شمېرلو کې د ټاکنو خپلواک کمیسیون لاسوهنه او یا هم د ټاکنو بې پایلې پاتې کیدل او دوه یم پړاو ته د ټاکنو تلل هم هغه څه دي، چې ښاغلی حکمتیار یې اندېښمن کړی دی.
ښاغلي حکمتیار ویلي؛ مونږ پوره باور لرو، چې بایومتریک رایې د اعتبار وړ دي؛ خو که په دې کې هم لاسوهنه ونشي، د رایو شمېر بدل نشي باوري یو، چې دولت جوړوونکې ډله به درېیم ځای خپل کړي او مونږ له ټولو ډېرې او پاکې رایې لرو.
څه موده مخکې د دولت جوړونکې ټاکنیزې ډلې لومړي مرستیالامرالله صالح حکمتیار ته په خطاب کې ویلي وه؛ څوک، چې پر ټاکنو پښېمان دي او غواړي د جګړو لپاره بیا غرونو ته وخیژي، ځای یې پولیګون او یا هم د عدلي طب سړخونه ده.
ولسمشریزو ټاکنو ته نوماند ګلبدین حکمتیار په دې اړه ویلي؛ هیله من یو، چې ماشومانه څرګندونې ونکړي او افغانان ونه ګواښي. د افغانانو ګواښل به د دې سبب شي، چې نوره میړانه هم وښیي او د بدل لار خپله کړي. له حکومتي ډلو مو هیله داده، چې سوله ییزه لار خپله کړي نه د تاوتریخوالي.
د ټاکنو خپلواک کمیسیون د حکمتیار خبرو ته په غبرګون کې ویلي؛ دا ډول خبرې د عامه ذهیت له انحرافولو پرته بل څه نلري، ځکه دوی تر اسه د رای اچوونکیو د رایو پر شمېرلو خته دي.
تازه خبرونه
پر کونړ د پاکستاني پوځ توغندیز بریدونه؛ ۴ «شهیدان» او لسګونه ټپیان
د سرچینو د څرګندونو له مخې؛ نن(دوشنبه د غویي اوومه) د پاکستاني پوځیانو په برید کې ۴ کسان«شهیدان» شوي او ۴۵ نور ټپیان دي.
په کونړ ولایت کې ځایي سرچینو آریانا نیوز ته تأیید کړې، چې د پاکستاني ځواکونو د راکټي بریدونو له کبله ګڼشمېر ملکي وګړي «شهیدان» او ټپیان شوي دي.
د سرچینو د څرګندونو له مخې؛ نن(دوشنبه د غویي اوومه) د پاکستاني پوځیانو په برید کې ۴ کسان«شهیدان» شوي او ۴۵ نور ټپیان دي.
سرچینو زیاته کړې، چې ډېری ټپیان ښځې او ماشومان دي، چې دا چاره په دې سیمه کې د بشري وضعیت په اړه اندېښنې زیاتوي.
ځایي سرچینو همدارنګه ویلي، چې پاکستاني پوځیانو یو ځل بیا د دې ولایت د مرکز د یارګل اړوند سیمه هم پر نښه کړې ده.
د دغو سرچینو د څرګندونو له مخې، په دې بریدونو کې د کونړ ولایت د پوهنتون لیلیه هم زیانمنه شوې ده.
دا په داسې حال کې ده، چې پاکستاني پوځیانو تېره شپه او نن غرمه هم په سپین بولډک کې یو ماشوم «شهید» کړ او پر ملکي سیمو یې توغندیز بریدونه وکړل، چې د افغان ځواکونو په ځوابي بریدونو کې ۶ پوځیان وژل شوي او لسګونه وسلې هم تر لاسه شوي دي.
تازه خبرونه
اسلامي امارت د غویي اوومه وغندله او اتمه یې ویاړلې ورځ وبلله
اسلامي امارت ویلي، چې د ۱۳۵۷ لمریز لېږدیز کال د غویي اووهمې کودتا په افغانستان کې بهرنۍ لاسوهنې ته لار هواره کړه.
د افغانستان اسلامي امارت د غویي اوومې او اتهمې د کلیزې پر مناسبت یوه خبرپاڼه خپره کړې، چې په کې یې د افغانستان د خلق ډیموکراټیک ګوند لهخوا د محمد داوود خان د حکومت پر وړاندې پوځي کودتا غندلې او د مجاهدینو د بریا ورځ یې ویاړلې بللې ده.
اسلامي امارت ویلي، چې د ۱۳۵۷ لمریز لېږدیز کال د غویي اوومې کودتا په افغانستان کې بهرنۍ لاسوهنې ته لار هواره کړه.
اسلامي امارت څرګنده کړې، چې د افغانستان خلکو د ۱۴ کلنې وسلهوالې مبارزې له لارې د بهرني حضور پر وړاندې ټینګار او مقاومت وکړ او په پای کې یې د ۱۳۷۱ لمریز لېږدیز کال د غویي پر اتمه خپله خپلواکي ترلاسه کړه.
دغه راز اسلامي امارت دا یادونه هم کړې، چې د جهاد له پای وروسته افغانستان له کورنیو اختلافاتو او تنظیمي جګړو سره مخ شو، چې د یوه سوچه شرعي نظام د جوړېدا هیلې یې پر ناهیلۍ واړولې.
په اعلامیه کې ټینګار شوی، چې اسلامي امارت د ګډوډۍ د پای ته رسولو، د یووالي د ترویج او د شرعي نظام د نافذولو لپاره رامنځته شوی او دغه موخې تر لاسه شوې دي.
اسلامي امارت همدارنګه د اوسني نظام د ساتنې پر اړتیا ټینګار کړی او له افغانانو یې غوښتي، چې په هېواد کې د ثبات ساتلو او د حکومتي جوړښتونو د پیاوړتیا لپاره یو موټی او ژمن پاتې شي.
تازه خبرونه
په جوزجان کې د ۱۶۰ میلیون ډالرو پر پانګونه د یتیمتاق د سمنټو کارخونې جوړولو چارې پیل شوې
په دې مراسمو کې ملا برادر ټینګار وکړ، چې د کورني صنعت پیاوړتیا او له کورنیو تولیداتو ملاتړ د افغانستان د اقتصادي ودې بنسټیزه برخه ده او هېواد ورو ورو له تولیدي اقتصاد سره مخ کوي.
د ریاستالوزرا اقتصادي مرستیال ملا عبدالغني برادر نن دوشنبه( د غویي اوومه) په جوزجان ولایت کې د یتیمتاق د سمنټو د تولیدي کارخونې د جوړولو کار پرانیست.
په دې مراسمو کې ملا برادر ټینګار وکړ، چې د کورني صنعت پیاوړتیا او له کورنیو تولیداتو ملاتړ د افغانستان د اقتصادي ودې بنسټیزه برخه ده او هېواد ورو ورو له تولیدي اقتصاد سره مخ کوي.
هغه وویل، د دې سترې صنعتي پروژې پیل د کورني تولید د ظرفیت د پراختیا، پر وارداتو د تکیا کمولو او د دوامداره اقتصادي پرمختګ د ترویج لپاره د پرلهپسې هڅو ښکارندویي کوي.
د نوموړي د څرګندونو له مخې: د اسلامي امارت اقتصادي پالیسي پر کورنيو تولیدات راڅرخیږي او خام مواد د دې پر ځای، چې بېپروسسه صادر شي؛ په هېواد کې دننه پروسس شي.
ملا برادر همدارنګه له نړیوالې ټولنې وغوښتل؛ له افغانستان سره اقتصادي تعامل له رسمي لارو پیاوړی کړي او هغه څه یې، چې د هېواد د امنیتي وضعیت ښهوالی، سیاسي ثبات او نهکارېدلي اقتصادي فرصتونه وبلل، وځلول.
هغه خبرداری ورکړ، چې د نړیوالې اقتصادي همکارۍ محدودول، د انزوا پالیسۍ تعقیبول او د بندیزونو اوږدېدل نه یوازې نړیوالې اقتصادي ستونزې نه حلوي، بلکې نوي خطرونه هم رامنځته کوي او سیمهییزې او نړیوالې همکارۍ کمزورې کوي.
نوموړي هېوادوالو ته د دې پروژې د پیل مبارکي وویله او له اړوند مسوولانو او قراردادي شرکت څخه یې وغوښتل، چې د لوړ کیفیت لرونکی کار او پر وخت بشپړول یقیني کړي.
ویل کېږي، چې د یتیمتاق د سمنټو کارخونه د ۱۶۰ میلیون ډالرو پر پانګونه د یوه ترکي شرکت له لوري جوړېږي. تمه ده، چې له بشپړېدا وروسته به دغه کارخونه هره ورځ ۳۰۰۰ ټنه سمنټ تولید او شاوخوا ۵۰۰۰ مستقیم او غیرمستقیم کاري فرصتونه به رامنځته کړي. دا پروژه به په دوه کلونو کې بشپړه شي.
پر کونړ د پاکستاني پوځ توغندیز بریدونه؛ ۴ «شهیدان» او لسګونه ټپیان
اسلامي امارت د غویي اوومه وغندله او اتمه یې ویاړلې ورځ وبلله
په جوزجان کې د ۱۶۰ میلیون ډالرو پر پانګونه د یتیمتاق د سمنټو کارخونې جوړولو چارې پیل شوې
پر کلاشینکوف او ژېړو بشکو نشو کولی له ځان څخه د دښمن پروړاندې دفاع وکړو- د پوهنې وزیر
کورنیو چارو وزیر او د چین سفیر پر دوه اړخیزو اړیکو او سیمهییز ثبات خبرې وکړې
په بامیان کې ۲۳۰ سکي بازانو په زړهراکښونکې سیالیو کې برخه واخیسته
د اماراتو له لارې د ایراني وګړو تګ راتګ ودرول شو
په ۳ ولایتونو کې له ۲۷.۵ میلیون جریب څخه ډېر څړځایونه تثبیت شول
د ترمذ سوداګریز مرکز د افغان – ازبک په اړیکو کې اړین رول لري – روسیه
له برید درولو وروسته ایران له امریکا سره پر لنډمهالي اوربند هوکړه وکړه
-
سیمه ییز خبرونه5 days agoایران د هرمز تنګي پر سټرټیژیکه لار خپل واک او څار زیات کړ
-
تازه خبرونه4 days agoفرضي کرښې ته نږدې ۱۲۵ پراختیایي پروژۍ پلې کیږي
-
تازه خبرونه4 days agoپه تخار کې ولسي غونډه؛ پر ملي یووالي ټینګار او د نظام ملاتړ
-
تازه خبرونه4 days agoولس د استخباراتي کړیو د توطیو او نیرنګونو پر وړاندې هوښیار او متحد دی -نوراللهنوري
-
سیمه ییز خبرونه2 days agoد ټرمپ پرېکړې د ایران–امریکا د سولې هیلې اغېزمنې کړې
-
لوبی1 day agoافغانستان، ازبکستان او تاجکستان د غېږنیونې په نړیواله سیالۍ کې غوره مقامونه خپل کړل
-
سیمه ییز خبرونه15 hours agoایران امریکا ته د هرمز تنګي د بیا پرانیستلو او جګړې د پای ته رسولو وړاندیز وکړ- اکسیوس
-
تازه خبرونه2 days agoافغانستان د برښنا سکټور د ودې لپاره د روسیې پانګونې ته لېوال دی