تازه خبرونه
پاکستان دې دا ډاډ څرګند کړي، چې د طالبانو پر ځای له بلې ډلې ملاتړ نکوي- د ارګ سرچینې
![](https://www.ariananews.af/wp-content/uploads/2019/04/Afghan-US-talks.jpg)
په ارګ کې سرچینو ویلي، حکومتي مشرانو له زلمي خلیلزاد سره په خبرو کې دا غوښتنه کړې؛ پاکستان دې دا ډاډ ورکړي، چې د طالبانو پر ځای له بلې ډلې ملاتړ نکوي.
که څه هم پاکستان د سولې خبرو په پنځ( اوج) کې هم خپلې ځانګړې هڅې روانې ساتلي؛ خو د ارګ سرچینو څرګنده کړې؛ حکومتي مشرانو له زلمي خلیلزاد سره په لیدنو کې له هغه غوښتي: له طالبانو سره د سولې له هوکړې سره سم پاکستان باید ډاډ ورکړي، چې په افغانستان کې د طالبانو پر ځای له بلې ډلې ملاتړ نکوي.
دا سرچینې ټینګار کوي، چې دا غوښتنه حکومت له امریکایي چارواکو سره په واشنګټن کې هم شریکه کړې ده.
اجرائیه ریاست وایي، له طالبانو سره د سولې له هوکړې وروسته باید د سیمې هیڅ هېواد په افغانستان کې له جنګیدونکیو ترهګرو ډلو ملاتړ ونکړي.
د اجرائیه رییس د ویاند مرستیال امید میثم زیاته کړې؛ ټول هېوادونه دې ګډ دریځ خپل کړي او د همغږۍ له مخې دې نه پریږدي، چې یو ځل بیا ترهګرې ډلې د افغانستان امنی او ثبات ته زیان ورسوي.
دا اندېښنې اوس هم شته، چې که د سولې هوکړه کیږي؛ نو په افغانستان کې دې د جګړې د بیا پیل مخه ونیول شي. هغه هم د نورو ترهګرو لکه جیش محمد، لشکر طیبه او نورو تر چتر لاندې.
په هند کې د افغانستان پخوانی سفیر او ولسمشریزو ټاکنو ته نوماند شیدا محمد ابدالي ویلي، چې پاکستان په افغانستان کې جګړه غزولې او د بېلابېلو ډلو لخوا یې بې ثباتي وینو. د سولې بهیر باید ملي شي او په دې اړه د ګاونډ هېوادونو په غوښتنه پرېکړه ونشي.
که څه هم امریکا له طالبانو سره په خبرو کې له افغانستان څخه د بهرنیو ځواکونو د وتلو پر مسودې او دا، چې افغانستان بیا نړۍ ته ګواښ نه وي؛ خبرې کړي، خو اوس هم افغانستان په دې لټه کې دی، چې له پاکستان څخه دا ډاډ اخیستل هم د سولې خبرو په اجندا کې ځای ونیول شي.
د سولې عالي شورا ویاند سید احسان طاهري وایي؛ امریکا ژمنه کړې، چې له سولې عالی شورا او سولې بهیر سره ګډ ګامونه پورته کوي او په راتلونکیو میاشتو کې به له طالبانو سره د خبرو د پیل لیدونکي شو.
مخکې په ځلونو د پاکستان لومړي وزیر د طالبانو په حضور کې د لنډ مهالې ادارې د جوړیدو غوښتنه کړې وه او پاکستان غواړي، چې د افغانستان په راتلوونکي سیاسي جوړښت کې خپل لید لوری ولري؛ خو کابل دا غوښتنه د افغانستان په چارو کې ښکاره لاسوهنه بولي.
خبریال: باعث حیات
![](https://www.ariananews.af/wp-content/uploads/2020/09/ATNNewsNewLogo2020.png)
تازه خبرونه
د نظام په ساتنه او تینګښت کې د خلکو همکاري ډېره مهمه ده – رییس الوزراء
وموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
![](https://www.ariananews.af/wp-content/uploads/2024/06/222.jpg)
د افغانستان اسلامي امارت رییس الوزراء ملا محمد حسن اخوند په خپل اختر پیغام کې د هېواد له خلکو وغوښتل، چې له اسلامي نظام ملاتړ وکړي؛ ځکه د نظام په ساتنه او ټینګښت کې د خلکو ملاتړ اړین دی.
ملا محمد حسن اخوند ویلي: خلکو ته زما پیغام دا دی، چې له خپل اسلامي نظام څخه ټینګ ملاتړ وکړي، په ښو کارونو کې له مسوولینو سره همکاري وکړي، ځکه د نظام په ساتنه او ټینګښت کې د ولس همکاري ډېره اړینه ده.
نوموړي د اسلامي امارت له چارواکو هم وغوښتل، چې له خلکو دې خپله مرسته نه سپموي.
هغه له مسلمانانو په تېره بیا له حاجیانو وغوښتل، چې د فلسطین خلکو ته دعا وکړي او له فلسطینیانو سره پر پیوستون او مرستې یې هم ټینګار وکړ.
د اسلامي امارت ویاند ذبیح الله مجاهد هم د ملا محمد حسن اخوند خبرې راخیستي، چې ویلي یې دي: هغه پر امنیتي ځواکونو او د امارت پر ټولو ادارو غږ کړی، چې خلکو ته ښه خدمات وړاندې کړي. نوموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
دغه راز په پخواني حکومت کې د ملي روغې جوړې عالي شورا رییس عبدالله عبدالله هم له خلکو غوښتي، چې د افغانستان د خلکو ملي ګټو، ملي یووالي، قومي، مذهبي او کلتوري تنوع ته دې درناوي او پاملرنه وکړي، چې د سولې او سولهییز ژوندانه زمینه برابره شي.
عبدالله عبدالله د اختر په مناسبت په خپل پیغام کې ویلي، چې د افغانستانآابادي او پرمختګ په یووالي، همکارۍ او د ټولو هېوادوالو لپاره د تعلیم او کار د مشروع حقونو په برابرولو کې نغښتی دی.
نوموړي په دغه پيغام کې د افغانستان له خلکو سره د نړيوالو ټولنو د مرستو د دوام غوښتنه کړې ده.
دې ته ورته نور خبرونه:
شتمن هېوادوال دې د خوراکي توکو بیې راټیټې او له بېوزلو سره مرسته وکړي – رییس الوزراء
اسلامي امارت امنیت خوندي کړی او د دښمنانو د شومو پلانونو مخه یې نیولې – ملا محمد حسن آخوند
تازه خبرونه
په غور ولایت کې سېلاب ځپلیو ته د ښارګوټي جوړولو کار پیل شو
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
![](https://www.ariananews.af/wp-content/uploads/2024/06/Baradar.jpg)
دغور ولايت په مرکز فيروز کوه ښار کې د ریاست الوزراء د اقتصادي مرستيال ملا عبدالغني برادر لهخوا د دې ولایت سېلاب ځپلیو ته د یوه ښارګوټي د جوړولو د بنسټ ډبره کېښودل شوه.
د غور ولایت امنیه قومندانۍ د خبرپاڼې له مخې؛ دغه ښارګوټي د استوګنې ۱۰۰۰ نمرې لري، چې ۲۰۰ کوره یې د اسلامي امارت لهخوا د وروستیو سیلابونو قربانیانو ته جوړیږي.
په خبرپاڼه کې راغلي، چې په دې ښارګوټي کې د سوداګرو او صرافانو پر همکارۍ د نورو کورونو د جوړولو هڅې هم روانې دي.
ملا برادر غور ولایت ته پخپل سفر کې له یو شمېر عالمانو او د دیني مدارسو له استادانو سره هم وکتل.
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
هغه زیاته کړې، چې اسلامي امارت له زیانمنو شویو خلکو سره د مرستې لپاره له ټولو شته امکاناتو کار اخیستی او اړوند وزارتونه او ادارې هم د مرستې لپاره هڅې کوي.
په غور کې سېلابونو لسګونه کسان مړه کړي او زرګونه کورنۍ زیانمن شوي دي.
ورته خبرونه:
په غور کې د سېلابونو له کبله سلګونه خلک بې ځایه شول
په غور کې د سېلابونو له کبله سلګونه خلک بې ځایه شول
تازه خبرونه
د دوحې په جوړېدونکې ناسته کې د اسلامي امارت استازي ګډون کوي
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
![](https://www.ariananews.af/wp-content/uploads/2024/01/Mujahid.png)
د افغانستان اسلامي امارت ویاند د یکشنبې پر ورځ اعلان وکړ، چې د افغانستان استازي به د ملګرو ملتونو پر ملاتړ د دوحې په راتلونکي کنفرانس کې ګډون وکړي.
د اسلامي امارت ویاند ذبیح الله مجاهد ویلي: د افغانستان اسلامي امارت استازي به دوحې په راتلونکې ناسته کې که جوړ شي؛ هلته به د افغانستان د خلکو او حکومت استازیتوب وکړي.
دبیح الله مجاهد زیاته کړې؛ دې ناستې ته تلونکی پلاوی به وروسته په ډاګه شي.
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
د ملګرو ملتونو عمومي منشي انټونیو ګوترش د څرګندونو له مخې؛ اسلامي امارت د دوحې کنفرانس په دوهیمه ناسته کې له ګډون هغه وخت ډډه وکړه، چې ملګرو ملتونو یې د افغانستان د یوازني رسمي استازي په توګه د ګډون غوښتنه رد کړه.
ویل کیږي، چې اسلامي امارت د افغانستان په اړه د دوحې درېیمې ناستې د اجنډا له کتنې وروسته په دې ناسته کې د ګډون پرېکړه کړې ده.
دې ته ورته نور خبرونه:
اسلامي امارت د دوحې په ناسته کې پر معنا داره ګډون ټینګار لري – متقي
د دوحې په درېیمه ناسته کې د ګډون لپاره مو باید دریځ ومنل شي – مولوي عبدالکبیر
-
لوبی4 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی3 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
سیمه ییز خبرونه4 days ago
په کویټ کې د اورلګیدنې له کبله ۴۹ کارګران مړه شوي
-
لوبی3 days ago
کابل زلمی د کابل کرکټ غوره لیګ د دوهیم پړاو اتلولي خپله کړه
-
تازه خبرونه4 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
تازه خبرونه4 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
-
تازه خبرونه5 days ago
ایران ایر هوايي شرکت کابل ته خپلې الوتنې پيل کړې
-
لوبی2 days ago
حضرت الله ځاځي د مجیب الرحمن پر ځای په ۲۰ اوریز نړیوال جام کې لوبیږي