تازه خبرونه
په افغانستان کې ناامني او بې ثباتي د پاکستان په ګټه نده – امریکا
د امریکا د بهرنیو چارو وزارت ویلي، چې د افغانستان د نویو واکمنانو نه لیوالتیا او یا هم د ژمنو نه پلي کېدل به د پاکستان لپاره هم ناوړه پایلې ولري.
د امریکا د بهرنیو چارو وزیر انتوني بلینکن پرون (دوشنبه، د سپتمبر ۲۶) په واشنګتن کې د امریکا او پاکستان د اړیکو د ۷۵ کلیزې په مناسبت ویلي، چې پاکستان د افغانستان د نویو مشرانو په ځانګړي توګه له امریکا سره د ترهګرۍ پر وړاندې د مبارزې په برخه کې هم ورته ژمنې کړې دي.
د دواړو هېوادونو د بهرنیو چارو وزیرانو د دې ورځې د ستاینې لپاره د امریکا د بهرنیو چارو په وزارت کې سره وکتل.
انتوني بلنکن ويلي، چې دوی به له پاکستان سره په ګډه د ترهګرۍ پر وړاندې ګډې مبارزې ته دوام ورکړي او په افغانستان کې له دوه لسیزو جګړو وروسته به په دې هېواد کې د دواړو هېوادونو ګډه همکاري دوام ومومي.
د امریکا د بهرنیو چارو وزیر انتوني بلینکن وایي: مونږ له ترهګرۍ سره په ګډه مبارزه کوو او دې مبارزې ته به دوام ورکوو. مونږ د افغانستان د راتلونکي په اړه ګډ لیدلوری لرو او له دوه لسیزو جګړو وروسته هم په افغانستان کې ګډې هڅې کوو. په دې برخه کې زمونږ اختلافات هم پټ نه دي؛ خو ګډې موخې هم لرو. یو باثباته افغانستان، د افغانانو سوله ییزه او آزاده راتلونکې زمونږ ګډ لومړیتوبونه دي.
د همدې ورځې په مناسبت د امریکا د بهرنیو چارو وزیر له پاکستان سره د لس میلیون دالرو بشري مرستې اعلان هم وکړ.
د پاکستان د بهرنیو چارو وزیر هم له امریکا سره دوستانه دیپلوماسي په ډاګه کړه او څرګندوي، چې دا دیپلوماسي تېر کال د پخواني لومړي وزیر عمران خان د واکمنۍ پر مهال کړکېچنه شوې وه.
د پاکستان د بهرنیو چارو وزیر بلاول بوتو زرداري ویلي: زه په بشپړه توګه موافق یم، چې د ګډې همکارۍ له لارې ستر اهداف ترلاسه کیدی شي. د پاکستان او امریکا ترمنځ اړیکې نه یوازې پیاوړې شوي، بلکې د دواړو هېوادونو ترمنځ تاریخي اړیکې هم ټینګې شوې، چې که مونږ په ګډه کار وکړو؛ مونږ به لوی اهداف ترلاسه کړو.
له دې غونډې وروسته د امریکا د بهرنیو چارو وزارت ویاند پاکستان په سیمه کې د امریکا د ستراتیژیک ملګري په توګه یاد کړ او ټینګار یې وکړ، چې واشنګټن هم باید دغه ملګرتیا وساتي.
د امریکا د بهرنیو چارو وزارت ویاند ند پرایس ويلي، دا د پاکستان په ګټه نده، چې په افغانستان کې ناامني او بې ثباتي وي او پاکستان هم د افغانستان د نویو واکمنانو په څېر له امریکا سره د ترهګرۍ پر وړاندې د مبارزې په برخه کې ژمنې کړې دي.
نوموړی وایي: په افغانستان کې بې ثباتي او ناامني د پاکستان په ګټه نده. مونږ له خپلو پاکستانيو ملګرو سره خبرې کوو، چې طالبان خپلې ژمنې پوره کړي. پاکستان په دې ډېرو ژمنو کې لاس لري؛ د دې ژمنو د عملي کولو لپاره نه لیوالتیا د پاکستان لپاره مهمې پایلې لرلی شي. په همدې خاطر امریکا د خپلو اندېښنو نوملړ له پاکستان سره شریک کړی دی.
د افغانستان د بهرنیو چارو وزارت سیاسي مرستیال شېر محمد عباس ستانکزی په افغانستان کې د ترهګرو ډلو په اړه د نواز شریف وروستۍ څرګندونې په کلکه غندي او وايي، چې د دا ډول څرګندونو د دوام په صورت کې به غلی پاتې نشي.
د وږي پر ۵ د افغانستان د بهرنیو چارو وزارت سیاسي مرستیال شېر محمد عباس ستانکزي د ګرځندوی د اړوند ورځې په نمانغونډه کې په دې اړه څرګنده کړې؛ پاکستان غواړي د خپلو اقتصادي ستونزو له کبله د افغانستان خلک قرباني کړي.
د افغانستان د بهرنيو چارو وزارت سياسي مرستيال وايي، امريکا په پرله پسې ډول د دوحې له تړون څخه سرغړونه کړې او دغه هېواد ژمنه کړې وه، چې د تل لپاره به د افغانستان په کورنيو چارو کې لاسوهنه نکوي؛ خو په افغانستان کې د واشنګټن اوسنۍ مداخلې به ناوړه پايلې ولري.
نوموړي زیاته کړې؛ پاکستان د امریکا بې پیلوته الوتکو ته د میلیونو دالرو په بدل کې اجازه ورکړې، چې پر افغانستان تېری وکړي.
د هغه د څرګندونو له مخې؛ پاکستان باید د ډوډۍ پیدا کولو لپاره بله لار ولټوي.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی5 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه5 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي
-
تازه خبرونه4 days ago
پاکستان بلوچستان میشتو افغانانو ته د وتلو ګواښ وکړ