تازه خبرونه
په دوحه د هېوادونو استازیو له اسلامي امارت سره تعامل ته لیوالتیا ښودلې – روزا اتونبایوا
په افغانستان کې د ملګرو ملتونو د عمومي منشي ځانګړې استازې د رییس الوزرا له سیاسي مرستیال مولوي عبدالکبیر سره په لیدنه کې ویلي، چې د دوحې په وروستۍ غونډه کې د ګډون کوونکیو هېوادونو استازیو له افغانستان سره د مرستو دوام او له اسلامي امارت سره اړیکو ته لیوالتیا ښودلې ده.
په كابل كې د ملګرو ملتونو د عمومي منشي ځانګړې استازې روزا اتونبایوا د رییس الوزرا له سياسي مرستيال مولوي عبدالکبیر سره په ليدنه کې ویلي، چې نړیواله ټولنه باید له اسلامي امارت سره ښه تعامل او همغږي ولري.
د اسلامي امارت د رییس الوزار له سیاسي دفتره په خپره شوې اعلامیه کې راغلي، چې مولوي عبدالکبیر روزا اتونبایوا ته ویلي، چې د اسلامي نظام له رامنځته کېدو سره خلکو ته د ژوند خوندي چاپېریال برابر شوی او تمه ده، چې حقایق به په ښه توګه درک او د ملګرو ملتونو له لارې د نړۍ غوږونه ته ورسوئ.
د اسلامي امارت د ویاند مرستیال بلال کریمي زیاته کړې؛ په دې لیدنه کې د ملګرو ملتونو له استازې څخه وغوښتل شول، چې د ملګرو ملتونو په راتلونکیو غونډو کې دې لنډمهالي حکومت ته بلنه ورکړ شي او په ټولو مسایلو کې دې د همغږئ او تعامل لاره غوره شي.
دغه راز د ملګرو ملتونو د عمومي منشي ځانګړې استازې میرمن اوتونبایوا ډاډ څرګند کړی، چې په راتلونکیو غونډو کې به له افغانستان سره پر رغنده تعامل، له نشه يي توکو سره مبارزې، اقلیمي بدلون منفي اغېزو او د امو سیند څنډو پخولو خبرې وشي.
د اطلاعاتو او فرهنګ وزیر خیرالله خیرخواه، چې په دې غونډه کې یې هم حضور درلود ویلي، چې د ملګرو ملتونو په راتلونکیو غونډو کې باید اسلامي امارت ته بلنه ورکړ شي او نړۍ باید په ټولو مسایلو کې له اسلامي امارت سره همغږي او تعامل وکړي.
د امریکا د بهرنیو چارو وزارت ويلي، چې له افغانانو سره د واشنګتن ژمنې ثابتې او اوږدمهالې دي او امریکا له افغانانو سره د بشري مرستو تر ټولو لوی برابرونکی هېواد دی.
د امریکا د بهرنیو چارو وزارت د ویاند مرستیال ویدانت پتیل کندهار ته د قطري چارواکو د سفر په تړاو وايي: قطر په افغانستان کې د امریکا او زمونږ د اتباعو دیپلوماتیکو او قونسلګري ګټو ته خدمت کوي. زمونږ لوړ پوړي مشران په منظمه توګه له خپلو قطري سیالانو سره د افغانستان ستونزو ته د حل د موندلو لپاره ګوري او خبرې اترې کوي. قطر او نور هېوادونه، چې اکثریت یې مسلمانان دي اغېزناک غږونه دي. دا هغه څه دي، چې د بهرنیو چارو وزیر انتونیو بلینکن او نور چارواکي یې باید په مستقیم ډول له خپلو قطري سیالانو سره مطرح کړي.
د دوحې غونډه په دې وروستیو کې د تړلو دروازو تر شا د ملګرو ملتونو د عمومي منشي پر کوربتوب او د افغانستان په چارو کې د یو شمېر هېوادونو د ځانګړيو استازو په ګډون جوړه شوې وه.
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه17 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل