تازه خبرونه
په فراه کې د القاعده د هندي څانګې یو مشر وژل شوی ـ ملي امنیت
د افغانستان د ملي امنیت د څرګندونو له مخې؛ د دوی ځانګړیو ځواکونو په فراه ولایت کې د القاعدې د هندي څانګې یو مشر محمد حنیف الیاس عبدالله د محمد انور زوی وژلی دی.
ملي امنیت ویلي، چې دغه سړی د پاکستان د کراچۍ اوسیدونکی دی. د ملي امنیت د څرګندونو له مخې؛ د عملیاتو پرمهال دوه پاکستانۍ ښځې هم نیول شوې دي.
د ملي امنیت په خبرپاڼه کې راغلي، چې محمد حنیف نومی د طالبانو غړی و؛ له ۲۰۱۰ کال وروسته د القاعده شبکې غړی شو او په همدې کال کې د طالبانو په همکارۍ هلمند ته ورسیده او بیا د طالبانو په مرسته فراه ولایت ته واستول شو.
د خبرپاڼې له مخې؛ حنیف له طالبانو سره د چاودیدونکیو توکو، موتربمونو او ځای په ځای شويو چاودیدونکیو توکو په چاودنو کې هم مرسته کړې او روزنه یې ورکړې ده.
طالبانو تر دې دمه پدې اړه څه ندي ویلي.
په داسې حال کې ده، چې تېره میاشت د ملي امنیت ځواکونو په غزني ولایت کې د القاعده د هندي څانګې یو مهم غړی ابو محسن المصري هم وژلی و.
المصري یو مصری تبعه ګڼل کېده، چې په القاعده کې یې د دوه یم قومندان په توګه دنده ترسره کوله او د امریکا د تحقیقاتو د فدرالي ادارې ترټولو مطلوب سړی و.
دغه راز د ملګرو ملتونو یوه چارواکي له دې مخکې ویلي وه، چې که څه هم د فبرورۍ په میاشت کې طالبانو ژمنه کړې وه، چې له القاعدې سره اړیکې پرې کوي؛ خو دوی اوس هم په افغانستان کې د طالبانو تر منځ درنښت لري.
د راپورونو له مخې، القاعده د افغانستان په ۱۲ ولایتونو کې له ۴۰۰ څخه تر ۶۰۰ پورې هڅاند غړي لري او د افغانستان په ختیځ کې د روزنیزو کمپونو مشري کوي.
افغان حکومت له دې مخکې هم د داعش او نورو وسلوالو ډلو سره د القاعده په ګډون د طالبانو له نږدې اړیکو خبره کړې وه.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل