سیمه ییز خبرونه
په ننگرهار ولایت كې د بيات بنياد ژمنۍ مرستې ووېشل شوې
له اړو او بېوزله خلکو سره د بيات بنياد د ژمنيو مرستو کاروان ننگرهارولایت ته هم ورسید. د مرستو د وېش په دې لړۍ كې دا ځل بیات بنیاد په ننگرهارکې له بېرته راستنو شویو سلگونه کورنیو سره د خوراکي توکیو، ژمنیو کالیو او کمپلومرسته وکړه.
ننگرهار ته راستنې شزې بېوزله کورنۍ پر جلال آباد ښارسربېره په یو شمېر ولسوالیو کې میشتې دي، چې له گڼو ستونزو سره مخ دي.
د بیات بنیاد لوى مشرسناتور انجنير احسان الله بیات، چې دغه مرستې پخپله پر اړو خلکو ووېشلې وویل، چې:
د مرستو دا لړۍ به په نږدې راتلوونکې کې نورو سیمو ته هم وغزول شي.
مرسته شويو كورنيو له بیات بنیاد څخه مننه وكړه او وايي:
دا لومړنى خیريه بنسټ دی، چې هر كال له اړو خلکو سره دغه ډول مرستې کوی.
دوى له نورو خيريه بنسټونو وغوښتل، چې د بيات بنياد په څير له اړو کورنیو سره مرستې وكړي.
د ننگرهار د کډوالو چارو ريیس غلام حیدرفقیرزی وايي:
بیات بنیاد یو حیریه بنسټ دی، چې په ننگرهار کې له کډوالو سره دغه ډول مرسته کوي.
نوموړي له بیات بنیاد څخه د نورو ورته مرستو اوهمکاریو غوښتنه وكړي.
د بیات بنیاد مشر سناتور احسان الله بیات وايي:
موږ یوازې پر دغو مرستو بسنه نه کوو. هڅه کوو، چې پر دې مرستو سربېره په ننگرهار کې یو شمېر نور عامه خدمات هم د خلکو په غوښته او همغږۍ وړاندې شي.
بيات بنياد له جوړيدو راهیسې په افغانستان كې د ژمنيو مرستو پروگرام پيل كړى او هرکال له زرگونه کورنیوسره دغه ډول مرستې کوي.
سربېره پر دې دې بنياد په هېواد کې لسگونه ښوونځي، روغتونونه او نورعامه تاسیسات هم جوړکړي او د هر ډول طبيعي پېښو پر وخت يې له اړو خلکو سره بیړنۍ مرستې کړي او اوس هم دا لړۍ روانه ده.
سیمه ییز خبرونه
په جمو کې ۴۲ هندو زیارت کوونکيو ته مرګ و ژوبله اوښتې – هندي پولیس
هندي پولیسو ویلي، چې د یکشنبې پر ورځ (د غبرګولي شلمه) د شکمنو تندلارو په برید کې ۹ هندو زیارت کوونکي وژل شوي او ۳۳ نور ټپیان دي.
د جمو د سیمهییزو پولیسو یوه چارواکي موهیټا شرما ویلي: وسلهوالو تند لارو پر بس برید کړی؛ بس په دره کې لوېدلی، چې له کبله یې ۹ کسان وژل شوي او ۳۳ نور ټپیان دي.
د هند پولیسو ویلي، چې د دې پېښې ټپیان نږدې روغتونونو ته لېږدول شوي او په سیمه کې د شکمنو بریدګرو د موندلو عملیات پیل شوي دي.
دا پېښه نن په داسې ورځ رامنځته شوې، چې نریندرا مودي د درېیم ځل لپاره د هند د لومړي وزیر په توګه لوړه وکړه.
د هندي زیارت کوونکیو وژنې ته په نغوته کې د نریندرا مودي د اپوزیسیون مشر راهول ګاندي پر ایکس پاڼه لیکلي: دا شرموونکې پېښه په جمو او کشمیر کې د خطرناک امنیتي وضعیت رښتینی انځور دی.
جمو او کشمیر، چې پاکستان یې هم د ملکیت ادعا لري؛ له لسیزو راپدیخوا د سخت دریځو اسلامپالو د تاوتریخوالي مرکز دی او لسګونه زره خلک پرې وژل شوي دي.
پر ۲۰۱۷ کال هم شکمنو وسلهوالو په جمو او کشمیر کې د هندو زیارت کوونکیو پر یوه بس برید کړی و، چې په کې اته کسان وژل شوي دي.
تېره ورځ د جمو د پولیسو مشر ویلي، چې په دې سیمه کې د ځايي تندلارو شمېر کم شوی، چې پر وینا یې یوازې په جمو کې له ۷۰ څخه تر ۸۰ بهرني تندلاري فعال دي.
له ۲۰۱۹ کال راپدیخوا، چې د هند د لومړي وزیر نریندرا مودي پر مشرۍ حکومت د کشمیر نیمه خپلواکي هم واخیسته؛ د هند پر وړاندې د کشمیري بېلتون غوښتوونکیو او تندلارو کرکه او غصه مخ پر زیاتېدو ده.
په ۱۹۴۷ کال کې د پاکستان او هند له خپلواکۍ وروسته، کشمیر، چې ډېري یې مسلمانان دي؛ پر دوه برخو ووېشل شو، چې یوه برخه د هند تر ادارې لاندې او بله یې د پاکستان تر ادارې لاندې ده.
هند او پاکستان – دوه اټومي وسله لرونکي سیال ګاونډیانو – د کشمیر پر سر دوه ځله جګړه کړې. که څه هم له دغو دواړو هېوادونو څخه هر یو د کشمیر یوه برخه تر خپلې ادارې لاندې لري؛ خو دواړه یې د بشپړ ملکیت ادعا لري.
سیمه ییز خبرونه
په پاکستان د یوې چاودنې له کبله ۷ پاکستاني پوځیان ووژل شول
د پاکستان پوځ د یکشنبې پر ورځ (د غبرګولي شلمه) ویلي، چې له افغانستان سره پولې ته څېرمه د پاکستان په شمال لویدیځ کې د پوځ پر یوه لارۍ د بمي چاودنې له کبله اووه پاکستاني پوځیان وژل شوي دي.
تر اوسه کومې ډلې د دې بمي برید مسوولیت ندی منلی.
د پاکستان د پوځ په خبرپاڼه کې راغلي، چې د پوځ یوه موټر ته څېرمه چاودنه شوې، چې له کبله یې د یوه افسر په ګډون اووه سرتېري وژل شوي دي.
دا پېښه د خیبر پښتونخوا قبایلي سیمې لکیمروټ په اړوند سیمه کې رامنځته شوې ده.
تحریک طالبان پاکستان په تېرو وختونو کې د ورته بریدونو مسوولیت منلی دی.
پاکستان تل ویلي، دا ډله په افغانستان او قبایلي سیمو کې شتون لري او د پاکستان د حکومت د نسکورولو لپاره وسلهواله مبارزه کوي.
د افغانستان اسلامي امارت تل د پاکستاني پوځ ادعاوې رد کړي او څرګندوي، چې په پاکستان کې د تاوتریخوالي زیاتوالی د اسلامآباد داخلي ستونزه ده.
سیمه ییز خبرونه
د ایران ولسمشریزو ټاکنو ته د وړ نوماندانو نوملړ اعلان شو
د ایران د ټاکنو مرکزي دفتر ویاند محسن اسلامي نن یکشنبه (د غبرګولي شلمه) د دغه هېواد د ولسمشریزو ټاکنو لپاره د وړ نوماندانو نوملړ اعلان کړ.
مهر خبری سرچینې راپور ورکړی، چې په دې نوملړ کې د مصطفی پورمحمدي، مسعود پزشکیان، امیرحسین قاضيزاده، علیرضا زاکانی، سعید جلیلي او محمد باقر قالیباف نومونه راغلي دي.
د خلکو له باور سره سم محمود احمدينژاد او علي لاریجاني هغه دوه نوماندان دي، چې د شورانګهبان لهخوا وړ ونهپېژندل شول او په دې ټاکنو کې به ګډون ونکړي.
ایران د الوتکې د راغورځېدو په پېښه کې د ولسمشر ابراهیم رییسي له مړینې وروسته له وخت مخکې ولسمشریزې ټاکنې ترسره کوي.
ټاکل شوې، چې دا ټاکنې د روان ۱۴۰۳ لمریز لېږدیز کال د چنګاښ پر اتمه ترسره شي.
-
لوبی3 days ago
د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه
-
تازه خبرونه2 days ago
اسلامي امارت ته مشوره مداخله نده؛ د تهران غونډه ورته ښه تریبون و، خوګډون یې په کې ونکړ
-
سیمه ییز خبرونه1 day ago
د ایران ولسمشریزو ټاکنو ته د وړ نوماندانو نوملړ اعلان شو
-
لوبی18 hours ago
هند په ۲۰ اوریز نړیوال جام کې پاکستان ته د لږ نمرو پر توپیر ماتې ورکړه
-
تازه خبرونه1 day ago
اسرائیل د افغانستان او ایران ترمنځ د درز رامنځته کولو هڅې کوي
-
تازه خبرونه5 days ago
د روسیې ولسمشر د کابل او مسکو پر نږدې اړیکو ټینګار څرګند کړ
-
نړۍ2 days ago
شمالي کوریا جنوبي کوریا ته د کثافاتو د بالونونو استول بیا پیل کړل
-
تحول4 days ago
تحول: متحده عربي اماراتو ته د کورنیو چارو وزارت د چارسمبالي پر سفر غبرګونونه