Connect with us

تازه خبرونه

په نږدې راتلونکي کې به د نشه‌ يي توکو کچه صفر ته راټیټه شي – ذبیح الله مجاهد

خپور شوی

د

(Last Updated On: غویی ۱۲, ۱۴۰۲)

د اسلامي امارت ویاند ويلي، چې په هېواد کې د نشه يي توکو  د کرکېلې او قاچاق پر وړاندې مبارزه روانه ده او په نږدې راتلونکي کې به د نشه يي توکو کچه صفر ته راټیټه شي.

په داسې حال کې، چې د سیمې او نړۍ هېوادونه له افغانستان څخه خپلو هېوادونو ته د نشه يي توکو د قاچاق په اړه اندېښمن دي؛ خو د اسلامي امارت ویاند ذبیح الله مجاهد څرګندوي، چې په هېواد کې د نشه‌يي توکو د کښت او قاچاق پر وړاندې جدي مبارزه کوي او ډېر ژر به په هېواد کې د نشه يي توکو کښت  صفر ته ورسیږي.

ذبیح الله مجاهد ټینګار کوي، چې د نشه‌يي توکو د قاچاق د مخنیوي هڅې چټکې روانې دي او د اسلامي امارت له پیل راپدیخوا ګڼ‌شمېر قاچاقبران نیول شوي او بندیان دي.

ذبیح الله مجاهد ګاونډ او سیمې هېوادونو ته ډاډ ورکوي، چې له افغانستان څخه د نشه يي توکو د قاچاق په اړه دې اندېښنه نه‌کوي؛ د افغانستان حکومت او خلکو سره دې د نشه‌يي توکو د کرکېلې د مخنیوي په باید همکاری وکړي.

کارپوهان هم په‌دې باور دي، چې په افغانستان کې د نشه يي توکو د کښت، تولید او قاچاق د بندولو لپاره د اسلامي امارت جديت به د افغانستان پر نوي حکومت د هېوادونو باور زیات کړي او له افغانستان سره به د هېوادونو اړیکې ښې او پراخې کړي.

دا په داسې حال کې ده، چې تېر کال د اسلامي امارت مشرتابه په هېواد کې د نشه‌يي توکو د کښت، تولید، قاچاق او استعمال د بندېدو فرمان صادر کړ او خبرداری یې ورکړ، چې د دغه فرمان له سرغړونکیو سره به د اسلامي شریعت له مخې چلند وشي. اوس ډېري بزګران د کوکنارو د کرلو پر ځای د اینجې  کرل پیل کړي دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!