Connect with us

سوداگري

په هرات ولایت کې د کورنیو تولیداتو پېنځه ورځنی نندارتون ترسره شو

خپور شوی

د

(Last Updated On: غبرګولى ۹, ۱۴۰۲)

د هرات صنایعو او کانونو خونه څرګندوي، چې د دغه ولایت د فابریکو خاوندانو په یوه پېنځه ورځني نندارتون کې خپل کورني تولیدات نندارې ته وړاندې کړي دي.

سرچینې ویلي؛ په هرات کې د کورنیو تولیداتو له پېنځه ورځني نندارتون څخه څه باندې ۲۰ زره کسانو لیدنه کړې ده.

د دغه ولایت د صنایعو او کانونو خونه وايي، سږ کال نندارتون ښه و او د فابریکو خاوندانو د نورو ولایتونو له پانګوالو او سوداګرو سره نوي تړونونه لاسلیک کړل.

دغه راز په دغه نندارتون کې ګڼو ګډونوالو ته د هېواد په نورو ولایتونو کې هم د خپلو څانګو د پرانستلو ښه فرصت رامنځته شو.

د هرات د صنایعو او کانونو خونې مرستیال توریالی غوثي وایي؛ د فابریکو خاوندانو د دې غرفو له جوړولو سره  خپل کورني تولیدات د پېنځو ورځو لپاره خلکو ته ایښي وه.

يو شمېر ګډونوال وايي، چې د کورنيو توليداتو د معرفي کولو او د کورنيو توليداتو کارولو ته د خلکو د هڅولو لپاره د نورو نندارتونونو جوړولو ته هم اړتيا شته دی.

د فابریکو خاوندانو خپل تولیدات په ۱۲۰ غرفو کې نندارې ته ایښي وه؛ لبنیات، خوراکي توکي، پلاستیک، درمل او د کور وسایل هغه توکي دي، چې ګډون کوونکیو سږ کال دغه نندارتون ته راوړي وه.

د تېر کال پر پرتله د خلکو  لخوا یې تود هرکلی وشو، چې د فابریکو خاوندان یې د راتلونکي لپاره هیله من کړل.

د فابریکو خاوندان ټینګار کوي، چې دا ډول نندارتونونه کولی شي کورني توکي خلکو ته معرفي کړي؛ نو اړتیا ده، چې نور نندارتونونه هم جوړ شي.

دوی بیا هم له حکومته غواړي، چې د ورته توکو د واردولو مخه ونیسي.

اوس‌مهال د هرات صنعتي ښار د لبنیاتو، غیر الکولي مشروباتو او ځینو خوراکي توکو په برخه کې پر ځان بسیا شوی دی؛ خو د صنعتکارانو هیله دا ده، چې خلک د کورنیو تولیداتو پېرلو ته وهڅول شي.

سوداگري

د هېواد یو اهل هنود پانګوال په کانونو کې پانګونې ته لیواله شو

Published

on

(Last Updated On: کب ۲۸, ۱۴۰۲)

د کانونو او پټرولیم وزارت چارسمبالي شهاب الدین دلاور له یوه اهل هنود پانګوال سره، چې د کانونو په برخه کې د پانګونې لپاره هېواد ته راستون شوی په خپل کاري دفتر کې وکتل.

د دې وزارت په خبرپاڼه راغلي؛ یاد پانګوال پرون ( د کب اووه‌ویشتمه ) له شهاب الدین دلاور سره په کتنه کې د اسلامي امارت د هغې پرېکړې په اړه، چې د اهل هنود غصب شوي ملکیتونه راګرځوي خوښي څرګنده کړې او د افغانستان د سرب، جست، مرمر، ډبرو‌سکرو کانونو په برخه کې یې پانګونې ته لیوالتیا څرګنده کړه.

د کانونو او پټرولیم وزارت چارسمبالي د هېواد دکاني زیرمو په برخه د پانګونې په اړه د هغه له لیوالتیا هر کلی وکړ او څرګندوي: افغانستان د ټولو افغانانو ګډ کور دی، ټول اهل هنود د نورو وګړو په څېر د هېواد په کاني زیرمو او نورو ټولو برخو کې شریک دي او اهل هنود پانګوال د نورو پانګوالو په څېر کولی شي د اصولو او مقرراتو مطابق د افغانستان د کانونو په برخه کې پانګونه وکړي. د کانونو او پټرولیم وزارت چمتو دی، چې په دې برخه کې همکاري وکړي.

ویل کیږي، چې دواړو لورو پر ملي یووالي د ټینګار ډاډ څرګند کړ او هېواد ته یې د ټولو افغان پانګوالو راستنېدا اړینه یاده کړه.

Continue Reading

سوداگري

د سوداګرۍ او صنایعو وزارت د تېلو چاڼ‌خونو ته ځمکه ځانګړې کوي

Published

on

(Last Updated On: کب ۲۴, ۱۴۰۲)

د صنایعو او سوداګرۍ وزارت چارسمبالي نورالدین عزیزي د نفتو د چان‌خونو له مسوولینو سره په کتنه کې ویلي؛ که د تېلو د چاڼ‌خونو مسوولین پانګونې ته چمتو شي، نو د تېلو او ګازو د صنعتي پارک د رامنځته کېدا لپاره به ورته ځمکه ورکړ شي.

په دې کتنه کې د تېلو د چاڼ‌خونو مسوولینو د تېلو د چاڼ لپاره د ځمکې او له قشقري څخه د تېلو د استخراج په اړه خپلې ستونزې وړاندې کړې او وړاندیز یې وکړ؛ هغه ځمکې، چې په کې پانګونه شوې دوی ته په واک کې ورکړ شي او د قشقري له حوزې څخه دې استخراج شوي تېل له اوبو، سلفر او مالګې پاک شي.

نورالدین عزیزي د هېواد له خصوصي سکتور سره د اسلامي امارت او په ځانګړي توګه د صنایعو او سوداګرۍ وزارت د همکارۍ او ملاتړ د اعلانولو پرمهال وویل: د چاڼ‌خونو د ځمکې لپاره باید ګډه طرحه جوړه او دغه وزارت ته وسپارل شي او همدارنګه که د تېلو د چاڼ‌خونو مسوولان د حیراتان په دوه لاري کې پانګونې ته چمتو شي؛ د تېلو او ګازو یو صنعتي پارک به جوړ او ځمکه به یې تر واک لاندې راولي.

همدارنګه د صنایعو او سوداګرۍ وزارت چارسمبالي د شته چاڼ‌خونو د وړتیاوو پر لوړولو او د تېلو د کیفیت لوړولو تر څنګ د لویې چاڼ‌خونې د جوړولو پر اړه د اقتصادي عالي کمیسیون پرېکړه ورسره شریکه کړه او څرګندوي، چې اسلامي امارت د خصوصي سکټور د زیانمېدو غوښتونکی ندی او دا د ملت او دولت پر زیان بولي.

Continue Reading

سوداگري

د پاکستان سوداګرۍ وزارت مرستیال کابل ته راوبلل شو

Published

on

(Last Updated On: کب ۲۱, ۱۴۰۲)

د سوداګرۍ او صنایعو وزارت چارسمبالي نورالدین عزیزي د پاکستان سوداګرۍ له مرستیال وزیر محمد خرم سره په انلاین خبرو کې هغه ته د کابل د سفر بلنه ورکړه.
د سوداګرۍ او صنایعو وزارت په خبرپاڼه کې، چې نن (دوشنبه د کب یو‌ویشتمه) خپره شوې؛ راغلي، چې په دې کتنه کې دواړو لورو په تېرو دوه نیمو کلونو کې پر شویو پرمختګونو، د دواړو هېوادونو ترمنځ د سوداګرۍ د کچې زیاتوالي، د سوداګریزو ستونزو حل، د ټرانزیټي خنډونو لرې کولو، د لا زیاتو اسانتیاوو برابرولو، د اړیکو پر رامنځته کولو، د دواړو هېوادونو د دولتي او خصوصي سکټورونو ترمنځ د اړیکو او د سیمه ییزو همکاریو زیاتوالي خبرې وکړې.

Continue Reading

Trending

Copyright © 2022 Ariana News. All rights reserved!