Connect with us

تازه خبرونه

په کابل کې د اوبو د مدیریت په اړه نړیوال څېړنیز کنفرانس جوړ شو

عبدالغني برادر د اوبو په نړیوال څېړنیز کنفرانس کې زیاته کړې؛ اوبه یوه طبیعي سرچینه ده، خو د اقلیم د بدلون، د ککړتیا د کچې  زیاتوالي، د انسانانو د اړتیاوو زیاتوالي او د اوبو سرچینو ناسم مدیریت له کبله، دا حیاتي سرچینه د پام وړ کمه شوې او مخ پر کمېدو ده. د اوبو دې بحران د هېوادونو ترمنځ پر اړیکو او نړیوالو سیاسي او اقتصادي همکاریو هم منفي اغېز کړی دی.

خپور شوی

د

د رییس الوزراء اقتصادي مرستیال ويلي، چې د افغانستان د اوبو له سرچینو سره مسلکي او ملي چلند ندی شوی.

عبدالغني برادر د اوبو په نړیوال څېړنیز کنفرانس کې زیاته کړې؛ اوبه یوه طبیعي سرچینه ده، خو د اقلیم د بدلون، د ککړتیا د کچې  زیاتوالي، د انسانانو د اړتیاوو زیاتوالي او د اوبو سرچینو ناسم مدیریت له کبله، دا حیاتي سرچینه د پام وړ کمه شوې او مخ پر کمېدو ده. د اوبو دې بحران د هېوادونو ترمنځ پر اړیکو او نړیوالو سیاسي او اقتصادي همکاریو هم منفي اغېز کړی دی.

هغه وویل، چې اوبه د انسانانو، څارویو او نباتاتو د بقا لپاره اړینې دي او اسلام په یوه اسلامي ټولنه کې د اوبو د مسوولانه کارونې امر کوي.

برادر وایي، چې د افغانستان اسلامي امارت د هېواد د اوبو سرچینو د سمې کارونې او مدیریت د ډاډمن کولو لپاره هڅې کوي؛ یو مثال یې د قوش‌تیپې کانال او د څو بندونو جوړول او بیارغونه ده.

هغه د پوهنتون د استادانو او نورو څانګوالو او متخصصینو د څېړنو او موندنو شریکولو لپاره د ګډون ستاینه هم وکړه او له هغوی یې وغوښتل، چې خپل کار ته دوام ورکړي.

د اوبو د څیړنې نړیوال کنفرانس، چې د لویې جرګې په تالار کې به درې  ورځې روان وي؛ د لوړو زدکړو وزارت او د کابل پولی تخنیک پوهنتون ګډ نوښت دی.

دغه راز د انرژۍ او اوبو وزارت چارسمبالي ( سرپرست ) وزیر عبداللطیف منصور ویل، چې کابل ته د پنجشیر د اوبو د لېږد پروژې د بیاکتنې او ډیزاین پړاوونه بشپړې شوې دي.

منصور ټینګار کړی؛ د انرژۍ او اوبو وزارت هڅه کوي، چې په کابل کې د اوبو ستونزې له نویو پروژو سره حل کړي.

د اوبو د څېړنې دا نړیوال کنفرانس د لوړو زدکړو وزارت او د کابل پولی تخنیک پوهنتون لخوا رابلل شوی، چې په کې د اوبو د ښه مدیریت، د ځمکې لاندې اوبو سرچینو بیا ډکولو، د اوبو صحي کارونې په اړه په کې یو شمېر دولتي چارواکي، د معتبرو بهرنیو پوهنتونونو استادان، د نړیوالو بنسټونو استازي، کورني او نړیوال څېړونکي او د اوبو د مدیریت په برخه کې متخصصین بلل شوي، چې دوی به ۱۳۵ څېړنیزې مقالې وړاندې کړي.

تازه خبرونه

د اسلامي امارت پوځ اوس پخپلو پښو ولاړ دی – فصیح الدین فطرت

Published

on

د وسله‌والو ځواکونو ستر درستیز محمد فصیح‌الدین فطرت ویلي، چې په تېرو څلور کلونونو کې د پوځ ملي اسلامي ځواکونو په پوره زړورتیا تېري کوونکو ته ځواب ورکړی او ګاونډیانو ته هم ثابته شوې، چې که څوک پر افغانستان یو برید وکړي سل چنده ځواب ورکول کیږي.

د دفاع وزارت د رسنیزې خبرپاڼې له مخې؛ فصیح الدین فطرت دا څرګندونې له رسنیو استازو، سیاسي شنونکو او یو شمېر چارواکو سره د همکارۍ او همغږۍ او د پیاوړتیا په غونډه کې کړي دي.

نوموړي زیاته کړې: “هغه ملتونه، چې نشي کولی پخپلو پښو ودریږي او پر نورو تکیه وکړي؛ ان که وده وکړي رښتینی پرمختګ نشي کولی.”

فطرت د امنیت په برابرولو او د هېواد له دفاعي ځواکونو سره د ملګرتیا په برخه کې د رسنیو له رول ستاینه وکړه او وایي، چې: “مونږ او تاسې د دې خاورې د بچیانو په توګه باید لاسونه سره ورکړو او په ګډه هېواد جوړ کړو، پخپلو ځواکونو وویاړو او پر ټول وس د هېواد د پرمختګ لپاره هڅه وکړو. مونږ یو داسې پوځ جوړ کړی، چې د هېواد له عزت، ځمکني بشپړتیا او سرحدونو دفاع کوي او آزادۍ مو ساتي.”

هغه ټینګار کړی؛ اسلامي امارت هڅه کوي، چې پر عصري وسلو سمبال پوځ جوړ او په هر راز شرایطو کې د هېواد له خاورې دفاع وکړي.

د هېواد اردو د خلکو، خاورې او دین دښمنانو ته پرېکنده ځواب ورکړی او ګاونډیانو ته هم ثابته شوې، چې د افغانستان پر وړاندې هر راز یرغل به څو اړخیز غبرګونونه ولري.

Continue Reading

تازه خبرونه

په روزګان کې  د ۳۵۰ زره افغانیو پر ارزښت غلا شوي سره‌زر ونیول شول

د امنیه قومندانۍ ویاند بلال احمد روزګاني زیاته کړې: غلا شوي سره زر  په ترینکوټ ښار کې زرګر ته د خرڅولو لپاره وړل شوي وه، چې د امنیتي پولیسو له هڅو او پلټونو وروسته ونیول شول.

Published

on

د روزګان امنیه قومندانۍ ویاند آریانانیوز ته ویلي، چې د دې ولایت د جنايي جرمونو پر وړاندي د مبارزې مدیريت منسوبینو په ترینکوټ ښار کې د ۳۵۰ زره افغانیو پر ارزښت له یوه کوره غلاشوي سره‌زر نیولي دي.

د امنیه قومندانۍ ویاند بلال احمد روزګاني زیاته کړې: غلا شوي سره زر  په ترینکوټ ښار کې زرګر ته د خرڅولو لپاره وړل شوي وه، چې د امنیتي پولیسو له هڅو او پلټونو وروسته ونیول شول.

ویل کیږي، چې د یاد مدیریت اړوند د اقتصادي جرایمو امریت منسوبینو د دغې پېښي عامل له پلټنو وروسته عدلي او قضاي برخې ته سپارلی دی.

Continue Reading

تازه خبرونه

هند یو ځل بیا د افغانستان له روغتیایي برخې څخه د ملاتړ ډاډ څرګند کړ

د هند د روغتیا او کورني هوساینې وزارت د څرګندونو له مخې؛ په دې لیدنه کې د هند روغتیا وزیر جي‌پي نًډا او د افغانستان د عامې روغتیا وزیر نور جلال جلالي د روغتیایي همکاریو پر پیاوړتیا او د افغانانو د روغتیایي اړتیاوو د پوره کولو د اړتیا په اړه بحث او خبرې کړې دي.

Published

on

هند له افغانستان سره د بشري مرستو او روغتیایي همکاریو د ترسره کولو د ډاډ څرګندولو تر څنګ ویلي، چې د اړینو درملو اوږدمهاله عرضه دواړو هېوادونو ته لومړیتوب لري.

د هند د روغتیا او کورني هوساینې وزارت د څرګندونو له مخې؛ په دې لیدنه کې د هند روغتیا وزیر جي‌پي نًډا او د افغانستان د عامې روغتیا وزیر نور جلال جلالي د روغتیایي همکاریو پر پیاوړتیا او د افغانانو د روغتیایي اړتیاوو د پوره کولو د اړتیا په اړه بحث او خبرې کړې دي.

د لیدنې پر مهال پر سمولیکه بڼه سرطاني درمل او واکسینونه افغانستان ته وسپارل شول، چې دا د افغانستان د روغتیایي سیسټم ملاتړ ته د هند پرله‌پسې ژمنتیا ښیي.

د هند روغتیا وزارت اعلان کړی، چې د درملو، واکسینونو او د ۱۲۸ سلایس یو سي‌ټي‌سکین ماشین به هم د بشري مرستو د یوې برخې په توګه افغانستان ته واستول شي.

ویل کیږي، چې دا مرسته د روغتیایي چوپړ د ښه کولو او ژغورونکو درملنو ته د افغانانو د لاسرسي چمتو کولو لپاره د نوي ډیلي ژمنتیا څرګندوي.

Continue Reading
Advertisement

Trending

Copyright © 2025 Ariana News. All rights reserved!