تازه خبرونه
په کابل کې د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول
دا غونډه د افغانستان د صنعت او سوداګرۍ وزیر نورالدین عزیزي، د ازبکستان د لومړي وزیر مرستیال جمشید خواجهیوف، د یو شمېر وزیرانو، د فرغانې او تاشکند والیانو، د سوداګرۍ خونو د مسوولانو او د دواړو هېوادونو د سلګونو سوداګرو او پانګهوالو په ګډون جوړه شوه.
د کابل په افغان ـ ازبک سوداګریزه غونډه کې د دواړو هېوادونو د خصوصي سکټور د شرکتونو او پانګهوالو ترمنځ د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول.
دا غونډه د افغانستان د صنعت او سوداګرۍ وزیر نورالدین عزیزي، د ازبکستان د لومړي وزیر مرستیال جمشید خواجهیوف، د یو شمېر وزیرانو، د فرغانې او تاشکند والیانو، د سوداګرۍ خونو د مسوولانو او د دواړو هېوادونو د سلګونو سوداګرو او پانګهوالو په ګډون جوړه شوه.
نورالدین عزیزي کابل ته د ازبکستان د لوړپوړي پلاوي د سفر په اړه، چې د خصوصي سکټور شاوخوا ۳۰۰ استازي هم ورسره مل ول؛ ویلي، چې د دواړو هېوادونو اقتصادي اړیکې نوي پړاو ته داخلې شوې دي.
هغه هیله څرګنده کړه، چې په راتلونکې کې به د دواړو هېوادونو د سوداګرۍ کچه پېنځه میلیارډ ډالرو ته لوړه شي.
نوموړي په افغانستان کې د پانګونې پر فرصتونو د ټینګار ترڅنګ ویلي، د ډېرو کډوالو بېرته راستنېدا د کاري فرصتونو اړتیا زیاته کړې او له افغان او ازبک پانګهوالو یې وغوښتل، چې په افغانستان کې له شته فرصتونو ګټه واخلي.
د صنعت او سوداګرۍ وزیر همداراز څرګنده کړې، شاوخوا ۱۰ زره ټنه افغان پنبه پر ازمایښتي بڼه ازبکستان ته صادره شوې او دغه هېواد اوس ژمنه کړې، چې د افغانستان ۱۰۰ زره ټنه پنبه به وپېري.
بل لور ته د ازبکستان د لومړي وزیر مرستیال جمشید خواجهیوف افغانستان یو مخ پر پرمختګ هېواد وباله او وایي، چې د بنسټیزو پروژو پلي کېدا د دواړو هېوادونو ترمنځ د اقتصادي همکاریو د پراختیا زمینه برابره کړې ده.
هغه زیاتوي، ازبکستان د سوداګرۍ د آسانتیا لپاره د نویو ټرانزیټي لارو پرانیستل، د ترجیحي تعرفو برابرول، د توکو د لېږد چټکتیا او د لوژستیکي مرکزونو جوړول په خپلو لومړیتوبونو کې شمېرلي دي.
خواجهیوف ټینګار کړی، چې افغانستان د پام وړ اقتصادي وړتیاوې لري او د دواړو هېوادونو د سوداګریزو اړیکو په پراختیا کې مهم رول لوبولی شي.
په دې غونډه کې د افغانستان د سوداګرۍ او پانګونې خونې اجرائیوي رییس سیدکریم هاشمي او د ازبکستان د فرغانې والي هم د اقتصادي همکاریو پر پراختیا او د ګډې پانګونې پر زیاتوالي ټینګار وکړ.
د غونډې په پای کې د افغانستان او ازبکستان د خصوصي سکټور د شرکتونو او هڅاندو(فعالانو) ترمنځ د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول، چې موخه یې د اقتصادي همکاریو پراختیا، د پانګونې زیاتوالی او د دواړو هېوادونو ترمنځ د سوداګرۍ وده بلل شوې ده.
تازه خبرونه
Afghanistan’s Swiss fund grows to $4.2 billion: Ahadi
Ahadi said the fund has not been used and will remain intact until conditions allow for its transfer to Da Afghanistan Bank, Afghanistan’s central bank.
Afghanistan’s sovereign assets held in Switzerland have grown to $4.2 billion after generating approximately $700 million in investment returns, according to Anwar-ul-Haq Ahadi, a member of the Special Trust Fund for Afghanistan (STFA).
Speaking during the 70th online conference of the Association of Afghan Scholars and Specialists on Sunday, July 26, 2026, Ahadi said the fund has not been used and will remain intact until conditions allow for its transfer to Da Afghanistan Bank, Afghanistan’s central bank.
The conference was held under the theme, “Afghanistan’s Economic and Political Situation: Realities and Future Outlook.”
Ahadi said none of the assets have been spent since the fund was established, emphasizing that the money is being preserved for the benefit of the Afghan people.
Commenting on the remaining $3.5 billion in Afghan sovereign assets frozen in the United States, Ahadi said two U.S. courts have already ruled in Afghanistan’s favor. He expressed confidence that the third and final court would also order the release of the funds, allowing the assets to remain protected for the Afghan people.
The Swiss-based fund was established to safeguard a portion of Afghanistan’s overseas sovereign assets while efforts continue to resolve the legal status of the remaining reserves frozen in the United States.
تازه خبرونه
افغانستان او ازبکستان د ټرانزیټي همکاریو پر پراختیا او د اوسپنې پټلۍ پروژو پر پرمختګ ټینګار وکړ
د دې لیدنې په پیل کې د افغان ټرانس اوسپنې پټلۍ پروژې د مطالعاتو د پیل د وخت ټاکلو موضوع مطرح شوه او دواړو لوریو د دې سیمهییزې پروژې د پرمختګ د بهیر پر چټکتیا ټینګار وکړ.
د افغانستان ټولګټو چارو وزیر محمد عیسی ثاني او د ازبکستان د لومړي وزیر مرستیال جمشید خواجهیوف په کابل کې د دواړو هېوادونو ترمنځ د اقتصادي او ټرانزیټي همکاریو پر پراختیا او د ګډو بنسټیزو پروژو پر پلي کېدا ټینګار کړی دی.
د دې لیدنې په پیل کې د افغان ټرانس اوسپنې پټلۍ پروژې د مطالعاتو د پیل د وخت ټاکلو موضوع مطرح شوه او دواړو لوریو د دې سیمهییزې پروژې د پرمختګ د بهیر پر چټکتیا ټینګار وکړ.
همداراز د تورغونډۍ بندر پراختیا د دې ناستې له مهمو موضوعاتو څخه وه. د ازبکستان د لومړي وزیر مرستیال د دې بندر په پراختیا کې د پانګونې لپاره د خپل هېواد چمتووالی اعلان کړ او دا یې د دواړو هېوادونو ترمنځ د سوداګریزو او ټرانزیټي همکاریو د پیاوړتیا لپاره مهم ګام وباله.
دواړو لوریو د هرات ـ مزارشریف اوسپنې پټلۍ پروژې په اړه هم خبرې وکړې او ازبکستان په دې پروژه کې د پانګونې لېوالتیا څرګنده کړه.
د حیرتان بندر له لارې د سوداګریزو توکو د لېږد زیاتوالی او سوداګرو ته د ډېرو آسانتیاوو برابرول هم د دې لیدنې له نورو بحثونو څخه ول. د دواړو هېوادونو چارواکو د لېږد رالېږد د کچې پر لوړولو، د ټرانزیټي همکاریو پر پراختیا او د سوداګرۍ د بهیر پر چټکتیا ټینګار وکړ.
په دې ناسته کې د سالنګ لویې لارې له لارې د سوداګریزو توکو د لېږد بهیر هم وڅېړل شو.
د افغانستان د ټولګټو چارو وزیر ویلي، د سالنګ لویې لارې د بنسټیزې بیارغونې چارې چټکۍ روانې دي.
محمد عیسی ثاني دا ډاډ هم څرګند کړ، چې په افغانستان کې د پانګونې زمینه برابره شوې او ازبکستان کولی شي د افغانستان د قوانینو او معیارونو سره سم په بېلابېلو برخو کې پانګونه او فعالیت وکړي.
هغه د دواړو هېوادونو د ګډو پروژو لپاره د ټولګټو چارو وزارت پر ملاتړ ټینګار وکړ.
د دې لیدنې په پای کې دواړو لوریو د اقتصادي همکاریو پر پراختیا، د ټرانزیټي اړیکو پر پیاوړتیا او د افغانستان او ازبکستان ترمنځ د دوه اړخیزو اړیکو پر ټینګښت ټینګار وکړ او دا همکارۍ یې د دواړو هېوادونو د ګډو ګټو لپاره مهمې وبللې.
تازه خبرونه
د افغانستان وضعیت له پاکستان ښه دی؛ پاکستان مخ پر ډوبېدو دی ــ فضلالرحمن
فضلالرحمن یوې غونډې ته په وینا کې ویلي، پاکستان په سیمه کې منزوي شوی او له یوې خوا له خپل پخواني سیال هند او له بلې خوا له افغانستان سره کړکېچ لري.
د پاکستان جمعیت علمای اسلام ګوند مشر مولانا فضلالرحمن ویلي، افغانستان زمونږ پر پرتله ښه وضعیت لري؛ ځکه، چې پاکستان له سختو ننګونو سره مخ دی.
فضلالرحمن یوې غونډې ته په وینا کې ویلي، پاکستان په سیمه کې منزوي شوی او له یوې خوا له خپل پخواني سیال هند او له بلې خوا له افغانستان سره کړکېچ لري.
هغه ټینګار کړی، چې د افغانستان او پاکستان ترمنځ شخړه د دواړو پر ګټه نهده او باید پای ته ورسېږي.
نوموړي له ښکېلو لوریو وغوښتل، چې د یو بل پر ضد له تورونو او تبلیغاتو ډډه وکړي.
هغه ویلي:« تبلیغات ودروئ. یو لوری ځان بېګناه بولي او بل لوری هم همدا ادعا کوي؛ یو وايي، دفاعي جګړه کوي او بل هم ورته خبره کوي. په دې ډول ستونزه نهحلېږي.»
د جمعیت علمای اسلام مشر زیاته کړې، ګوند یې د افغانستان او پاکستان ترمنځ د منځګړیتوب لپاره چمتو دی؛ خو د داسې بهیر د پیل لپاره باید مناسب چاپېریال رامنځته شي.
هغه همداراز وایي، لویدیځ هېوادونه په افغانستان کې د اسلامي امارت له بیا واکمنېدا خوښ نهدي او پاکستان باید خپلې تګلارې د هغوی د غوښتنو له مخې تنظیم نهکړي.
فضلالرحمن د افغانستان پر وړاندې د پاکستان بریدونو ته په نغوته کې ویلي:« پخپله په پاکستان کې وسلهوالې ډلې شته؛ خو تاسې افغانستان بمبارډوئ. لومړی باید خپل کور سم کړئ، بیا د نورو په اړه پرېکړه وکړئ.»
نوموړي زیاته کړې؛ د جګړې د توجیې لپاره د مظلومیت د ادعاوو وخت تېر شوی او د پاکستان له چارواکو یې وغوښتل، چې پخپلو تګلارو له سره غور وکړي.
Afghanistan’s Swiss fund grows to $4.2 billion: Ahadi
په کابل کې د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول
سوریه له اسرائیل سره د امنیتي هوکړې په لټه کې ده ــ احمد الشرع
افغانستان او ازبکستان د ټرانزیټي همکاریو پر پراختیا او د اوسپنې پټلۍ پروژو پر پرمختګ ټینګار وکړ
ایران له افغانستان او چین سره د ګډې آزادې سوداګریزې سیمې جوړول غواړي
هند افغان ځوانانو ته زر آنلاین تحصیلي بورسونه ځانګړي کړي
د ۱۴۰۵لمریز کال د کانکور پایلې اعلان شوې؛ راشد د پهلوان زوی، د ۳۶۰ نمرو په ترلاسه کولو لومړی مقام خپل کړ
افغانستان او ازبکستان په خوست کې دوستانه شلآوریزه لوبه کوي
په نړیوال جام کې د ټرمپ ناندریزه سلاسوهنه؛ فیفا بالوګون ته د بلجیم پر وړاندې د لوبې اجازه ورکړه
روسیې افغانانو ته په «شمال ـ سویل» نړیوال فورم کې د ګډون بلنه ورکړه
تحول: د ایران پر ضد د پوځي عملیاتو له پراخولو د ټرمپ تېرېدا
څار: د افغانستان او ازبکستان ترمنځ د اقتصادي اړیکو پراختیا
تحول: منځنی ختیځ د نویو بدلونونو په درشل کې
څار: د کابل او اسلامآباد کمرنګه اړيکې
تحول: په سیمه کې پر یو بل د امریکا او ایران روان بریدونه
-
تازه خبرونه4 days agoټرمپ یو ځل بیا په افغانستان کې د پوځي تجهیزاتو پر پاتې کېدا نیوکه وکړه
-
لوبی4 days agoد افغانستان غېږنیونې غوره لیګ درېیمه ورځ؛ فتح او قوشتېپه بریالي شول
-
تازه خبرونه4 days agoد افغانستان او بنګلهدېش استازو د دوه اړخیزو همکاریو پر پراختیا خبرې وکړې
-
تازه خبرونه4 days agoد شانګهای همکاریو ټولنې د سرحدي ځواکونو مسوولانو د امنیتي همکاریو پر پیاوړتیا ټینګار وکړ
-
نړۍ4 days agoکه ایران په هرمز تنګي کې بېړۍ پر نښه کړی، ودانیز جوړښتونه به یې وویشتل شي – ټرمپ
-
تحول5 days agoتحول: په سیمه کې پر یو بل د امریکا او ایران روان بریدونه
-
سوداگري4 days agoله ګاونډ هېوادونو سره د پاکستان سوداګریز کسر نږدې ۱۶ میلیارډ ډالرو ته رسېدلی
-
سیمه ییز خبرونه4 days agoد سعودي عربستان دوه نفتي بېړۍ مو پر نښه کړې – د حوثیانو ادعا