تازه خبرونه
ډېر ژر به د افغانستان زلزله ځپلو ته د بیات بنسټ د مرستو لېږدوونکې ۵ الوتکې راورسیږي
د بیات بنسټ چارواکو ويلي؛ ټاکل شوې، چې په راتلونکو ورځو کې د دې بنسټ د خوراکي او غیر خوراکي توکو پېنځه الوتکې افغانستان ته راورسیږي او زلزله ځپلو ته ووېشل شي.
بیات بنسټ او افغان بېسیم مخابراتي شرکت د افغانستان د ختیځ له زلزله ځپلو سره د مرستې لپاره د خپلو هڅو په لړ کې د خوراکي او غیر خوراکي توکو د وېش بهیر روان ساتلی دی.
د بیات بنسټ چارواکو ويلي؛ ټاکل شوې، چې په راتلونکو ورځو کې د دې بنسټ د خوراکي او غیر خوراکي توکو پېنځه الوتکې افغانستان ته راورسیږي او زلزله ځپلو ته ووېشل شي.
د بیات ګروپ لوی مشر ډوکټور احسان الله بیات په دې اړه ویلي: “زمونږ د مرستو پېنځه الوتکې کابل ښار ته رارسیږي، چې وېش به یې هم پیل شي. دا یو ډېر لوی کار دی او فکر کوو، چې له دوه یا درې میلیون څخه زیاتو ماشومانو ته د خوارځواکۍ ځانګړي خواړه ووېشو.”
ډوکټور احسان الله بیات زلزله ځپلو سیمو ته د خپل سفر پر مهال ویلي: د هغو کسانو لپاره، چې کورونه یې ویجاړ شوي؛ داسې معیاري کورونه به جوړ کړو، چې د زلزلې په مقابل کې مقاومت ولري او د افغانستان د خلکو له کلتور او دودونو سره سم وي.
احسان الله بیات وایي: “هغه کورونه، چې بیات بنسټ او افغان بېسیم مخابراتي شرکت یې جوړوي؛ داسې کورونه دي، چې کلونه به دوام وکړي. د دې کورونو د جوړولو پلان تر کار لاندې دی او دا کار د اړوند ادارو سره پر همغږۍ پلی کوو.”
د نوموړي د څرګندونو له مخې؛ هغه غواړي نور سوداګر هم وهڅوي، چې د زلزله ځپلو لپاره بنسټیز کارونه وکړي.
دغه راز د کونړ سیمهییزو چارواکو د دې بنسټ له مرستو مننه کړې ده.
د کونړ والي مرستیال عبدالله حقاني ویلي: “مونږ له ډوکټور احسان الله بیات څخه د هغې ژمنې له کبله، چې له مونږ سره یې کړې منندوی یوو. مونږ پرې سل په سلو کې باور لرو، چې دا کار کوي. له هغو مرستو، چې هغه له زلزله ځپلو سره کړي هم مننه کوو.”
د بیات ګروپ لوی مشر پر مرستې سربیره زلزله ځپلو ته د خواشینۍ تر څنګ خواخوږي هم وړاندې کړې، چې قربانیان ورته تر بل هر وخت ډېره اړتیا لري.
د کونړ زلزله ځپلی رحیم الله رحیمي ویلي: “مونږ د احسان الله بیات له خیریه بنسټ څخه ډېر منندوی یوو، چې په هره برخه کې یې د خپلو هېوادوالو لاسنیوی کړی دی.”
د کونړ یو بل زلزله ځپلي امین جان نومي ویلي: “مونږ ډېر خوښ یوو، چې مونږ ته مرستې چمتو کیږي.”
د یادونې ده، چې بیات بنسټ له تېرو دوه لسیزو راپدېخوا په هېواد کې له طبیعي پېښو څخه اغېزمنو ته له ټولو مخکښ مرسته رسوونکی و؛ پر بشري مرستو سربېره یې نه یوازې په بیارغونه او رغېدا کې برخه اخیستې، بلکې ټولنې ته یې ارزښتناک پوهنیز، روغتیایي او ټولنیز خدمات هم وړاندې کړي دي.
تازه خبرونه
په روزګان کې د ۳۵۰ زره افغانیو پر ارزښت غلا شوي سرهزر ونیول شول
د امنیه قومندانۍ ویاند بلال احمد روزګاني زیاته کړې: غلا شوي سره زر په ترینکوټ ښار کې زرګر ته د خرڅولو لپاره وړل شوي وه، چې د امنیتي پولیسو له هڅو او پلټونو وروسته ونیول شول.
د روزګان امنیه قومندانۍ ویاند آریانانیوز ته ویلي، چې د دې ولایت د جنايي جرمونو پر وړاندي د مبارزې مدیريت منسوبینو په ترینکوټ ښار کې د ۳۵۰ زره افغانیو پر ارزښت له یوه کوره غلاشوي سرهزر نیولي دي.
د امنیه قومندانۍ ویاند بلال احمد روزګاني زیاته کړې: غلا شوي سره زر په ترینکوټ ښار کې زرګر ته د خرڅولو لپاره وړل شوي وه، چې د امنیتي پولیسو له هڅو او پلټونو وروسته ونیول شول.
ویل کیږي، چې د یاد مدیریت اړوند د اقتصادي جرایمو امریت منسوبینو د دغې پېښي عامل له پلټنو وروسته عدلي او قضاي برخې ته سپارلی دی.
تازه خبرونه
هند یو ځل بیا د افغانستان له روغتیایي برخې څخه د ملاتړ ډاډ څرګند کړ
د هند د روغتیا او کورني هوساینې وزارت د څرګندونو له مخې؛ په دې لیدنه کې د هند روغتیا وزیر جيپي نًډا او د افغانستان د عامې روغتیا وزیر نور جلال جلالي د روغتیایي همکاریو پر پیاوړتیا او د افغانانو د روغتیایي اړتیاوو د پوره کولو د اړتیا په اړه بحث او خبرې کړې دي.
هند له افغانستان سره د بشري مرستو او روغتیایي همکاریو د ترسره کولو د ډاډ څرګندولو تر څنګ ویلي، چې د اړینو درملو اوږدمهاله عرضه دواړو هېوادونو ته لومړیتوب لري.
د هند د روغتیا او کورني هوساینې وزارت د څرګندونو له مخې؛ په دې لیدنه کې د هند روغتیا وزیر جيپي نًډا او د افغانستان د عامې روغتیا وزیر نور جلال جلالي د روغتیایي همکاریو پر پیاوړتیا او د افغانانو د روغتیایي اړتیاوو د پوره کولو د اړتیا په اړه بحث او خبرې کړې دي.
د لیدنې پر مهال پر سمولیکه بڼه سرطاني درمل او واکسینونه افغانستان ته وسپارل شول، چې دا د افغانستان د روغتیایي سیسټم ملاتړ ته د هند پرلهپسې ژمنتیا ښیي.
د هند روغتیا وزارت اعلان کړی، چې د درملو، واکسینونو او د ۱۲۸ سلایس یو سيټيسکین ماشین به هم د بشري مرستو د یوې برخې په توګه افغانستان ته واستول شي.
ویل کیږي، چې دا مرسته د روغتیایي چوپړ د ښه کولو او ژغورونکو درملنو ته د افغانانو د لاسرسي چمتو کولو لپاره د نوي ډیلي ژمنتیا څرګندوي.
تازه خبرونه
په بدخشان کې د چینایي وګړو د شکمنو وژونکو پر ځاله افغان ځواکونو پرېکنده برید کړی
د سرچینو د څرګندونو له مخې؛ د دغو عملیاتو په پایله کې یو مطلوب کس له وسلې او نورو پوځي مهماتو سره یوځای ژوندی نیول شوی دی.
امنیتي سرچینو ویلي، چې د افغانستان اسلامي امارت (IEA) ځانګړو ځواکونو د بدخشان ولایت د اړوند سیمې د هغو شکنو کسانو پر پټنځای برید کړی، چې څه وخت مخکې یې د ګاونډ هېواد تاجکستان په خاورې کې پر چینايي وګړو بریدونه کړي وه.
د سرچینو د څرګندونو له مخې؛ دا عملیات د سېشنبې پر شپه د فیضآباد ښار د اړوند سیمې د هغو شکمنو کسانو پر پټنځای تر سره شوي، چې څه وخت مخکې یې د ګاونډ هېواد تاجکستان په خاوره کې پر چینايي وګړو بریدونه کړي وه.
د سرچینو د څرګندونو له مخې؛ د دغو عملیاتو په پایله کې یو مطلوب کس له وسلې او نورو پوځي مهماتو سره یوځای ژوندی نیول شوی دی.
سرچینې زياته کړې؛ د بريد په اړه د ځانګړو پلټنو پايلې او د نيول شوي کس لومړني اعترافات څرګندوي، چې د بريد پلان له افغانستان څخه بهر ترتيب شوی و.
دا په داسې حال کې ده، چې د تاجکستان بهرنیو چارو وزارت د لیندۍ پر شپږمه / د نومبر پر اووهویشتمه ویلي وه؛ په خاتلون ولایت کې د برید له کبله درې چینايي وګړي وژل شوي دي.
افغان او قزاق چارواکو پر بانکي همکاریو خبرې وکړې
په روزګان کې د ۳۵۰ زره افغانیو پر ارزښت غلا شوي سرهزر ونیول شول
افغانستان په سنتي طب کې د هند همکارۍ وغوښته
هند یو ځل بیا د افغانستان له روغتیایي برخې څخه د ملاتړ ډاډ څرګند کړ
په بدخشان کې د چینایي وګړو د شکمنو وژونکو پر ځاله افغان ځواکونو پرېکنده برید کړی
آریانا ټلویزیون د ۲۰ آوریز نړیوال کرکټ سیالیو د خپراوي حق بیا ترلاسه کړ
د هند او افغانستان استازو د اړیکو پر پیاوړتیا خبرې وکړې
تمه ده نن د تورخم لار پرانیستل شي
په روان اتلانو لیګ کې عینو مېنې او صرافان هرات لوبې وګټلې
په غزه کې د مړینو شمېر له ۷۰ زره څخه واوښت
تحول : د افغانستان په اړه د سیمې د هېوادونو لیدنې
څار: د افغانستان او پاکستان د ستونزو د حل لپاره سیمهییزې هڅې
تحول: د ډګرنیو واقعیتونو له مخې پر اړیکو ټینګار 📽️
څار: په پاکستان کې د افغان کډوالو پر وړاندې له ناوړه چلند نیوکې 📽️
تحول: د ګاونډیانو متقابلې ګټې او د افغانستان امنیتي تحرکات 📽️
-
تازه خبرونه2 days agoپه افغانستان کې پخوانیو روږدو ته تخنیکي او کارپنځوونکې زدهکړې ورکړ شوي
-
سیمه ییز خبرونه4 days agoپه سوریه کې دوه امریکایي سرتېري او یو ژباړونکی ووژل شول
-
لوبی4 days agoآریانا ټلویزیون د فیفا ۲۰۲۵ غوره فوټبال لوبغاړو د جایزو لسم پړاو مراسم خپروي
-
تازه خبرونه3 days agoاسلامي امارت د تېل او ګاز خپلواکه اداره رامنځته کوي
-
تازه خبرونه3 days agoد افغانستان د ټرانزیټي ظرفیتونو پر کارولو د عراقچي ټینګار د ستاینې وړ دی – ذاکر جلالي
-
لوبی4 days agoکلکتې ته د مسي د سفر تنظیموونکی ونیول شو
-
تازه خبرونه4 days agoامریکا د افغان بلیک هاک چورلکو دوهیمه جوپه پیرو ته وسپارله
-
سیمه ییز خبرونه1 day agoپاکستان د غزې د ثبات په پلان کې د ګډون غوښتنې له ننګونې سره مخ کړ