په هرات ولايت کې پر نشه‌يي توکو څه باندې ۱۰۰۰ روږدي کسان له ۶ میاشتنۍ درملنې وروسته رخصت او د لوی اختر په مناسبت به خپلو کورنیو ته ستانه شي.

ډاکټران وايي، چې د دغه ولایت د روږدو د درملنې په لوی مرکز کې پر نشه‌يي توکو د اخته کسانو د درملنې بهیر ښه پر مخ روان دی. ډېري هغه خلک، چې روغ شوي اوس خپل عادي ژوند پرمخ وړي.

هغه کسان، چې له میاشتو راپدیخوا تر درملنې لاندې ول؛ اوس له روږدتیا وتلي، دي.

دې ناروغۍ، چې هغوی یې له کور، ټولنې او ژوند څخه لرې ساتلي وه؛ اوس له درملنې وروسته بېرته خپلو کورنیو ته ستنېږي.

څه کم يو کال کېږي، چې د روږدو د درملنې په دې ستر مرکز کې زرګونه کسان تر درملنې لاندې دي. ځايي چارواکي وايي، چې د درملنې په برخه کې کافي اسانتياوې برابرې شوې دي.

ډاکټران په دې باور دي، چې د درملتې اوسنۍ لار د روږدو کسانو په درملنه کې اغېزمنه ده؛ ځکه، نو د روږدو کسانو د بېرته روږدېدو پېښې هم کمې دي.

د هرات د نشه‌يي توکو پر وړاندې د مبارزې پولیس وایي؛ د هغو کسانو پر وړاندې به جدي اقدام وشي، چې د نشه‌يي توکو په کښت، تولید او قاچاق کې لاس لري.

ویل کیږي، چې د روږدو د درملنې د دغه ستر مركز تر څنګ د میرمنو د درملنې څلور واړه مركزونه هم فعال دي او پدې ناروغۍ د اخته میرمنو د درملنې لړۍ روانه ده.

ورته خبرونه:

روسيې له نشه يي توکو سره د اسلامي امارت له مبارزې ستاينه وکړه

په نږدې راتلونکي کې به د نشه‌ يي توکو کچه صفر ته راټیټه شي – ذبیح الله مجاهد

د پوهنې وزارت چارسمبالي حبیب الله آغا د روسيې فډراسیون په کازان ښار کې د پوهنې وزيرانو دوه‌یم نړيوال فورم له تنظيموونکیو څخه مننه وکړه.

د پوهنې وزارت د څرګندونو له مخې: حبیب الله اغا دغه فورم ته د وینا پر مهال د افغانستان پر ښوونیز وضعيت رڼا واچوله؛ د ښوونځيو، ښوونکیو او زده‌کوونکیو ارقام يې د فورم ګډونووالو ته وړاندې کړل.

حبیب الله اغا د ښوونځيو د ودانيو جوړولو، د درسي کتابونو د چاپولو او ښوونکیو ته د معاشاتو د ورکړې په برخه کې هم له نړيوالې ټولنې څخه د مرستې غوښتنه وکړه.

ياد فورم د روسیې فډراسیون د پوهنې د وزير پر مشرۍ جوړ شوی او په پیل کې کډونوالو ته د ولاديمير پوتين پيغام وړاندې شو.

د دې فورم ګډونوالو ته د روسیې فډراسیون د لومړي وزير د مرستيال پر آنلاين وينا سربېره د روسیې فډراسیون د بهرنيو چارو وزير هم وينا کړې ده.

ویل کیږي، چې د فورم ګډونوالو وزيرانو هم د خپلو هيوادونو د ښوونيز وضعيت په اړه ويناوې واورولې.

ورته خبرونه : 

حکومتي ادارو ته د تحصیلي بنسټونو د فارغانو د جلبولو سپارښتنه شوې – ندیم

له اسلامي امارت سره تعامل مو د ملي ګټو اړتیا ده – روسیه

د پاکستان امنیتي چارواکو د دوشنبې پر ورځ ویلي، چې د چاقاي په سرحدي ولسوالۍ کې ۸۵ افغانان په ناقانونه توګه پاکستان ته د اوښتو پر تور نیول شوي دي.

د ډان نیوز د راپور له مخې؛ دا افغانانو د پاکستان پولې ته څېرمه لیدل شوي، چې پرته له قانوني سفري اسنادو یې سفر کاوه.

راپورونه ښیي، چې افغان کډوال په ناقانونه توګه ایران ته د اوښتو په موخه پاکستان ته داخل شوي دي. د راپورونو له مخې دوی پلان درلود چې بیا له ایران څخه بل لوري ته سفر وکړي.

يوه لوړپوړي امنيتي چارواکي ويلي، چې دغه افغان وګړي نيول شوي او د نورو څېړنو او پلټنو لاندې دي.

امنیتي چارواکو ویلي، چې له قانوني څېړنو له بشپړولو وروسته به دا کسان د پاکستان او افغانستان د پولې د باراچې دروازې له لارې ویستل شي.

دغه سیمه‌ییزه ګومارل شوي نیمه نظامي ځواکونه د پاکستان په قبایلي سیمو کې د امنیت او قانون پلي کولو مسوولیت لري.

ورته خبرږنه:

د پاکستان سرحدونو وزیر د افغان کډوالو پر باعزته ستنېدا ټینګار وکړ

قطر د افغانستان له ګاونډ هېوادونو څخه راستانه شویو افغان کډوالو ته کورونه جوړوي