Connect with us

تازه خبرونه

یو شرکت د شهدا او معلولینو له وزارت سره د ۳۰ زره  جوړو بوټانو مرسته وکړه

خپور شوی

د

(Last Updated On: وری ۲۹, ۱۴۰۲)

د کان کیندنې، کانونو پروسس او سوداګرۍ فان افغان چینا شرکت د افغانستان اسلامي امارت له شهیدانو او معلولینو وزارت سره د ۳۰ زره جوړو بوټانو مرسته وکړه.

د دې بو ټانو مالي ارزښت ۱۸۰ زره امریکايي دالروته رسیږي.

د افغان چین ګډ شرکت رییس داکتر سید هادي شاپور وایي: مونږ د امرستي د دې لپاره د شهیدانو او معلولینو وزارت  ته ورکړې، چې مستحقو کسانو ته  ورسیږي او مونږ به په راتلونکې کې نورې همکارۍ هم د همدې وزارت له لارې تر سره کړو.

د افغان چین ګډ  شرکت مسوولینو ويلي، چې هڅه کوي له دې وروسته  په خپلو ټولو مرستو کې د هېواد کونډې، یتیمان او معلولو کسانو ته لومړیتوب ورکړي او دا چاره به د شهیدانو او معلولینو چارو د وزارت لخوا تنظیم شي.

د شهیدانو او معلولینو چارو وزارت مسوولینو د خصوصي سکتور له دې مرستو هر کلی کوي او وایي، چې په هېواد کې د اسلامي امارت له واکمنۍ راپدیخوا نږدې  ۶ لکه کسان، چې په دې کې معلولین، کونډې او یتیمان دي له دوۍ سره ثبت شوي او اوس هم دا لړۍ روا نه ده. 

دې وزرارت څرګنده کړې؛ د شهیدانو او معلولینو چارو وزارت په ملي او نړیوالو خیریه بنسټونو غږ کوي، چې د دې وزارت له لارې د هېواد مستحقو کورنیو ته خپلي مرستي ورسوي.

د شهیدانو او معلولینو چارو وزرات د دفتر رییس شاه محمد دوست وایي: ۸۰ زره کورنیو سره مرسته شوې او د هېواد په کچه  ۶ لکه عمومي کسان ثبت شوي، چې ټول کونډې، یتیمان او معلولین دي.

هغه زیاته کړې په ۶ لکه کسانو کې ۳۴۰ یتیمان او نوری کندې او معلولین دي، چې ۳۰ زره کسان د تېر نظام  له معلولینو لرو او حقوق ورکول کیږي.

معلولین هم له ټو لو مرسیتندویه بنسټونو غوښتنه  کوي؛ که غواړي د هېواد له معلولینو سره مرسته وکړي، نو خپلي  مرستي دې د شهیدانو او معلو لینو چارو وزارت لخوا تر سره کړي.

معلول عبد الرقیب  وایي: ټولې هغه مرستي، چې له مونږ سره کیږي هغه فقط د شهیدانو او معلولینو چارو وزارت لخوا له مونږ سره کیږي او مستحقو کسانوته يي تل خپل حقونه رسولي دي.

د شهیدانو او معلولینو چارو وزارت مسوولین وايي، چې د مرستو رسولو په بهیر  کې له پوره روڼتیا کار اخلي او ټولو مستحقو هېوادوالو ته خپلي  مرستي  رسولي او هڅه کوي، چې  بیا هم د ټولني دې اړو کسانو ته خپل خدمتونه ورسوي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!