د افغانستان فوټبال لوبډلې د هند پر وړاندې په مهمه لوبه کې خپله ماته ومنله او د ۲۰۲۳ آسیا ملتونو جام ته له لار موندنې بې برخې پاتې شوه.

افغان فوټبال لوبډلې د آسیا ملتونو جام ته د غوراوي په دې لوبه کې له هنده ۱-۲ ماتې وخوړه.

د هند په کلکته ښار کې لږ تر لږه ۵۰ زره نندارچیانو د دغو درې ګولونو د ترسره کولو بهیر له نږدې ولیده.

د لوبې په ۸۶ دقیقه کې هندي سنیل چیهتري لومړی ګول ترسره کړ؛ خو دوه دقیقې وروسته افغان زبیر امیري د سیالې ډلې سره لوبه مساوي کړه، چې بیا په وروستیو نږدې لس دقیقو کې هندي لوبغاړي ساحل صمد وروستی ګول وواهه او هند د لوبې ګټونکی وپېژندل شو.

د افغانستان فوټبال فدراسیون رسنیو ته ویلي، چې د هند  پر وړاندې له دې ماتې وروسته مونږ د آسیا ملتونو جام ته له لار موندنې بې برخې شو.

د یادونې ده، چې افغان لوبډلې د چارشنبې پر ورځ له هانګ کانګ څخه هم په ۲-۰ ماتې منلې وه.

د افغانستان المپيک ملي کمېټې څرګنده کړې؛ افغان ټکوانډو کاران په غازي امان الله خان تالار کې وستایل شول.

د افغانستان تکواندو لوبډله، چې د جي – یو نړیوالو سیالیو لپاره پاکستان ته تللې وه؛ نن پنجشنبه هېواد ته د یو شمېر بریاو سره هېواد ته راستنه شوه.

د تکواندو دغه سیالۍ د ۱۷ هېوادونو ترمنځ، چې ۳۶ لوبډلو او ۴۲۲ لوبغاړیو په کې ګډون درلود ترسره شوې ده او افغانستان ترې ۷ مډالونو هېواد ته راوړل او څلورم مقام یې خپل کړ.

په دې سیاليو کې مرتضی صالح ۴ پاکستانيو، یو مصري او یو البانیايي سیالان مات کړل او د سرو زرو مډال یې وګاټه.

دغه راز محمد اشرف شکران، رامش حسیني او حکمت الله زین د سپينو زرو مډالونه وګټل.

سربېره پر دوی جواد ځاځي، عاطف الله یعقوبي او شهزاد خاکسار د برونزو پر مډالونو ویاړل شوي دي.

د یادونې ده، چې د ا.ا.ا له بیا واکمنېدو وروسته دا لومړني طلايي مډال دی، چې د ورزش په برخه کې ګټل کېږي.