تازه خبرونه
د کابل بهیر درېیمه ناسته دوه میاشتې وځنډیده
د کابل بهیر درېیمه ناسته، چې ټاکل شوې وه د وري میاشتې په لومړۍ اوونۍ کې تر سره شوې وای، وځنډیدله.
د کابل بهیر ناسته، چې د افغانستان د سولې بهیر یې د اجنډا مهمه برخه وه او ولسمشر د روان کال د وري لومړۍ اوونۍ د ناستې د پیل نېټه یاده کړې وه؛ د ولسمشر له ژمنې څلور میاشتې تېرې شوي او اوس هم معالومه نده، چې د کابل ناسته به کله تر سره کیږي.
د کابل بهیر د درېیمې ناستې په اړه ولسمشر اشرف غني د ۱۳۹۷ لمریز کال د سلواغې پر ۲۲ ویلي وه، چې: د وري په لومړۍ اوونۍ کې د سولې له خوندیتوب وروسته به د کابل درېیمه ناسته تر سر شي او په هغې کې به پر تلپاتې سولې او د هېواد پر بسیاینې بحث او خبرې وشي.
دغه ژمنه ماته شوې او تر اوسه هم معالومه نده، چې د کابل بهیر د درېیمې ناستې د ځنډیدو دلیل څه دی.
سیاسیون وایي، په هېواد کې بې ثباتي د دې سبب شوه، چې په دې ناسته کې د بهرنیو شتون پیکه وي، تر دې بریده، چې ناسته یې وځنډوله.
سرچینو ویلي، چې د کابل بهیر درېیمه ناسته کې د طالبانو د ګډون احتمال شته.
په ولسي جرګه کې د کابل استازی عرفان الله عرفان وایي، چې د کابل درېیمه ناسته د قطر د دوحې له ناستې سره نښلول شوې وه؛ خو هغه ناسته وروستۍ نشوه، چې طالبان هم ورته رابلل شوي وای.
که څه هم د کابل بهیر درېیمې ناستې د جوړیدو دقیقه نېټه معالومه نده؛ خو بهرنیو چارو وزارت وایي، د اجنډا پر څرنګوالي یې کار روان دی.
د بهرنیو چارو وزارت ویاند صبغت الله احمدي وایي: د کابل ناسته تر سره کیږي؛ خونېټه یې تر دې دمه ځانګړې شوې نده او د ناستې پر اجندا کارروان دی.
که څه هم افغان حکومت د کابل بهیر له لومړۍ ناستې تر اوسه حکومت له طالبانو سره مخامخ او له وړاندې شرط پرته خبرو ته چمتووالی ښودلی؛ خو تمه ده، چې د کابل بهیر درېیمه ناسته بل ډول وي، ځکه د اجنډا لویه برخه یې د افغانستان د سولې پر بهیر راڅرخي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی