سیمه ییز خبرونه
د غزني سيمه ييز چاراوكي د ښځو پر وړاندې د تاوتريخوالي په قضيو كې لاس لري
د غزني د ولايتي شورا ځينې غړي او د مدني ټولنو استازي د غزني سيمه ييز چاراوكي او په ملي شورا كې د دې ولايت يو شمېر استازي د ښځو پر وړاندې د تاوتريخوالي په قضيو كې په لاس لرلو تورنوي.
د غزني د ولايتي شورا ځينو غړو او د مدني ټولنو استازو په كابل كې د سې شنبې په ورځ ( د سلواغې دريمه) په يوې ناسته كې په غزني كې د ښځو پر حالت اندېښنه ښكاره كړه.
د غزني د ولايتي شورا غړې حميده گلستاني او د مدني ټولنې غړى ناظر حسين باهر وايې:
غزني كې ښځې له زياتو ستونزو سره مخ دي، تل د تاوتريخوالي د بېلابېلو بڼو قرباني كېږي، خو هېڅ داسي يو بنسټ نشته، چې د دوى له حقونو دفاع وكړي.
دوى زياتوي، چې د افغانستان قوانين ډېرې نيمگړتياوې لري او بايد په لومړي سر كې پر قوانينو بيا كتنه وشي، څو خلك د قانون له مخې خپلې ستونزې حل كړي.
بل لور د مدني ټولنو ځينې استازي وايې، پرته له دې، چې د ښځو پر وړاندې د زور زياتي پېښې عدلي او قضايي بنسټونو ته وړاندې شي، سيمه ييزې شورا گانې يې په اړوند خپل سرې پرېكړې كوي او د دوى پرېكړې هم د ښځو پر زيان وي.
دوى همدارنگه وايې، د غزني ځينې سيمه ييز چارواكي او په ملي شورا كې د دې ولايت استازي د ښځو پر وړاندې د زورزياتي په پيښو كې ښكېل دي او نه غواړي، چې د زورزياتي دوسيې وڅېړل شي.
د مدني ټولنو غړو همدارنگه وويل، چې د مدني ټولنو تر منځ په چارو كې همغږي نشته څو د ښځو پر وړاندې د زورزياتي د پېښو په مقابل كې ودرېږي.
دوى زياتوي، ډېر شمېر د مدني ټولنو بنسټونه په جنگي جنايت كارانو پوري تړاو لري او دوى د دا راز مسايلو په اړه هېڅ پاملرنه نكوي او يوازې د خپلو گټو د تر لاسه كولو په هڅه كې دي.
د شمېرو له مخې، په تېره يوه مياشت كې په غزني كې د ښځو پر وړاندې د زورزياتي څلور پېښې ثبت شوې دي، چې درې يې پر نجونو جنسي تېري او يوه بله يې د تاوتريخوالي ده.
په دې وروستيو كې د غزني تر څنگ د هېواد په ځينو نورو ولايتونو او سيمو كې هم د ښځو پر وړاندې د تاوتريخوالي پېښې ليدل شوي دي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه2 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه2 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه1 day ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ1 day ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري2 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی1 day ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ21 hours ago
د غزې په جګړه کې مو د مصر او قطر د اوربند وړاندیز منلی – حماس