تازه خبرونه
هغه میرمن، چې د ماین له شره یې د هېواد ژغورنې لپاره ځان له خطر سر مخ کړي
په کابل کې د انګلستان سفارت ویلي؛ په تېرو درې کلونو کې یې له یو اعشاریه شپږ میلیون ډېرو افغانانو ته د ماین زیانونو په اړه زدکړې ورکړي او له ۳۰ کیلومترو ډېره ځمکه یې له ماینونو او ناچاودو توکو پاکه کړې، چې ژوند خوندي او کرکېله وده وکړي.
د ماین پوهاوي د ورځې پر ویاړ د بریټانیې سفارت ویلي؛ له تېرو درې کلونو راپدیخوا د ملګرو ملتونو د ماین پاکۍ له خدماتو سره مرسته کوي، چې موخه یې له دې جنګ ځپلي هېواد سره د ماین پاکولو عملیاتو اداره کول دي.
فیضه رضايي، چې د دوه ماشومانو ۲۶ کلنه مور او په بامیان ولایت کې د ۱۹ ماین پاکو ښځینه ډلې له غړیتوبه برخمنه او له خپلې دندې هم راضي ده.
هغې په ۲۰۱۹ زېږدیږ کال کې د وسلو څارنې نړیواله جایزه هم تر لاسه کوي.
رضايي څرګنده کړې، چې د ښوونکې په توګه دنده یې پرېښوه او پرځای یې د ماین پاکولو خطر ناکه دنده پیل کړې ده.
هغې په دې اړه، چې ولې یې دا دنده خپله کړه ویلي؛ ما له خپل کلي څخه څوکسان پېژندل، چې په ماین چاودنو کې مرګ و ژوبله وراوښتې ده. ان زمونږ د کور څښتن هم په ماین چاودنه کې خپله پښه له لاسه ورکړه او څو ماشومان یې له ژوندانه بې برخې کړي دي. له دغو پېښو اغېزمنه شوم او د خپلو ماشومانو په اړه مې فکر کاوه، چې له دغو پېښو سره مخ نشي.
هغې ويلي، چې د کورنۍ خوښه یې نه وه؛ خو دې د ماین پاکۍ پرېکړ وکړه.
هغې په دې اړه ویلي؛ ما د خپل راتلونکي او خپلو ماشومانو لپاره دا پرېکړه وکړهږ ما غوښتل، چې بامیان له ماین پاک او هر څوک له ژونده خوند واخلي.
رضايي په هېواد کې د دغې دندې پر وړاندې له ګواښونو او ننګونو هم اندېښمنه ده او وایي؛ زه د خپلې دندې د امنیت په اړه اندېښنه لرم؛ ځکه، چې له ماینه د دې ولایت له پاکېدو سره نشم کولی په نورو ولایتونو کې، چې هلته ډېرې سیمې د طالبانو تر ولکې لاندې دي کار وکړم.
رضايي هیله منه ده، چې په ټولنپوهنه یا لرغونپوهنه کې ماسټري بشپړه کړي.
رضايي او د هغې ۱۹ کسیزه ډله په افغانستان کې د ښځینه ماین پاکوونکیو لومړۍ ډله ده.
هغه وایي: د وسلو څارنې نړیوالې جایزې تر لاسه کول مو د بنسټیزو بدلونونو لامل شو. کله مو، چې دا جایزه تر لاسه کړه؛ زه او ډله مو افغان ټولنې وپېژندلو او مونږ ثابته کړه، چې ښځې د نرینه وو په څیر سخت کار کولی شي او مونږ له هغوی سره برابر یو.
په افغانستان کې له درې لسیزو څخه وسلوالې شخړې روانې دي او ترې نه یوازې د ماینونو میراث پاتې دی، بلکې بېلابېل ناچاودو توکو هم هېواد د چاودنو له خطر سره مخ کړی.
له ۱۹۸۹ کال راپدیخوا د افغانستان د ماین پاکۍ پروګرام د دغو خطرناکو توکو د پاکولو کار پیل کړی؛ خو دا، چې جګړه روانه ده؛ هره میاشت شاوخوا د ځاني زیان ۱۲۸ ملکي پېښې ثبت کیږي.
دا په داسې حال کې ده، چې افغانستان یو له هغو هېوادونو دی، چې له ماینونو اغېزمن شوی او تر دې دمه ۳۲ زره خطرنکې سیمې له ماینونو پاکې شوې دي.
تازه خبرونه
د مزارشریف د روضې د بیارغونې بېړنی پروګرام پیل شو
د ایټالیا سفارت د پنجشنبې پر ورځ په ایکسپاڼه کې لیکلي، دا نوښت د افغانستان د فرهنګي میراث د ژغورنې او د سیمې خلکو ته د کاري فرصتونو د رامنځته کولو پر نیت پلی کېږي.
د افغانستان لپاره د ایټالیا سفارت څرګنده کړې، چې دې هېواد د ملګرو ملتونو د ښوونې، علمي او فرهنګي ادارې(یونسکو) پر همکارۍ د مزارشریف ښار د روضې جومات د ژغورنې او بیارغونې بېړنی پروګرام پیل کړی، چې د وروستۍ زلزلې له کبله زیانمن شوی دی.
د ایټالیا سفارت د پنجشنبې پر ورځ په ایکسپاڼه کې لیکلي، دا نوښت د افغانستان د فرهنګي میراث د ژغورنې او د سیمې خلکو ته د کاري فرصتونو د رامنځته کولو پر نیت پلی کېږي.
د یاد سفارت د څرګندونو له مخې، دا پروژه د افغانستان له خلکو څخه د ملاتړ او د دې هېواد د تاریخي او فرهنګي آثارو د ژغورنې لپاره د ایټالیا او ملګرو ملتونو د ګډې ژمنې څرګندونه کوي.
د مزارشریف د روضې جومات د افغانستان له مشهورو تاریخي او مذهبي ودانیو څخه دی او هر کال د کورنیو او بهرنیو زرګونو زیارتکوونکو او سیلانیانو کوربه وي.
تازه خبرونه
د پاکستان له زندانونو خوشې شوي ۳۲۵ افغان کډوال هېواد ته راستانه شول
دې وزارت په خپره شوې خبرپاڼه کې ویلي: په روانه اوونۍ کې ۳۲۵ افغان کډوال، چې کورنۍ، ماشومان او مجرد کسان هم په کې ول؛ د وخت له بېلابېل بند وروسته د ننګرهار تورخم او د کندهار سپین بولډک له لارو افغانستان ته راستانه شوي دي.
د افغانستان کډوالو او بېرته راستنېدونکو چارو وزارت ويلي، له ۳۰۰ څخه ډېر افغان کډوال د پاکستاني زندانونو او بندخونو خوشې او هېواد ته راستانه شوي دي.
دې وزارت په خپره شوې خبرپاڼه کې ویلي: په روانه اوونۍ کې ۳۲۵ افغان کډوال، چې کورنۍ، ماشومان او مجرد کسان هم په کې ول؛ د وخت له بېلابېل بند وروسته د ننګرهار تورخم او د کندهار سپین بولډک له لارو افغانستان ته راستانه شوي دي.
د یاد وزارت د څرګندونو له مخې، ۱۵۶ کسان د تورخم له لارې ننګرهار ولایت ته او ۱۶۹ نور د سپین بولډک له لارې کندهار ولایت ته دننه شوي دي.
وزارت زیاته کړې، راستانه شوي کسان د لېږد د آمریتونو له نوملیکنې او د همکارو بنسټونو مرستو ترلاسه کولو وروسته خپلو اصلي سیمو ته لېږدول شوي دي.
له څو وروستیو میاشتو راپدېخوا په پاکستان کې ګڼ افغان کډوال د قانوني استوګنې د اسنادو د نهلرلو یا د کډوالۍ اړوند ستونزو له کبله نیول شوي او وروسته افغانستان ته راستانه کړ شوي دي.
تازه خبرونه
د افغانستان او ایرلینډ لومړۍ یوورځنۍ لوبه د باران له کبله لغوه شوه
ټاکل شوې، چې لوبه د سیمې پر وخت د سهار پر ۱۰:۴۵ (د کابل پر وخت د غرمې پر ۱:۳۰) پیل شي؛ خو د پرلهپسې باران له کبله د پچې اچونې مراسم هم ترسره نهشول.
د چارشنبې پر ورځ د شمالي ایرلینډ په بریډي کرکټ لوبغالي کې د افغانستان او ایرلینډ کرکټ ملي لوبډلو ترمنځ لومړۍ یوورځنۍ سیالي له توپ غورځولو پرته؛ د پرلهپسې باران او د لوبغالي د نامناسبو شرایطو له کبله لغوه شوه.
ټاکل شوې، چې لوبه د سیمې پر وخت د سهار پر ۱۰:۴۵ (د کابل پر وخت د غرمې پر ۱:۳۰) پیل شي؛ خو د پرلهپسې باران له کبله د پچې اچونې مراسم هم ترسره نهشول.
د لوبې چارواکو د سیالۍ پیل وځنډاوه او د غرمې شاوخوا ۱۲ بجې یې د لوبغالي وضعیت وارزاوه؛ خو په پای کې یې د غرمې پر ۱۲:۲۷ د لوبې د لغوه کېدا پرېکړه وکړه.
د دې لوبې لغوه کېدا دواړو لوبډلو ته د پېنځه یوورځنۍ سیالیو د لړۍ په پیل کې د اغېز ښودلو فرصت له منځه یووړ. دا سیالۍ د ایرلینډ د نوي روزونکي، ګري ویلسن تر مشرۍ لاندې د دې لوبډلې د نوي پړاو پیل هم بلل کېږي.
ټاکل شوې، چې دواړه لوبډلې د جمعې پر ورځ یو ځل بیا د بریډي کرکټ لوبغالي په دوهیمه یوورځنۍ سیالۍ کې سره مخامخ شي او د دې لړۍ پاتې درې لوبې به د بلفاسټ ښار په سټورمونټ کرکټ لوبغالي کې ترسره شي.
د افغانستان او ایرلینډ د یوورځنۍ سیالیو دا لړۍ د افغانستان پر کچه پر ژوندۍ بڼه د آریانا ټلوېزیون له لارې خپرېږي.
د مزارشریف د روضې د بیارغونې بېړنی پروګرام پیل شو
ساینسپوهانو د لمر تر ټولو روښانه انځور ثبت کړ
د پاکستان له زندانونو خوشې شوي ۳۲۵ افغان کډوال هېواد ته راستانه شول
افغانستان له روسیې سره مساوي شو؛ په کانټیننټل فوټسال سیالیو کې یې لومړۍ نمره خپله کړه
که امریکا بیا برید وکړي، د خلیج د انرژۍ تاسیسات به تر برید لاندې راشي – ایران
هند افغان ځوانانو ته زر آنلاین تحصیلي بورسونه ځانګړي کړي
روسیې د ناټو پر تازه پرېکړو سختې نیوکې وکړې
روسیې افغانانو ته په «شمال ـ سویل» نړیوال فورم کې د ګډون بلنه ورکړه
زرګونو کسانو په کابل کې له شاپور ځدراڼ سره وروستۍ مخه ښه وکړه
د افغانستان د غېږنیونې غوره لیګ لومړي پړاو ته اووه ورځې پاتې دي
تحول: په نړیوال سیاست کې د کوچنیو دولتونو کم غوراوي
څار: د پاکستان وروستیو څرګندونو ته د نوي ډیلي غبرګون
تحول: د افغانستان په اړه د چین او پاکستان د امنیتي مشورې ارزونه
څار: امریکا ته د ایران خبرداری
تحول: په خیبر پښتونخوا کې د امنیتي بحران چټکېدا
-
تازه خبرونه3 days agoد نورستان سیلابځپلیو ته به هر اړخیزه رسېدنه وشي – ملا برادر په نورستان کې
-
Opinion4 days agoد چین د ۵ او ۱۵ کلنو پراختیايي پلانونه؛ د بريالیتوب رازونه او نړيوال درسونه
-
لوبی4 days agoد آسیا فوټبال د ۲۰۲۶-۲۷ پړاو لوبډلو د لوبو پچهاچونه د اګست پر اتهلسمه ترسره کیږي
-
تازه خبرونه2 days agoد سفر بندیز د افغان کورنیو د یوځای کېدا خنډ نهشي کېدی ـ د امریکا محکمه
-
سیمه ییز خبرونه4 days agoټرمپ پر ایران نوی برید وځنډاوه
-
تازه خبرونه20 hours agoد افغانستان او ایرلینډ لومړۍ یوورځنۍ لوبه د باران له کبله لغوه شوه
-
تازه خبرونه2 days agoچین او پاکستان د ترهګرۍ ضد همکارۍ پر پراختیا ټینګار وکړ
-
روغتيا4 days agoپه کابل کې د زړه د سوري د درملنې څانګیز روغتون پرانیستل شو