تازه خبرونه
له ۲۰ کلنې زړورتیا او سرښندنو وروسته؛ اوس هغه وخت دی، چې سرتېري مو راستانه شي
جو بایډن لږ تر لږه ۱۰۰ ورځې له ولسمشر کیدو وروسته وکیلانو ته په خپله لومړۍ رسمي وینا کې د خپلې وروستۍ پرېکړې په اړه، چې له افغانستان څخه سرتېري وباسي ویلي، چې جګړه هیڅکله په دې هېواد کې د ملت جوړونې لپاره نه وه او اوس هغه وخت دی، چې سرتېري مو کورونو ته راستانه شي.
بایډن وایي: مونږ افغانستان ته د هغو تروریستانو د ځپلیو لپاره تللي وو، چې د سپټمبر پر ۱۱ یې پر مونږ برید کړی و. مونږ اسامه بن لادن ته د خپلو کړنو سزا ورکړه او په افغانستان کې مو د القاعده ګواښ هم کم کړ.
د بایډن پرېکړې په کانګرس کې له غبرګونونو سره مخ شوه او ډېرو یې اندېښنه څرګنده کړه، چې د افغانستان حکومت به ونشي کړای له ځان دفاع وکړي او دا کیدای شي د کورنۍ جګړې لامل شي.
جو بایډن دا اندېښنې ومنلې او زیاته یې کړه، چې د سرتېري له وتو سره هم مونږ به د راتلونکيو ګواښونو د مخنیوي لپاره خپله پوره وړتیا خوندي کړو.
هغه دا ډاډ هم څرګند کړ؛ افغانستان اوس هغه سیمه نده، چې له هغه ځایه د سپټمبر د یوولسمې تروریستي بریدونه پلان شوي وه . دا هېواد نور زمونږ ملي امنیت ته یو جدي ګواښ ندی.
هغه ویلي: د تروریزم ګواښ له ۲۰۰۱ راپدیخوا په نورو هېوادونو کې پراختیا موندلې او مونږ به امریکا ته د ګواښونو پروړاندې له هره ځایه، چې وي؛ پام کوو.
القاعده او داعش په یمن، سوریه، سومالیا او په افریقا او منځني ختیځ او نورو اړوند سیمو کې شته.
بایډن همدارنګه د روسیې، چین او شمالي کوریا لخوا اقتصادي او امنیتي ګواښونو ته نغوته کړې او ژمنه یې وکړه، چې د اندېښنو د حل لپاره به له بهرنیو متحدینو سره له نږدې کار وکړي.
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه17 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل