Connect with us

تازه خبرونه

افغان صرافانو او خلکو د امریکا د بې پلوته الوتکې برید وغانده

خپور شوی

د

Last Updated on: زمری ۲۰, ۱۴۰۱

په کابل کې د صرافانو او پولي خدمتونو ټولنې، د سوداګرۍ او پانګونې خونې مسوولینو، یوشمېر سوداګرو او خلکو د امریکا د وروستي هوايي برید په غبرګون کې لاریون وکړ.

دوی، چې د کابل شهزاده سرای مخې ته تم شول او له ګاونډ هېوادونو یې وغوښتل، چې پرېنږدي هوايي حریم یې د افغانستان پر وړاندې وکارول شي.

لاريون کوونکیو ویلي، چې دغه بريد د دوحې له تړون او نورو نړيوالو اصولو ښکاره سرغړونه ده.

د افغانستان د صرافانو سرتاسري ټولنې مسوولین د هېواد په فضا کې د بې پیلوته الوتکو فعالیت او په افغانستان کې یې د الوتکو د بریدونو ترسره کول په کلکو ټکو غندي.

د دې اعتراضیه لاریون جوړوونکي څرګندوي؛ د هېواد د آزادۍ د ساتلو لپاره له اسلامي امارت څخه په کلکه دفاع کوي او له نړیوالو بشري بنسټونو یې غوښتي، چې په افغانستان کې دې امریکا  نور د جګړې اور ته لمن نه وهي.

دوی په ډاګه کړې، چې د دې اعتراض موخه د امریکا په ګډون د هغو هېوادونو پر ضد غږ پورته کول دي، چې د افغانستان د امنیت ضد هڅې تر سره کوي.

د شهزاده سرای د صرافانو د ټولنې غړی عبدالرحمان ځیرک وایي: مونږ د خپل نظام او خلکو تر شاه ولاړ یوو. مونږ د نړۍ ستر قدرتونه مات کړي دي. هیله کوو، چې زمونږ په هېواد کې د جګړي د پراختیا هڅه ونشي. مونږ غواړو، چې نور له نړۍ سره سوله ییز ژوند ولرو او له جګړو ستړي یوو.

د شهزاده سرای د صرافانو ټولنې غړی امین جان خوستی وایي: مونږ د امن خلک یوو مونږ او له ټولو هیله لرو، چي غیرمسوولانه کړنو نه لاس واخلي. مونږ په خپله خاوره کې تجاوز نه منو او مونږ هر ډول تجاوز غندو او له غربي قدرتونونه هیله لرو، چي پر مونږ نور جنګ تحمیل نکړي.

د سوداګرۍ او پانګونې خونې مسوولینو هم، چې په دې اعتراضیه غونډه کې برخه درلوده له نړیوالو وغوښتل، چې د افغانستان د امنیت له ګواښلو دې لاس واخلي.

د دوی په خبره په کار ده، چې نړۍ له افغانستان سره د اقتصادي فعالیتونو د پراختیا په برخه کې همکاري وکړي.

دوی زیاتوي؛ نړۍ او د سیمي هېوادونه باید د افغانستان آزادۍ ته درناوی وکړي. دوی وایي، د افغانستان د اوسني امنیتي وضعیت ګډوډول د افغانستان، سیمي او ګاونډ هېوادونو لپاره ستونزې پېښولی شي.

د یادو معترضانو د څرګندونو له مخې؛ د افغانستان خصوصي سکتور له نړۍ سره د مثبتو اړیکو غوښتنه کوي، خو له اسلامي امارت ملاتړ هم کوي.

د سوداګرۍ او پانګونې خونې مرستیال محمد یونس مومند ویلي: مونږ د نړۍ هېوادونو ته وایو، چې د افغانستان د او سني حکومت او د افغانستان  آزادۍ  ته درناوي وکړي. مونږه نه غواړو، چې په هېواد کې مو بیا تحمیلي  جګړي پیل شي. مونږ له خپل نظام څخه د دفاع لپاره  پوره چمتووالی لرو.

د سوداګرۍ او پانګونې خونې غړی عبدالحمید وایي: نړۍ او لویو قدرتونو ته باید دا معلومه شوې وي، چې په افغانستان کې يې ماته خوړلې. مونږ ته د خپلې آزادۍ د ساتلو درس راکړ شوی. مونږ له امریکا او غربي هېوادونو څخه غوښتنه کوو، چې زمونږ د امنیت او استقلال احترام وکړي.

د خصوصي سکتورغړیو د یوه ۹ ماده ییز پرېکړه لیک له خپرولو سره له اسلامي امارته غوښتنه وکړه، چې د افغانستان د آزادۍ او ثبات د دښمنانو غرضي او مرضي هڅې په نطفه کې له منځه یوسي. دوی همداراز له ګاونډ هېوادونو هم غوښتنه کړي، چې د افغانستان په جګړو کې دې نور د خپلو ګټو له لټولو لاس واخلي او د ښه ګاونډیتوب هڅه دې وکړي. 

په هرات کې هم د صرافانو ټولنې او لاریونوالو د افغانستان پر خاوره د امریکا د بې پېلوته الوتکې برید غندلی دی.

دا په داسې حال کې ده، چې د افغانستان په ختیځ، جنوب او لویدیځ کې هم سلګونه صرافانو سوله ییز لاریونونه تر سره کړل او پر افغانستان یې د امریکا د بې پیلوته الوتکې برید وغانده.

تازه خبرونه

سویډن د افغانستان د پخواني سفیر د پناه غوښتنه رد کړه؛ امریکا ته یې د لېږلو هڅه کوي

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

Published

on

 

د فرانسې« لومونډ» ورځپاڼې راپور ورکړی، چې سویډن په دې هېواد کې د افغانستان د پخواني سفیر عباس نویان د پناه غوښتنه رد کړې او غواړي هغه امریکا ته ولېږدوي.

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

د« لومونډ» د راپور له مخې، نویان اوس له معتبر اقامتي اسنادو پرته له خپلې مېرمنې سره د سویډن په جنوبي ښار هلسینګبورګ کې ژوند کوي او د ایستلو له ګواښ سره مخ دی.

نویان په سویډن کې د افغانستان د سفیر له ټاکل کېدا مخکې له ۲۰۰۵ز.کال څخه تر ۲۰۱۰ ز.کال پورې په کابل کې د افغانستان د پارلمان د غړي دنده ترسره کړې وه.

نوموړی له پارلماني دندې مخکې په امریکا کې هم اوسېدلی دی.

#آریانا‌نیوز #افغانستان #سویډن #عباس‌نویان #پناه‌غوښتنه #امریکا

Continue Reading

تازه خبرونه

افغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

Published

on

 

افغانان نن( پنجشنبه د لړم اته‌ویشتمه / د نومبر نولسمه) په ملګرو ملتونو کې د خپل رسمي غړیتوب اتیایمه کلیزه نمانځي. افغانستان په ۱۹۴۶ز. کال کې د ملګرو ملتونو غړی شوی دی.

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

په تېرو اتیا کلونو کې افغانستان له پراخو سیاسي بدلونونو سره-سره خپل غړیتوب ساتلی؛ خو په ملګرو ملتونو کې د افغانستان د استازولۍ د څوکۍ پر سر اوس هم اختلاف روان پاتې دی.

په دې اته لسیزو کې افغانستان له پراخو سیاسي بدلونونو سره ـ سره په ملګرو ملتونو کې له شاهي نظام له پای ته رسېدا او د شوروي اتحاد له یرغل څخه نیولې تر کورنیو جګړو، د اسلامي امارت د دوه پېره واکمنۍ او د ۲۰۲۱ز.کال د اګست پر مهال د جمهوري نظام تر سقوط پورې خپل غړیتوب ساتلی دی.

په دې موده کې افغان ډیپلوماټانو د سولې، امنیت، پراختیا او بشري حقونو په اړه په نړیوالو ناستو او خبرو کې ونډه اخیستې ده. په دې لړ کې عبدالرحمن پژواک له ۱۹۵۸ز.کال څخه تر ۱۹۷۹ز.کال پورې په ملګرو ملتونو کې د افغانستان دایمي استازی و او په ۱۹۶۶ز. کال کې د دې ټولنې د عمومي غونډې د یوویشتمې غونډې د مشر په توګه وټاکل شو. همدارنګه عادله راز په ۲۰۱۹ز.کال کې د افغانستان لومړنۍ ښځینه دایمي استازې شوه. ثریا دلیل هم له ۲۰۱۵ څخه تر ۲۰۱۹ز. کال پورې په ژنیو کې د افغانستان دایمي استازې وه.

د ۲۰۲۱ز.کال د اګست له سیاسي بدلونونو وروسته په ملګرو ملتونو کې د افغانستان د استازولۍ موضوع نوي پړاو ته دننه شوه؛ غلام‌محمد اسحاق‌زي، چې هغه مهال د افغانستان دایمي استازی و د جمهوري نظام له سقوط وروسته په لومړیو میاشتو کې پر خپله دنده پاتې و او وروسته نصیراحمد فایق د ۲۰۲۱ز.کال په ډسمبر کې د افغانستان د استازولۍ چارسمبالي شو. په ژنیو کې هم نصیراحمد اندیشه د افغانستان پر استازیتوب خپلې هڅې روانې ساتلې دي.

اسلامي امارت په ملګرو ملتونو کې د افغانستان څوکۍ خپل استازي ته د سپارلو غوښتنه وکړه؛ خو د ملګرو ملتونو د عمومي غونډې د اعتبارلیکونو کمیټې تر اوسه د سیالو اعتبارلیکونو په اړه وروستۍ پرېکړه نه‌ده کړې او د تېر حکومت له‌خوا معرفي شوي استازي اوس هم د افغانستان د استازولۍ په څوکۍ کې پاتې دي.

دغه راز په ملګرو ملتونو کې د افغانستان د رایې حق له ۲۰۲۴ز.کال راپدېخوا د کلني غړیتوب د فیس د نه‌ورکړې له کبله ځنډول شوی دی. د افغانستان اوسنۍ استازولۍ د اسلامي امارت مالي سرچینو ته لاسرسی نه‌لري او د دغه هېواد د غړیتوب د پاتې پورونو ورکړه هم نه‌ده حل شوې.

ملګري ملتونه او د هغوی اړوند بنسټونه هم د افغانستان په بېلابېلو برخو کې فعالیت کوي.

دغه بنسټونه د بشري مرستو، روغتیا، زده‌کړو، پراختیا، بشري حقونو او د نړیوالو مرستو د همغږۍ په برخو کې کار کوي. په افغانستان کې د ملګرو ملتونو د مرستندویه پلاوي( یوناما) ماموریت په ۲۰۰۲ز.کال کې رامنځته شو او اوس هم د سیاسي تعامل، د بشري حقونو د وضعیت د څارنې او له نړیوالو شریکانو سره د همغږۍ په برخو کې فعالیت کوي.

په ملګرو ملتونو کې د افغانستان د غړیتوب له ۸۰ کلونو تېرېدا سره – سره اوس هم افغانستان د دې ټولنې غړی دی؛ خو د اوسني حکومت د استازولۍ او په عمومي غونډه کې د افغانستان د رایې حق موضوعات له هغو ناحل شویو ننګونو څخه دي، چې د افغانستان او دې نړیوال بنسټ ترمنځ په اړیکو کې پاتې دي.

#آریانا‌نیوز #افغانستان #ملګري‌ملتونه #غړیتوب #یوناما #اسلامي‌امارت #استازولي #بشري‌حقونه

Continue Reading

تازه خبرونه

اسلامي امارت په افغانستان کې د داعش خراسان د پیاوړتیا په اړه د ملګرو ملتونو اندېښنه رد کړه

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

Published

on

 

د اسلامي امارت ویاند ذبیح‌الله مجاهد په افغانستان کې د داعش خراسان د وړتیاوو د زیاتېدا په اړه د ملګرو ملتونو د چارواکو اندېښنه رد کړې او دغه اندېښنې یې پر ناسمو معلوماتو ولاړې بللې دي.

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

د اسلامي امارت دغه غبرګون له هغې وروسته څرګند شوی، چې د ترهګرۍ پر وړاندې د مبارزې په چارو کې د ملګرو ملتونو د سرمنشي مرستیال الکساندر زویوف د داعش خراسان د وړتیاوو د زیاتېدا او پرمختللو تجهیزاتو ته، چې بې‌پیلوټه الوتکې هم په کې دي؛ د داعش د لاسرسي په اړه اندېښنه څرګنده کړې وه.

Continue Reading
Advertisement

Trending

Copyright © 2026 Ariana News. All rights reserved!