Connect with us

سوداگري

په کابل کې د برښنا لږوالي له کبله د کارخونو تولیدي کچه راټیټه شوې – خصوصي سکتور

خپور شوی

د

د خصوصي سکتور غړيو ويلي؛ د برښنا د لږوالي له کبله په کابل کې د فابریکو د تولید کچه ۵۰ سلنه راټیټه شوې ده.

یو شمېر صنعتکاران له برښنا شرکت څخه غوښتنه کوي، چې د برښنا د لږوالي له کبله د دوی د ستونزو د اوارولو لپاره لازم او چټکې هڅې تر سره کړي.

د سوداګرۍ او پانګونې خونې مسوولینو څرګنده کړې، په هېواد کې د برښنا د بیو د لوړېدو له کبله د کورنیو تولیداتو عمومي کچه ۵۰ سلنه راټیټه شوې ده.

د خصوصي سکتور غړي د افغانستان برښنا شرکت څخه غواړي، چې د دوی ستونزې اوارې کړي.

د خصوصي سکتور غړي زیاتوي، چې که دا ستونزه همداسې روانه وي؛ ښايي یو شمېر صنعتکاران خپل فعالیتونه ودروي.

کابل ښاریان هم د برښنا د تقاضا له زیاتوالي اندېښمن دي.

دوی وايي، چې په دې ساړه موسم کې د برښنا نشتوالي دوی ته ګڼې ستونزې را منځته کړي دي.

د خصوصي سکتور غړي وايي، له شاوخوا دوه میاشتو راپدیخوا په کابل ښار کې د برښنا تقاضا ډېره شوې، چې د نورو برخو ترڅنګ یې د کارخونو پر تولید هم منفي اغېز کړی او حکومت ته پکار ده، چې د دې ستونزې حل ته جدي پاملرنه وکړي.

د برښنا شرکت مسوولین د خصوصي سکتور دغه ادعا ردوي او وايي، چې دوی هره ورځ تولیدي کارخونو ته له لس ګړیو ډېره برښنا رسوي.

سوداگري

د افغانستان او ازبکستان ترمنځ د اوسپنې‌پټلۍ له لارې د مالونو پر لېږدولو هوکړه وشوه

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

Published

on

 

د ازبکستان د اوسپنې‌پټلۍ ادارې ویلي، چې افغانستان او ازبکستان د اوسپنې‌پټلۍ په برخه کې د همکاریو پر پراختیا او د اوسپنې‌پټلۍ له لارې د مالونو د لېږدولو د کچې پر زیاتولو هوکړه کړې ده.

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

په دې غونډه کې دواړو لوریو د اوسپنې‌پټلۍ اړیکو پر پراختیا، له شته ظرفیتونو څخه پر اغېزمنې ګټې اخیستنې او د دواړو هېوادونو ترمنځ د مالونو د لېږدولو د کچې پر زیاتولو خبرې کړې دي.

په دې لیدنه کې ویل شوي، چې سږ کال د افغانستان او ازبکستان ترمنځ د مالونو دوه‌اړخیز لېږد زیاتېدا د پاملرنې وړ ده.

د شوې هوکړې له مخې؛ ټاکل شوې، چې د نایب‌آباد تم‌ځای په ټاکلي وخت کې پراخ شي او له حیرتان څخه مزارشریف ته د مالونو رېلي لېږد منظم شي.

ویل کیږي، چې دواړو لوریو د رېل‌ګاډو د ورځني تګ راتګ د شمېر پر زیاتولو او د اوسپنې‌پټلۍ په برخه کې د افغان کارکوونکو د مسلکي زده‌کړو او وړتیا لوړولو لپاره د زمینې پر برابرولو هم هوکړه شوې ده.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

سوداگري

تاجکستان له افغانستان سره پر پوله د ګډ بازار جوړولو غوښتنه وکړه

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

Published

on

 

د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.

د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.

دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.

Continue Reading
Advertisement

Trending

Copyright © 2026 Ariana News. All rights reserved!