لوبی
آریانا تلویزیون د هند کرکت غوره لیګ د خپرولو دیجیتل حق ترلاسه کړ
آریانا تلویزیوني شبکې په خپل دیجیتل پلیت فارمونو کې د کرکت تر ټولو لویې او تر ټولو ډېرې کتل شوې لوبې د هند کرکت غوره لیګ د خپرولو حق ترلاسه کړی دی.
د هند غوره لیګ یا (IPL) سږنۍ سیالۍ، چې د جمعې پر ورځ (د وري یوولسمه / د مارچ یودېرشمه) پیلېږي؛ میلیونونه افغان مینهوالو ته به د آریانا او آریانا نیوز اوبپاڼو له لارې د لاسرسي او لیدو وړ وي.
دغه سیالۍ هره ورځ د آریانا نیوز او آریانا تلویزیون د اوبپاڼو له لارې په ژوندۍ بڼه خپریږي، چې هېوادوال کولی شي؛ دا په زړه پورې سیالۍ له واټن پرته په خپلو کورونو او هر ځای کې ننداره کړي.
په دغه لیګ او سیالیو کې به د لوبغاړیو په ګډون د کرکت د نړۍ یو شمېر مشهور ستوري یو ځل بیا د کرکت په یوه ستره سیالۍ کې خپل استعدادونه نندارې ته وړاندې کړي.
هغه څه، چې باید پرې پوه شئ:
دا لیګ او سیالۍ به د جمعې پر ورځ ( د وري پر ۱۱ / د مارچ پر ۳۱ ) پیل شي. د تېر کال د اتلولۍ لرونکې لوبډله ګجرات تایتانز به په لومړۍ لوبه کې له چینای سوپر کینګز سره مخ شي.
ټولټال لس لوبډلې به په دې سیالیو کې ونډه ولري او د اتلولۍ تر پړاو پورې به ۷۰ سیالۍ وکړي.
پای لوبه به د غبرګولي پر ۷ / د می پر ۲۸ د احمد آباد په نریندرا مودي لوبغالي کې ترسره شي.
آریانا تلویزیون څنګه په دیجیتل پلیت فارمونو کې وګورو؟
- د آریانانیوز اوبپاڼه کېکاږئ
- د آریانا تلویزیون اوبپاڼه کېکاږئ
د هند غوره لیګ کرکت سیالیو بشپړ مهالوېش:
- د سیالۍ مهالوېش
په سږني IPL کې رامنځته شوي بدلونونه:
سږ کال د هند کرکت بورد (BCCI) د IPL په قوانینو او بڼه کې بدلون رامنځته کړی دی.
- د هندوستان د کرکت بورد د غوره لیګ د شپاړسمې دورې د کورنۍ او بهرنۍ سیالۍ تنظیم کړي او لس لوبډلې یې پر دوه ګروپونو وېشلي، چې هر یو یې پېنځه لوبډلې لري. هره لوبډله به د لیګ په پړاو کې ۱۴ لوبې کوي، چې په کې ۷ کورنۍ او ۷ بهرنې لوبې په پام کې نیول شوي دي.
- سږنی لیګ به ۵۲ ورځې په ۱۲ بېلابېلو ځایونو کې ترسره شي
- او په سږني لیګ کې نور ټولیز بدلونونه راغلي دي
د سږ کال لیګ لوبډلې:
- د الف ګروپ لوبډلې: ممبي اندینز، راجستان رویالز، کلکته نایت رایدرز، دیلي کپیتلز او لکنو سوپر جاینتز.
- د ب ګروپ لوبډلې: ګجرات تایتانز، چینای سوپر کینګز، پنجاب کینګز، سانرایزرز حیدرآباد، رویال چلنجرز بنګلور
هغه افغان لوبغاړي، چې په سږني لیګ کې لوبیږي:
سږ کال به پېنځه افغان لوبغاړي په بېلابېلو لوبډلو کې ولوبېږي، چې نومونه یې دا دي:
- د کلکتې په نایت رایدرز لوبډلې کې رحمان الله ګربز
- په ګجرات تایانز لوبډله کې راشد خان او نور احمد
- په سانرایزرز حیدرآباد لوبډله کې فضل حق فاروقي
- په لکنو سوپر جاینتز لوبډله کې نوین الحق
د راپورونو له مخې، ټول افغان لوبغاړي هند ته رسېدلي دي.
لوبی
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
د افغانستان فوټبال اتلانو لیګ اووهدېرشمه لوبه د چارشنبې پر ورځ ( د غویی نولسمه ) د ابو مسلم فراه او عدالت فراه لوبډلو ترمنځ مساوي پای ته ورسېده.
په دې لوبه کې یوه لوبډله پر ګول وهنه بریالۍ نشوه.
له بلې خوا د نن ورځې په دوهیمه یا اتهدېرشمه لوبه کې میوند فوټبال لوبډلې د جوانان واحدي ته ۲ د صفر پر توپیر ماتې ورکړه.
د دغو لوبو په لړ کې به د پنجشنبې پر ورځ ( د غویی شلمه) موج ساحل او خدیم سرپل به د کابل پر وخت یوه بجه او اټک انرژي به له استقلال کابل له لوبډلې سره ۳:۳۰ بجې ولبیږي.
دا سیالۍ له آریانا ټلویزیون څخه پر ژوندۍ بڼه خپرې شي.
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
-
تازه خبرونه2 days ago
د پاکستان خاوره د افغانستان پر ضد کارول کیږي
-
نړۍ2 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه2 days ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ4 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه3 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
تازه خبرونه4 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
لوبی4 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ4 days ago
د غزې په جګړه کې مو د مصر او قطر د اوربند وړاندیز منلی – حماس