سوداگري
د افغانستان او ایران ترمنځ د دوه ګونه مالیاتو پر مخنیوی خبرې وشوې
د اسلامي امارت ماليې وزارت څرګنده کړې، چې د دوشنبې پر ورځ ( د وري یویشتمه) د دې وزارت اداري مرستیال د ایران اسلامي جمهوریت د سفارت له مرستیال غلام رضا نجاري سره په یاد وزارت کي ولیدل.
د مالیې وزارت په خبرپاڼه کې راغلي، چې په دې کتنه کي دواړو لوریو د افغانستان او ایران ترمنځ د مضاعفو مالیاتو د نه اخیستو، مالیاتي اسانتیاوو او د دواړو هېوادونو ترمنځ په ګمرکي بندرونو کي د اسانتیاوو د رامنځته کولو د تړون د لاسلیک په اړه بحث او د نظرونو تبادله وکړه.
په دې کتنه کې د ایران اسلامي جمهوریت د سفارت مرستیال غلام رضا نجاري ژمنه وکړه، چې هېواد به یې د مالیاتو په کمولو او د افغان سوداګرو لپاره د اسانتیاوو په رامنځته کولو کې همکاري کوي.
د مالیې وزارت اداري مرستیال مولوي حمدالله زاهد له افغان حکومت سره د ایران له همکاریو د مننې ترڅنګ ویلي؛ د افغانستان اسلامي امارت د ټولو هغو اسانتیاوو او حللارو څخه، چي دواړو لوریو ته د هوسایني لامل کېږي هرکلی او ملاتړ کوي.
د دغه وزارت ویاند عبدالسلام جواد رسنیو ته ویلي، چې د دواړو هېوادونو ترمنځ د سوداګرۍ ارزښت په کال کې یو میلیارد و ۵۰۰ زره دالرو ته رسېږي او په ۱۴۰۱ ل.ل کال کې ایران ته د افغانستان صادرات ۲۸ میلیون دالره و.
له ايران څخه افغانستان ته وارد شوي توکي زياتره تېل او مايع ګاز، د مېوو جوس، کرنيز او درمل دي.
تېره میاشت د افغانستان د صنایعو او سوداګرۍ وزیر نورالدین عزیزي ایران ته په خپل سفر کې د دواړو هېوادونو ترمنځ د سوداګرۍ د حجم د کال لس میلیارد دالرو ته د لوړولو غوښتنه وکړه.
دا په داسې حال کې ده، چې د افغانستان د صنایعو او سوداګرۍ وزارت ایران د افغانستان تر ټولو ستر سوداګریز شریک یاد کړی دی.
سوداگري
د هېواد د صنعت او سوداګرۍ وزارت چارسمبالي ایران ته سفر کړی
د افغانستان د صنایعو او سوداګرۍ وزارت ویاند نن ـ پنجشنبه د غویی دیارلسمه ويلي، چې د دغه وزارت چارسمبالی نورالدین عزیزي د یوه اقتصادي او سوداګریز پلاوي پر مشرۍ د ایران سیستان او بلوچستان ولایت ته تللی دی.
عبدالسلام جواد آخوندزاده وايي؛ د نورالدین عزیزي د سفر موخه د دواړو هېوادونو ترمنځ د اقتصادي همکاریو د بهیر اسانولو په غونډه کې ګډون او د سیستان ولایت پر محوریت د ایران او افغانستان ترمنځ د سوداګریزو او ټرانزیټي اړیکو پر پراختیا خبرې کول دي.
د افغانستان د صنایعو او سوداګرۍ وزارت د ویاند د څرګدونو له مخې؛ عزیزي له ایراني چارواکو سره د چابهار له لارې د ټرانزیټ د پیاوړتیا په اړه خبرې کړې دي.
جواد آخوندزاده ویلي؛ افغان پلاوي د ایران د سیستان او بلوچستان ولایت له چارواکو سره د چابهار له لارې د ټرانزیټ د پیاوړتیا په اړه خبرې کړي او څرګندوي؛ په دې برخه کې ننګونې شته، چې باید حل شي.
د صنايعو او سوداګرۍ وزارت وياند وايي، نورالدين عزيزي له ايراني چارواکو سره د بيو راټيټولو، په چابهار بندر کې د افغان سوداګرو لپاره د ځمکې پر ټاکلو، د مالونو د لېږد – رالېږد لپاره د امتيازي او ځانګړې لارې پر ټاکلو او د اوسپنې پټلۍ د اسانتياوو په اړه خبرې کړې دي.
جواد آخوندزاده زیاته کړې: په دې وروستيو کې دواړو لورو هوکړه وکړه، چې د دواړو هېوادونو ترمنځ د سوداګرۍ د پراختيا او د چابهار لارې د ټرانزيټ د پياوړتيا په موخه به د ولايتونو پر کچه يوه ګډه تخنيکي کمیټه جوړوي او مسايل به د مرکزي کمیټې له لوري تعقيبوي.
د خصوصي سکټور غړي وايي، چې په هېواد کې ورځ تربلي اقتصادي فعالیتونه د پراختیا په حال کې دي او دا سفر کولی شي افغان خصوصي سکټور ته د دې زمینه برابره کړي، چې له چابها ر بندر څخه افغان سوداګر صادارت ډېير کړي.
د افغانستان د کانونو ملي کمیټې رییس منصور احمدزي ویلي: مونږ د صنعت او سوداګرۍ وزارت د چارسمبالي دغه سفر د ایران او افغانستان ترمنځ د اقتصادي اړیکو د پراختیا لپاره مهم ګڼو او هیله لرو، چې له دې سره افغان صنعتکاران د چابهار له لارې صادارت پیل کړي.
ویل کیږي، چې په دې وروستيو کې دواړو لورو هوکړه وکړه، چې د سوداګرۍ د پراختيا او د چابهار له لارې د ټرانزيټ د پياوړتيا لپاره به د ولايتونو پر کچه ګډه تخنيکي کمیټه جوړه او مسايل به حل کوي.
سوداگري
ازبکستان قراردادهای صادراتی به ارزش ۴۴ میلیون دالر با افغانستان امضاء کرده است
ازبکستان قراردادهای صادراتی به ارزش ۴۴ میلیون دالر را با افغانستان امضا کرده است. رسانههای ازبکستانی گزارش داده اند که تاشکند با امضای قراردادهای صادراتی جدید، میخواهد قراردادهای تجاری و صادراتی بیشتری با افغانستان امضاء کند.
بر بنیاد این گزارش، این قراردادها در جریان سفر سه روزه تاجران افغان به تاشکند امضاء شدهاند.
اتاق تجارت و سرمایهگذاری ازبکستان گفته است، دو کشور همچنان در حال برنامهریزی برای تشکیل یک شورای تجارت مشترک اوزبیکستان-افغانستان اند که ۱۸ شرکت افغانی عضویت این شورا را خواهد داشت.
افغانستان در حال حاضر سالانه به ارزش ۷ میلیارد دالر کالا وارد میکند که بخش بزرگ آن از ازبکستان و یا از طریق ازبکستان وارد می شود.
درهمین حال، به باور آگاهان ظرفیتهای بیشتری برای افزایش همکاریهای تجارتی میان دو کشور وجود دارد.
پیشتر یک هیأت بلند پایه ازبکستان به رهبری وزارت خارجه آنکشور به کابل سفر کرده بود و در این سفر مقامهای بلند پایه دو کشور تعهد سپردند که همکاریها گسترش میدهند.
سوداگري
په کابل کې د افغانستان او قزاقستان سوداګریز کنفرانس او نندارتون جوړ شو
نن پنجشنبه ( د غویی شپږمه ) د افغانستان او قزاقستان چارواکو سوداګریز کنفرانس جوړ او د سوداکریز نندارتون پرانسته وکړه، چې په کې د سوداګریزو اړیکو پر پراختیا ټینګار څرګند شو.
د ریاست الوزرا قتصادي مرستیال د دې نندارتون د پرانستې په غونډه کې د افغانستان د امنیتي ټيکاو او په هېواد کې د پانګونې د زمینې د برابرلو ترڅنګ د سوداګرۍ د ټرنزیټي کچې پر وده او پراختیا هم خبرې وکړې.
د ریاست الوزرا اقتصادي مرستیال ویلي، چې د اسلامي امارت د اقتصاد محوره بهرني سیاست پر بنسټ توانیدلي، چې د سیمې هېوادونو او په ځانګړي توګه له منځنۍ آسیا سره سوداګریزې پراخې اړیکې جوړې کړي.
د سوداګرۍ وزارت څرګنده کړې؛ په ١٤٠٢ لمریز لېږدیز کال کې د افغانستان او قزاقستان ترمنځ د سوداګرۍ کچه نږدې ٢٧٠ ميليون ډالره وه.
د صنعت او سوداګرۍ وزارت چارسمبالي نورالدین عزیزي ویلي: د افغانستان او قزاقستان ترمنځ په سوداګرۍ کې د پام وړ زیاتوالي راغلي او د دغو نندارتونونو له جړیدا سره به د دواړو هېوادونو ترمنځ اقتصادي اړیکې نورې هم پراخي شي.
نورالدین عزیزي څرګنده کړې: د اسلامي امارت بهرنی سیاست خپلواک، متوازن او اقتصاد محوره دی، چې کولی شي افغان- قزاق نړیوال نندارتون ته ورته نندارتونونه جوړ کړي.
هغه زیاته کړې، دغه نندارتون د افغانستان او قزاقستان ترمنځ د اقتصادي او سیاسي اړیکو په پیاوړتیا کې ارزښتناک رول لوبولی شي.
له دې سره د قزاقستان د لومړي وزیر مرستیال هم ویلي، چې د افغانستان او قزاقستان ترمنځ سوداګریزې اړیکې پراخه شوې دي او د افغانستان له لارې یې له منځنۍ آسیا سره پر نښلېدا ټینګار کړی دی.
د قزاقستان د لومړي وزیر مرستیال، چې د یو پلاوي پر مشرۍ کابل ته راغلی د افغانستان او قزاقستان د سوداګریزو اړیکو پر پراختیا یې ټينګار کړی او وایي؛ د دواړو هېوادونو ترمنځ د سوداګريزو، ټرانزيټي او اقتصادي اړيکو د پراختیا لپاره پر شته ظرفیتونو باید کار وشي، چې د افغانستان له لارې منځۍ آسیا له جنوبي آسیا سره ونښلول شي.
د قزاقستان د لومړي وزیر مرستیال سیریک ژومنګارین ویلي: پر بنسټيزې پروژو په ځانګړي توګه د افغانستان د اورګاډي پټلۍ د پراختیا او همداراز په اقتصادي ډګرونو کې پر شته ظرفیتونو باید کار وشي، چې د دواړو هېوادونو ترمنځ د اقتصادي او سوداګریزو اړیکو د پراختیا لپاره زمینه برابره شي.
ملګري ملتونه هم وايي، چې د منځنۍ آسیا هېوادونه د افغانستان په اقتصادي وده کې اساسي رول لوبولی شي.
په افغانستان کې د ملګرو ملتونو ځانکړې استازې روزا اوتونبایوا ویلي؛ د افغانستان په اقتصادي پراختیا کې خصوصي سکټور د باثباته اقتصاد په رامنځ ته کولو کې مهم رول لري، چې په وروستیو دوه کلونو کې دوی په ځانګړي ټوګه د ټرانزیټي، بانکي او نړیوال مارکیټ ته دلاس رسي په برخو کې ستونزې لرلې، چې په دې برخه کې ترې ملګرو ملتونو خپله همکارۍ نده سپمولې.
ویل کیږي، چې د افغانستان او قزاقستان ترمنځ د دې سوداګریز کنفرانس په دوه ورځني نندارتون کې د دواړو هېوادونو خصوصي سکټورنو له لوري په ۸۰ غرفو کې بېلابېل تولیدات نندارې ته وړاندې کړي دي.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
سیمه ییز خبرونه5 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه4 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی4 days ago
اټک انرژي او موج ساحل د دوشنبې د ورځې لوبې وګټلې
-
نړۍ4 days ago
د امریکا بهرنیو چارو وزیر د غزې او اسرائیلو د اړیکو عادي کولو لپاره سعودي عربستان ته رسېدلی
-
تازه خبرونه5 days ago
د تېرو ۴ ورځو بارانونو له کبله ۸ کسان مړه شوي