تازه خبرونه
په کابل کې د دیني عالمانو او مخورینو لویه غونډه تر سره شوه
د چارشنبې پر ورځ ( د وږي ۸) د لویې جرګې په تالار کې د کابل ولایت دیني عالمانو او مخورینو د اسلامي امارت د لوړ پوړیو چارواکو پر ګډون له اسلامي نظامه د ملاتړ لویه غونډه جوړه شوه.
په دې کتنه کې د بهرنيو چارو وزارت سرپرست اميرخان متقي د اسلامي امارت مخالفانو ته وويل، چې له تېر تاریخه دې عبرت واخلي؛ ځکه د ده د څرګندونو له مخې د هېواد له دښمنانو سره يوځاى کېدل او له هغوى څخه مرسته غوښتل د هيچا پر ګټه نه دي.
امیر خان متقي ویلي: مونږ باید له تاریخ څخه زدهکړو، چې بهرنیان زمونږ وطن نه جوړوي، اشغالګر زموږ وطن نه جوړوي.
د ریاست الوزرا اداري مرستیال عبدالسلام حنفي وايي: د ریاست الوزرا اداري مرستيال عبدالسلام حنفي نن په کابل کې د دیني عالمانو او مخورینو په یوه لویه غونډه کې ویلي: د دولت له ٧٠ سلنې ډېره بودجه او لګښتونه د بهرنيانو لهخوا ورکول کېدل. (الحمدلله) د افغانستان اسلامي امارت لخوا د اشغال له پای ته رسیدو وروسته ټول دولتي ارګانونه له سره منظم شول. د ادارو تشکیلات دومره خراب ول، چې د اړتیا له کبله نه، بلکې د شخصي ګټو یا ګوندي ګټو په خاطر جوړه شوي وه.
د کورنیو چارو وزارت سرپرست، چې په دې غونډه کې یې هم ګډون کړی و، ویلي: که رښتیا فکر وکړو افغانستان ۴۳ کاله یا نیمه پېړۍ په بحراني او جهادي حالاتو کې تېر کړل. مونږ اوس په دې فکر کې یوو، چې په یوه ورځ کې اختر ونمانځو. اختر په یوه ورځ کې نمانځل کېدی نهشي… د جګړې او جهاد کار اسانه و؛ غمونه ورسره تړلي وي؛ خو ابادي ډېر زغم او لوی تعامل ته اړتیا لري.
هغه زیاته کړې؛ د اسلامي امارت له جوړېدو وروسته په هېواد کې تاوتریخوالی کم شوی او په ټول افغانستان کې یوه رهبري ده. سراج الدین حقاني د شته نظام د بقا لپاره د یووالي ټینګښت مهم وباله.
د کابل ولایت د علماوو شورا رییس دین محمد هم ویلي: زه له تاسې څخه یو عهد اخلم، چې له خپلو مشرانو سره مخلص شوو او که څوک د هغوی پر وړاندې بغاوت وکړي، ایا مونږ ټول یې مقابلې ته چمتو یوو که نه؟ مونږ به له دغه نظامه پر ځان او مال دفاع کوو.
د کابل ښار د دولسمې ناحیې د علماوو د سرتاسري شورا رئیس سلطان احمد عادل څرګنده کړه: علمای کرام او مخورین له اسلامي امارته غواړي، چې د اسلامي شریعت، خپلواکۍ، د افغانستان وقار او ملي ګټو له په نظر کې نیولو سره د اوسني عصر غوښتنو ته پر کتو له نړۍ سره لازم تعامل تر سره او له نړيوالې ټولنې غواړي، چې د افغانستان له واکمن نظام سره مسوولانه چلند وکړي او د حقايقو په پام کې له نيولو سره د افغانستان له واکمن نظام سره تعامل وکړي.
په دې غونډه کې د کابل ولایت علماوو شورا یو ۱۲ مادهییز پرېکړه لیک وړاندې کړ او له اسلامي نظام څخه یې د خلکو ملاتړ اړین وباله او له اسلامي امارته یې وغوښتل، چې د ملي او اسلامي ګټو په چوکاټ کې له نړیوالو سره تعامل وکړي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه