تازه خبرونه
د امریکا ملګري د هرات له زلزله ځپلیو سره بېړنیو مرستو ته چمتوالی لري – انتوني بلینکن
د امريکا بهرنيو چارو وزير انتوني بلينکن څرګنده کړې؛ امريکا د افغانستان په شمال لویديځ کې د شنبې د ورځې د زلزلې اغېزې پوره څاري او امريکايي مرستندويه ادارې ورسره د مرستې په حال کې دي.
نوموړي په ایکس پاڼه کې لیکلي؛ زمونږ بشردوستانه همکاران د افغانستان د خلکو په ملاتړ کې بېړنیو مرستو ته پوره چمتووالی لري.
بلجیم هم ویلي، چې دوی وضعیت له نږدې څاري.
د بلجیم د بهرنیو چارو وزیرې هاجا لحبیب په ایکس پاڼه کې لیکلي؛ د افغانستان له لویدیځ څخه خپاره شوي بد خبرونه به د دې هېواد بشري وضعیت نور هم خراب کړي. زمونږ پام د دې غمجنې زلزلې د قربانیانو کورنیو او خپلوانو ته اوښتی دی.
د افغانستان لپاره د امریکا ځانګړي استازي توماس ویست هم د هرات زلزله ځپلیو ته خپله خواخوږي وړاندې کړې ده.
توماس ویست په ایکس پاڼه کې څرګنده کړې؛ زمونږ پام او دعا ټولو هغو کورنیو ته اوښتې، چې په افغانستان کې د پرونۍ (شنبې) ویجاړونکې زلزلې له مبله اغېزمن شوي دي.
د اسلامي هېوادونو د همکارۍ ټولنې (OIC) عمومي منشي حسین ابراهیم طه هم د افغانستان خلکو ته د خپلې ژورې خواخوږۍ مراتب وړاندې کړي دي.
دغه راز د ایران د بهرنیو چارو وزیر حسین امیر عبداللهیان د بهرنیو چارو له وزیر امیر خان متقي سره پر یو لړ مسایلو تیلیفوني خبرې کړې دي.
د افغانستان د بهرنیو چارو وزارت ويلي، عبداللهیان د خبرو پر مهال د هرات ولایت د زلزلې قربانیانو ته خپله خواخوږي وړاندې کړې ده.
حسین امیر عبداللهیان همکارۍ ته چمتووالی ښودلی او له قربانیانو سره یې د بشري مرستو ژمنه کړې ده.
امیر خان متقي د ایران د بهرنیو چارو له وزیر څخه د مننې تر څنګ خپل ایراني سیال ته د رامنځته شویو زیانونو او د زلزله ځپلیو خلکو د اړتیاوو په اړه معلومات ورکړل.
د دغه وزارت په خبرپاڼه کې راغلي: دواړو سیالانو د دواړو هېوادونو ترمنځ د سیاسي او اقتصادي اړیکو او همکاریو پر پراختیا او پیاوړتیا هم ټینګار څرګند کړ.
د یادونې ده، چې د شنبې پر ورځ په هرات کې د رښتر پر کچه د ۶ اعشاریه ۳ درجو دوه زلزلو او بیا د ۵ اعشاریه ۹ درجې سختو زلزلو له کبله له ۲۴۰۰ ډېر کسان مړه شوي، ۱۰ زره کسان ټپیان شوي او زرګونه نور بې کوره شوي دي.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه1 day ago
الله ګل مجاهد د قتل پر تور ونیول شو
-
سوداگري4 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی4 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ5 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
تازه خبرونه1 day ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه4 days ago
سعودي عربستان ته د افغان حاجیانو د لېږد بهیر پیل شو
-
سوداگري1 day ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه