تازه خبرونه
پاکستان دې د افغانانو د ایستلو لړۍ ودروي – د ملګرو ملتونو د بشري حقونو دفتر
د نومبر د لومړۍ نېټې له نږدې کېدو سره د ملګرو ملتونو د بشري حقونو عالي کمیشنرۍ دفتر د جمعې پر ورځ د پاکستان له حکومته غوښتي، چې د بشري حقونو له ناورین څخه د مخنیوي لپاره دې د افغانانو پر زوره ایستل او شړل وځنډوي.
د دې بنسټ ویاندې راوینا شمداساني په یوه اعلامیه کې څرګنده کړې: مونږ له دوی غواړو، چې اړو خلکو ته دې خوندیتوب روان وساتي، چې باعزته او داوطلبانه ستانه شي او له نړیوال قانون سره په بشپړ ډول مطابقت ولري.
هغې زیاته کړې: مونږ باور لرو ډېري هغه کسان، چې له ایستلو او شړلو سره مخ دي که بېرته افغانستان ته ستانه شي د بشري حقونو د سرغړونو له جدي خطر( خپلسري نیولو، ځورولو، ظالمانه او نورو نا انساني چلند) سره مخ کیږي.
هغې ویلي؛ مونږ د پاکستان دې اعلان ډېر اندېښمن کړي یوو، چې دوی غواړي د نومبر له لومړۍ نېټې وروسته بې اسناده بهرني اتباع وباسي؛ نو پر دې پرېکړې به له یو اعشاریه څلور میلیون ډېر بې اسناده افغانان اغېزمن کړي، چې په پاکستان کې پاتې دي.
په پاکستان کې له دوه میلیون دېر بې اسناده افغانان ژوند کوي، چې لږ تر لږه ۶۰۰۰۰۰ یې د ۲۰۲۱ ز. کال په اګست میاشت کې د افغانستان اسلامي امارت له واکمنۍ وروسته له افغانستان څخه وتلي دي.
هغه کسان، چې له خطر سره مخ دي؛ مدني فعالان، خبریالان یا د بشري حقونو مدافعین، پخواني حکومتي چارواکي او د امنیتي ځواکونو غړي او البته په ټوله کې ښځې او نجونې دي، چې په افغانستان کې له ګواښ سره مخ دي.
د ملګرو ملتونو د کډوالو ادارې او د مهاجرت نړیوالې ټولنې د اکتوبر د درېیمې نېټې له اعلان راپدیخوا افغانستان ته د راستنیدونکیو په شمېر کې د پام وړ زیاتوالی ثبت کړی دی. د کډوالو په چارو کې د ملګرو ملتونو د عالي کمیشنرۍ او مهاجرت نړیوالې ټولنې وروستی راپور ښيي، چې د اکتوبر تر ۱۵ مې نېټې پورې له پاکستان څخه د ستانه شویو افغانانو شمېر ۵۹۷۸۰ کسانو ته رسېږي، چې ۷۸ سلنه راستنیدونکیو له پاکستان څخه د وتلو لامل د نیول کیدو وېره یاده کړې ده.
د ملګرو ملتونو د بشري چارو د همغږۍ د دفتر د معلوماتو له مخې؛ اوسمهال په افغانستان کې شاوخوا ۳۰ میلیون خلک مرستو ته اړتیا لري او ۳.۳ میلیون نور په کور دننه بې ځایه شوي دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه