تازه خبرونه
ملګري ملتونه په نږدې راتلونکي کې د افغانستان په اړه یوه بله نړیواله غونډه جوړوي
په کابل کې د ملګرو ملتونو د دفتر سیاسي مرستیال ویلي؛ په نږدې راتلونکي کې به د دې ټولنې پر نوښت د افغانستان په اړه یو نړیوال کنفرانس جوړ شي، چې اسلامي امارت به یې اړینه برخه وي.
سکات سمیت دغه موضوع په کابل کې د ریاست الوزراء د سیاسي مرستیالۍ د دفتر له عمومي رییس مولوي ذاکر سره په کتنه کې راپورته کړې؛ خو هغه د دې غونډې ځای او وخت په ډاګه کړی نهدی.
د ریاست الوزراء د سیاسي دفتر د مطبوعاتي څانګې مسوول حسن حقیار په دې اړه ويلي: د یوناما استازي ډاډ څرګند کړ، چې ډېر ژر به د افغانستان په اړه یو لوی نړیوال کنفرانس جوړ شي، چې له ۲۰ ډېر هېوادونه او نومیالي کسان به په کې ګډون وکړي او مونږ به هڅه وکړو، چې امارت هم ورته راوبلل شي.
د اسلامي امارت ویاند ويلي، چې دوی ته تر اوسه بلنه نهده رارسیدلې او کله، چې ورته بلنه ورکړ شي؛ بیا به د ملګرو ملتونو د عمومي منشي انتونیو ګوترش پر مشرۍ د افغانستان په اړه د هېوادونو د ملتونو د استازیو په دوهیمه غونډه کې به ګډون وکړي.
د اسلامي امارت ویاند ذبیح الله مجاهد وايي: که د افغانستان اسلامي امارت ته بلنه ورکړ شي، طبعاً په کې ګډون کوي؛ خو داسې نهءښکاري؛ ځکه، چې د ملګرو ملتونو لهخوا د رسمیت پېژندلو موضوع اوس هم پاتې ده او د افغانستان څوکۍ هم نهده سپارل شوې.
په راتلونکې غونډه کې به د افغانستان په چارو کې د ملګرو ملتونو د عمومي منشي د ځانګړي همغږي کوونکي راپور هم وڅېړل شي او په اړه به یې د نظر تبادله وشي.
فریدون سینیرلي اوغلو د افغانستان په اړه راپور چمتو کړی او د افغانستان په چارو کې یې د هېوادونو استازیو ته وړاندې کړی دی.
په دې اړه پوهانو ويلي، چې په لویو غونډو کې د افغان استازیو حضور اړین او ضروري دی.
د حزب اسلامي د رهبرۍ شورا غړي کریم امین ويلي: دا غونډې د افغانستان له اوسني بحران څخه د وتلو لپاره دي. د دې ناستو په دوهیم پړاو کې د طالبانو د اسلامي امارت د تنظیم د پلاوي نشتوالی به بې له شکه مثبت نه وي. له همدې کبله په هغو غونډو کې د طالبانو د پلاوي شتون یوه اړینه او پرېکنده مسله ده، چې د حل لار ورته پیدا کیږي او د افغانستان کړکیچ به په کې تر بحث لاندې ونیول شي.
انتونیو ګوترش د دې غونډې لومړی پړاو د قطر په پلازمېنه دوحه کې د تړلو دروازو تر شا ترسره کړ. په داسې حال کې، چې د اسلامي امارت یو شمېر نور چارواکي بیا وايي؛ د افغانستان په اړه غونډې هغه مهال مثبتې پایلې لرلی شي، چې د اسلامي امارت استازی په کې وي او له قید، شرطه او فشار پرته وي.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
تازه خبرونه1 day ago
په بغلان کې سېلابونو ۱۹۴۵ کسانو ته مرګ او ژوبله اړولې
-
نړۍ5 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه1 day ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه