د افغانستان کرکټ ملي لوبډلې لوبډلمشر ابراهیم ځدراڼ ويلي، لوبغاړي یې له هند سره راتلونکو لوبو ته چمتو دي او په بېلابېلو نړیوالو سیالیو کې د هغوی تجربه به د شل‌آوریزو لوبو پیاوړې برخه وي.

ابراهیم ځدراڼ له هند سره د شل‌آوریزو لوبو له پیل مخکې خبري غونډې ته ویلي، چې د لوبډلې ډېری لوبغاړي په وروستیو میاشتو کې له بېلابېلو سیالیو برخمن ول او له ښه لوبیز چمتووالی او تجربه لري.

نوموړي زیاته کړې، شل‌‌آوریزه بڼه د افغانستان د لوبغاړو لپاره له غوره بڼو څخه ده؛ ځکه هغوی په بېلابېلو نړیوالو سیالیو کې لوبېدلي او له بېلابېلو مهمو سیالیو څخه یې د تجربې ترلاسه کولو ډېر فرصتونه لرلي دي.

د افغانستان لوبډلمشر ویلي:« زمونږ لوبغاړي چمتو دي او په دې بڼه کې ښه وړتیا لري. هغوی په لیګونو او نړیوالو سیالیو کې د لوبېدا ډېره تجربه لري او ډاډه یم، چې د خپل هېواد لپاره به ښې لوبې وکړي.»

ځدراڼ زیاته کړې،  افغانستان تر اوسه په شل‌آاوریزو سیالیو کې هند ته ماتې نه‌ده ورکړې؛ خو لوبډله یې هڅه کوي، چې دا ځل فشار راکم او پر خپلو وړتیاوو داوڅرخیږي او خپله غوره لوبه نندارې ته وړاندې کړي.

نوموړي ویلي؛ د افغانستان موخه دا ده، چې لوبې د ځان لپاره ستونزمنې نه‌کړي او د تېرو پایلو پر ځای پر خپلو شته وړتیاوو ټینګار وکړي.

د افغانستان کرکټ ملي لوبډلې لوبډلمشر له هند میشتو افغان مینه‌والو هم غوښتي، چې د ملي لوبډلې د ملاتړ لپاره د سیالیو نندارې ته ورشي.

هغه ویلي، د مینه‌والو حضور او هڅونه لوبغاړو ته ډېره انرژي ورکوي او ملي لوبډله به په دې سیالیو کې د خپلو هېوادوالو له ملاتړ څخه ډېره خوشحاله شي.

افغانستان هیله لري، چې په نړیوالو لیګونو کې د خپلو لوبغاړو پر تجربه او د مینه‌والو پر پراخ ملاتړ پر تکیه کولو د هند پر وړاندې پیاوړې لوبه وکړي او په دې بڼه کې د لومړي ځل لپاره دې لوبډلې ته ماتې ورکړي.

نن شنبه د افغانستان اتلانو لیګ د شپږم پړاو په څلورمه لوبه کې سرخ‌پوشان خوافي عینو مینې ته ۳ – ۰ ماتې ورکړه.

یارمحمد ذکرخېل د سرخ‌پوشان خوافي لپاره لومړی ګول وواهه او دوه نور ګولونه هم د عینو مینې دروازې ته دننه شول.

د دې سیالیو په پېنځمه لوبه کې آرمان اف‌سي او آریانا خوست سره مخ شول، چې لومړۍ نیمایي یې ۱-۱ مساوي پای ته ورسېده.

مک‌ډونالډ نیبا د آرمان اف‌سي لپاره یوازنی ګول وواهه او د آریانا خوست دروازه یې پرانیسته.

آریانا خوست په دوه‌یمه نیمایي کې دوه نور ګولونه ووهل او په پای کې یې لوبه ۳ – ۱ وګټله.

د آریانا خوست لپاره جواد الکوزي، آرش احمدي او حبیب‌الله هوتک ګولونه ووهل.

د افغانستان د اتلانو لیګ شپږم پړاو سیالۍ به دوشنبه د دوه نورو لوبو پر ترسره کېدا سره پیل شي:

ابومسلم فراه – استقلال کابل | د ماسپښین ۳:۳۰

عمر ځواک – سرسبز یاشلر | د شپې ۷ بجې

آریانا ټلویزیون به دواړه لوبې پر ژوندۍ او ځانګړې توګه خپرې کړي او د فوټبال مینه‌وال کولی شي دغه سیالۍ پر ژوندۍ بڼه وګوري.

د افغانستان اتلانو لیګ د تېر پړاو اتل ابومسلم فراه د دې لیګ د شپږم پړاو په لومړۍ لوبه کې سرسبز یاشلر فاریاب ته ۳ – ۰ ماتې ورکړه.

د سیالیو په پرانیستونکې لوبه کې، چې د پنجشنبې ماښام د افغانستان فوټبال فډراسیون په لوبغالي کې ترسره شوه، ابومسلم فراه غوره لوبه وکړه او درې ځله یې د سیالې لوبډلې دروازه پرانیسته.

امید پوپلزي په لومړۍ نیمایي کې د ابومسلم فراه لپاره لومړی ګول وواهه او محبوب حنفي او امید رجبی په دوه‌یمه نیمایي کې دوه نور ګولونه هم ووهل.

د افغانستان د اتلانو لیګ شپږم پړاو د لس لوبډلو په ګډون ترسره کیږي او د دې سیالیو لوبې به په کابل کې د میلمه او کوربع پر  بڼه ترسره شي.

د سیالیو په دوام کې، نن جمعه عمر ځواک او خراسان فاریاب د ماسپښین ۳:۳۰  مخ کیږي او په درېیمه لوبه کې استقلال کابل له طوفان هرات سره لوبه کوي.

آریانا خوست او عمر ځواک لوی شینډنډ هم د افغانستان د اتلانو لیګ د دې پړاو نوې لوبډلې دي.

د نن ورځې دوه‌یمه او درېیمه لوبه به پر ژوندۍ او ځانګړې توګه له آریانا ټلویزیون څخه خپریږي.

د افغانستان اتلانو لیګ شپږم پړاو به د لړم تر دېرشمې روانې وي او لوبډلې به د اتلولۍ ګټلو لپاره له یو بل سره سیالي کوي.