تازه خبرونه
Afghanistan to attend Tehran ECO summit after exclusion from Islamabad meeting
The delegation would represent the Islamic Emirate of Afghanistan at the summit, scheduled for December 3 and 4.
Afghanistan will participate in the upcoming 18th summit of the Economic Cooperation Organization (ECO) in Tehran, with Foreign Minister Amir Khan Muttaqi leading the delegation, the Ministry of Foreign Affairs has announced.
Hafiz Zia Ahmad Takal, head of the ministry’s Information and Public Relations Department, said the delegation would represent the Islamic Emirate of Afghanistan at the summit, scheduled for December 3 and 4. The meeting is expected to bring together leaders and senior officials from ECO member states to discuss regional cooperation.
The announcement follows Afghanistan’s exclusion from the 30th meeting of the ECO Council of Foreign Ministers, hosted by Pakistan in Islamabad on November 15 and 16, despite Afghanistan being a member of the regional organisation.
Pakistan’s Foreign Office said Kabul was not invited because Islamabad does not recognise the current Afghan administration. Pakistani officials also claimed that Afghanistan’s membership had been suspended by the ECO Secretariat.
The decision prompted criticism from Afghan officials, who argued that political differences should not prevent Afghanistan from participating in regional economic initiatives and cooperation.
Afghanistan’s attendance at the Tehran summit is expected to provide an opportunity for Kabul to re-engage with regional partners on issues including trade, economic development, transport connectivity and regional cooperation.
تازه خبرونه
افغانستان او ټانزانیا د کانونو او سوداګرۍ په برخو کې د همکاریو پر پراختیا ټینګار وکړ
د صنعت او سوداګرۍ وزارت ويلي، چې دا لیدنه د ټانزانیا د پانګونې د اووم کنفرانس په څنډه کې شوې او دواړو لوریو د پانګونې پر فرصتونو، د دوهاړخیزې سوداګرۍ پر پراختیا او د کانونو په برخه کې د تجربو پر تبادلې خبرې کړې دي.
د افغانستان د صنعت او سوداګرۍ وزیر نورالدین عزیزي د ټانزانیا د متحد جمهوریت د کانونو له وزیر انټوني ماوینډ سره په لیدنه کې د کانیزو محصولاتو د پروسس او صادراتو په برخو کې د دوهاړخیزو همکاریو پر پراختیا ټینګار کړی دی.
د صنعت او سوداګرۍ وزارت ويلي، چې دا لیدنه د ټانزانیا د پانګونې د اووم کنفرانس په څنډه کې شوې او دواړو لوریو د پانګونې پر فرصتونو، د دوهاړخیزې سوداګرۍ پر پراختیا او د کانونو په برخه کې د تجربو پر تبادلې خبرې کړې دي.
د یاد وزارت د څرګندونو له مخې، نورالدین عزیزي د افغانستان پراخ کانیز ظرفیت ته پر نغوته په هېواد کې دننه د کانیزو توکو پر پروسس ټینګار کړی او څرګندوي، چې دا تګلاره د کاري فرصتونو پر رامنځته کولو او د لوړ ارزښت لرونکو کانیزو محصولاتو د صادراتو زمینه برابروي.
د نادرو او ارزښتناکو منرالونو د صادراتو پر مدیریت هم په دې لیدنه کې خبرې شوې دي.
همدارنګه، دواړو لوریو ټانزانیا ته د افغانستان د کرنیزو محصولاتو او غالیو پر صادراتو او په کابل او ټانزانیا کې د سوداګریزو نندارتونونو پر جوړولو خبرې کړي او د دغو موضوعاتو د تعقیبولو هوکړه یې کړې ده.
تازه خبرونه
سویډن د افغانستان د پخواني سفیر د پناه غوښتنه رد کړه؛ امریکا ته یې د لېږلو هڅه کوي
۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو لهخوا صادر شوي رسمي اسنادو د نهپېژنې اعلان وکړ؛ نوموړي خپله ډیپلوماټیکه دنده له لاسه ورکړه.
د فرانسې« لومونډ» ورځپاڼې راپور ورکړی، چې سویډن په دې هېواد کې د افغانستان د پخواني سفیر عباس نویان د پناه غوښتنه رد کړې او غواړي هغه امریکا ته ولېږدوي.
۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو لهخوا صادر شوي رسمي اسنادو د نهپېژنې اعلان وکړ؛ نوموړي خپله ډیپلوماټیکه دنده له لاسه ورکړه.
د« لومونډ» د راپور له مخې، نویان اوس له معتبر اقامتي اسنادو پرته له خپلې مېرمنې سره د سویډن په جنوبي ښار هلسینګبورګ کې ژوند کوي او د ایستلو له ګواښ سره مخ دی.
نویان په سویډن کې د افغانستان د سفیر له ټاکل کېدا مخکې له ۲۰۰۵ز.کال څخه تر ۲۰۱۰ ز.کال پورې په کابل کې د افغانستان د پارلمان د غړي دنده ترسره کړې وه.
نوموړی له پارلماني دندې مخکې په امریکا کې هم اوسېدلی دی.
#آریانانیوز #افغانستان #سویډن #عباسنویان #پناهغوښتنه #امریکا
تازه خبرونه
افغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف
افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.
افغانان نن( پنجشنبه د لړم اتهویشتمه / د نومبر نولسمه) په ملګرو ملتونو کې د خپل رسمي غړیتوب اتیایمه کلیزه نمانځي. افغانستان په ۱۹۴۶ز. کال کې د ملګرو ملتونو غړی شوی دی.
افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.
په تېرو اتیا کلونو کې افغانستان له پراخو سیاسي بدلونونو سره-سره خپل غړیتوب ساتلی؛ خو په ملګرو ملتونو کې د افغانستان د استازولۍ د څوکۍ پر سر اوس هم اختلاف روان پاتې دی.
په دې اته لسیزو کې افغانستان له پراخو سیاسي بدلونونو سره ـ سره په ملګرو ملتونو کې له شاهي نظام له پای ته رسېدا او د شوروي اتحاد له یرغل څخه نیولې تر کورنیو جګړو، د اسلامي امارت د دوه پېره واکمنۍ او د ۲۰۲۱ز.کال د اګست پر مهال د جمهوري نظام تر سقوط پورې خپل غړیتوب ساتلی دی.
په دې موده کې افغان ډیپلوماټانو د سولې، امنیت، پراختیا او بشري حقونو په اړه په نړیوالو ناستو او خبرو کې ونډه اخیستې ده. په دې لړ کې عبدالرحمن پژواک له ۱۹۵۸ز.کال څخه تر ۱۹۷۹ز.کال پورې په ملګرو ملتونو کې د افغانستان دایمي استازی و او په ۱۹۶۶ز. کال کې د دې ټولنې د عمومي غونډې د یوویشتمې غونډې د مشر په توګه وټاکل شو. همدارنګه عادله راز په ۲۰۱۹ز.کال کې د افغانستان لومړنۍ ښځینه دایمي استازې شوه. ثریا دلیل هم له ۲۰۱۵ څخه تر ۲۰۱۹ز. کال پورې په ژنیو کې د افغانستان دایمي استازې وه.
د ۲۰۲۱ز.کال د اګست له سیاسي بدلونونو وروسته په ملګرو ملتونو کې د افغانستان د استازولۍ موضوع نوي پړاو ته دننه شوه؛ غلاممحمد اسحاقزي، چې هغه مهال د افغانستان دایمي استازی و د جمهوري نظام له سقوط وروسته په لومړیو میاشتو کې پر خپله دنده پاتې و او وروسته نصیراحمد فایق د ۲۰۲۱ز.کال په ډسمبر کې د افغانستان د استازولۍ چارسمبالي شو. په ژنیو کې هم نصیراحمد اندیشه د افغانستان پر استازیتوب خپلې هڅې روانې ساتلې دي.
اسلامي امارت په ملګرو ملتونو کې د افغانستان څوکۍ خپل استازي ته د سپارلو غوښتنه وکړه؛ خو د ملګرو ملتونو د عمومي غونډې د اعتبارلیکونو کمیټې تر اوسه د سیالو اعتبارلیکونو په اړه وروستۍ پرېکړه نهده کړې او د تېر حکومت لهخوا معرفي شوي استازي اوس هم د افغانستان د استازولۍ په څوکۍ کې پاتې دي.
دغه راز په ملګرو ملتونو کې د افغانستان د رایې حق له ۲۰۲۴ز.کال راپدېخوا د کلني غړیتوب د فیس د نهورکړې له کبله ځنډول شوی دی. د افغانستان اوسنۍ استازولۍ د اسلامي امارت مالي سرچینو ته لاسرسی نهلري او د دغه هېواد د غړیتوب د پاتې پورونو ورکړه هم نهده حل شوې.
ملګري ملتونه او د هغوی اړوند بنسټونه هم د افغانستان په بېلابېلو برخو کې فعالیت کوي.
دغه بنسټونه د بشري مرستو، روغتیا، زدهکړو، پراختیا، بشري حقونو او د نړیوالو مرستو د همغږۍ په برخو کې کار کوي. په افغانستان کې د ملګرو ملتونو د مرستندویه پلاوي( یوناما) ماموریت په ۲۰۰۲ز.کال کې رامنځته شو او اوس هم د سیاسي تعامل، د بشري حقونو د وضعیت د څارنې او له نړیوالو شریکانو سره د همغږۍ په برخو کې فعالیت کوي.
په ملګرو ملتونو کې د افغانستان د غړیتوب له ۸۰ کلونو تېرېدا سره – سره اوس هم افغانستان د دې ټولنې غړی دی؛ خو د اوسني حکومت د استازولۍ او په عمومي غونډه کې د افغانستان د رایې حق موضوعات له هغو ناحل شویو ننګونو څخه دي، چې د افغانستان او دې نړیوال بنسټ ترمنځ په اړیکو کې پاتې دي.
#آریانانیوز #افغانستان #ملګريملتونه #غړیتوب #یوناما #اسلاميامارت #استازولي #بشريحقونه
-
تازه خبرونه3 days agoڅلور سمنګاني ځوانان د کډوالۍ پر لارې له مړینې وروسته خاورو ته وسپارل شول
-
لوبی4 days agoآریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
-
سیمه ییز خبرونه4 days agoد ایران پر پوځي تاسیساتو امریکا او پر خلیجي هېوادونو ایران بریدونه کړي
-
تازه خبرونه5 days agoد اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
-
ساینس او ټیکنالوژي3 days agoشمالي کوریا د خپلې لومړنۍ چټباټ مصنوعي ځیرکتیا مخکتنه وکړه
-
نړۍ3 days agoتر ۲۰۳۵ز.کال پورې به د مسلمانانو شمېر له عیسویانو ډېر شي – «پیو» مرکز
-
تازه خبرونه4 days agoبېځایه کېدا افغان ماشومان نور هم وږي او زیانمن کړل – د ماشومانو د ژغورنې نړیواله اداره
-
تازه خبرونه3 days agoافغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف
