تازه خبرونه
د احمد شاه مسعود د تلین پر هوایي ډزو او ځانمرګي برید کې ۴۵ کسانو ته مرګ و ژوبله اوښتې
![](https://www.ariananews.af/wp-content/uploads/2018/09/41282566_1937310369686640_7250115674247266304_n.jpg)
چارواکو ویلي، چې د احمد شاه مسعود د ۱۷ تلین په مناسبت ښار ته د راوتلیو کسانو د ناتاره هوایي ډزو پر لامل ۱۳ کسان ټپیان شوي او دغه راز ځانمرګي ۳۲ کسانو ته مرګ و ژوبله اړولې؛ خو پولیسو ۱۰۰ ناقانونه وسلوال نیولي دي.
د سنبلې اتلسمه په قانون کې د شهید اوونۍ بلل شوې، چې په دولتي او نادولتي کچه یې لمانځنه کیږي؛ خو پر دغه ورځ یو شمېر کسان د موټرو کاروانونه جوړوي او کابل ښار ته راننوځي او هرې خوا ته ناتاره هوایي ډزې کوي، چې په دې توګه په ښاریانو کې وېره او ترهه رامنځته کیږي.
د عامې روغتیا وزارت سرچینې وايي، چې په هوایي ډزو کې ۱۳ کسان ټپیان شوي دي.
راوتلیو کسانو د احمد شاه مسعود د بنسټ هغه غوښتنې ته هم پاملرنه ونکړه، چې ډزې ونکړي، خلکو ته ضرر ونه رسوي او د وینو بانکونو ته خپله وینه ورکړي.
د کابل ښار اوسیدونکی ارسلان قیومي پرهغو کسانو هم نیوکې کوي، چې د شهید د اوونۍ او احمد شاه مسعود د تلین پر پلمه ښار ته راوځي او پخپلو ډزو ښاري نظم له منځه وړي.
د کابل ښار یو بل اوسیدونکی شاداب هاشمي وایي، د موترو د دغه کاروان فعلان برچې، چاقوان او بېلابېل جنګي وسایل لیږدوي او په دې توګه په خلکو کې وېره او ترهه خپروي.
د احمد شاه مسعود د فکر ځينې پلویان هم وايي، چې په دغه ورځ باید خلکو ته ستونزې جوړې نشي او له بیځایه ډزو دې ډډه وشي.
اجرائیه رييس عبدالله عبدالله وایي، چې د وېرې او ترهې رامنځته کول د ملي اتل احمد شاه مسعود غوښتنه نده او دغه کار یې د مسعود بیا ترورول وګڼل.
پخواني ولسمشر حامد کرزي د احمد شاه مسعود له دغو پلویانو وغوښتل، چې: په راتلونکي کال کې د ستونزو جوړولو او ناقانونه ګرزیدو پر ځای د کابل خلکو ته ګلونه وړاندې کړئ.
په همدې حال کې ملي امنیت ځواکونه وايي، چې د کابل په نهمه امنیتي حوزه کې یې یو ځانمرګی بریدګر هدف ته له رسیدو مخکې وژلی دی.
د سرچینې په وینا؛ بریدګر غوښتل، چې د سنبلې د اتلسمې په مناسبت پر را وتلي کاروان برید وکړي.
دغه راز د کورنیو چارو وزارت هم پر دغه کاروان له یوه ځانمرګي برید خبر ورکړی، چې په کې ۷ کسان وژل شوي او ۲۵ نور ټپیان دي. دغه برید د سلیم کاروان څلور لاري ته نږدې د احمد شاه مسعود د ۱۷ تلین د موترو پر کاروان تر سره شوی دی.
د کاروانونو په بڼه راوتلیو کسانو په داسې حال کې ښاري ګډوډي رامنځته کړه، چې امنیتي ځواکونو ځانګړي امنیتي تدابیر هم نیولي وه. د کاروان وسلوالو کسانو هغه لارې هم پرانیستې، چې امنیتي ځواکونو د امنیت د سمون لپاره تړلې وي.
![](https://www.ariananews.af/wp-content/uploads/2020/09/ATNNewsNewLogo2020.png)
تازه خبرونه
د نظام په ساتنه او تینګښت کې د خلکو همکاري ډېره مهمه ده – رییس الوزراء
وموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
![](https://www.ariananews.af/wp-content/uploads/2024/06/222.jpg)
د افغانستان اسلامي امارت رییس الوزراء ملا محمد حسن اخوند په خپل اختر پیغام کې د هېواد له خلکو وغوښتل، چې له اسلامي نظام ملاتړ وکړي؛ ځکه د نظام په ساتنه او ټینګښت کې د خلکو ملاتړ اړین دی.
ملا محمد حسن اخوند ویلي: خلکو ته زما پیغام دا دی، چې له خپل اسلامي نظام څخه ټینګ ملاتړ وکړي، په ښو کارونو کې له مسوولینو سره همکاري وکړي، ځکه د نظام په ساتنه او ټینګښت کې د ولس همکاري ډېره اړینه ده.
نوموړي د اسلامي امارت له چارواکو هم وغوښتل، چې له خلکو دې خپله مرسته نه سپموي.
هغه له مسلمانانو په تېره بیا له حاجیانو وغوښتل، چې د فلسطین خلکو ته دعا وکړي او له فلسطینیانو سره پر پیوستون او مرستې یې هم ټینګار وکړ.
د اسلامي امارت ویاند ذبیح الله مجاهد هم د ملا محمد حسن اخوند خبرې راخیستي، چې ویلي یې دي: هغه پر امنیتي ځواکونو او د امارت پر ټولو ادارو غږ کړی، چې خلکو ته ښه خدمات وړاندې کړي. نوموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
دغه راز په پخواني حکومت کې د ملي روغې جوړې عالي شورا رییس عبدالله عبدالله هم له خلکو غوښتي، چې د افغانستان د خلکو ملي ګټو، ملي یووالي، قومي، مذهبي او کلتوري تنوع ته دې درناوي او پاملرنه وکړي، چې د سولې او سولهییز ژوندانه زمینه برابره شي.
عبدالله عبدالله د اختر په مناسبت په خپل پیغام کې ویلي، چې د افغانستانآابادي او پرمختګ په یووالي، همکارۍ او د ټولو هېوادوالو لپاره د تعلیم او کار د مشروع حقونو په برابرولو کې نغښتی دی.
نوموړي په دغه پيغام کې د افغانستان له خلکو سره د نړيوالو ټولنو د مرستو د دوام غوښتنه کړې ده.
دې ته ورته نور خبرونه:
شتمن هېوادوال دې د خوراکي توکو بیې راټیټې او له بېوزلو سره مرسته وکړي – رییس الوزراء
اسلامي امارت امنیت خوندي کړی او د دښمنانو د شومو پلانونو مخه یې نیولې – ملا محمد حسن آخوند
تازه خبرونه
په غور ولایت کې سېلاب ځپلیو ته د ښارګوټي جوړولو کار پیل شو
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
![](https://www.ariananews.af/wp-content/uploads/2024/06/Baradar.jpg)
دغور ولايت په مرکز فيروز کوه ښار کې د ریاست الوزراء د اقتصادي مرستيال ملا عبدالغني برادر لهخوا د دې ولایت سېلاب ځپلیو ته د یوه ښارګوټي د جوړولو د بنسټ ډبره کېښودل شوه.
د غور ولایت امنیه قومندانۍ د خبرپاڼې له مخې؛ دغه ښارګوټي د استوګنې ۱۰۰۰ نمرې لري، چې ۲۰۰ کوره یې د اسلامي امارت لهخوا د وروستیو سیلابونو قربانیانو ته جوړیږي.
په خبرپاڼه کې راغلي، چې په دې ښارګوټي کې د سوداګرو او صرافانو پر همکارۍ د نورو کورونو د جوړولو هڅې هم روانې دي.
ملا برادر غور ولایت ته پخپل سفر کې له یو شمېر عالمانو او د دیني مدارسو له استادانو سره هم وکتل.
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
هغه زیاته کړې، چې اسلامي امارت له زیانمنو شویو خلکو سره د مرستې لپاره له ټولو شته امکاناتو کار اخیستی او اړوند وزارتونه او ادارې هم د مرستې لپاره هڅې کوي.
په غور کې سېلابونو لسګونه کسان مړه کړي او زرګونه کورنۍ زیانمن شوي دي.
ورته خبرونه:
په غور کې د سېلابونو له کبله سلګونه خلک بې ځایه شول
په غور کې د سېلابونو له کبله سلګونه خلک بې ځایه شول
تازه خبرونه
د دوحې په جوړېدونکې ناسته کې د اسلامي امارت استازي ګډون کوي
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
![](https://www.ariananews.af/wp-content/uploads/2024/01/Mujahid.png)
د افغانستان اسلامي امارت ویاند د یکشنبې پر ورځ اعلان وکړ، چې د افغانستان استازي به د ملګرو ملتونو پر ملاتړ د دوحې په راتلونکي کنفرانس کې ګډون وکړي.
د اسلامي امارت ویاند ذبیح الله مجاهد ویلي: د افغانستان اسلامي امارت استازي به دوحې په راتلونکې ناسته کې که جوړ شي؛ هلته به د افغانستان د خلکو او حکومت استازیتوب وکړي.
دبیح الله مجاهد زیاته کړې؛ دې ناستې ته تلونکی پلاوی به وروسته په ډاګه شي.
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
د ملګرو ملتونو عمومي منشي انټونیو ګوترش د څرګندونو له مخې؛ اسلامي امارت د دوحې کنفرانس په دوهیمه ناسته کې له ګډون هغه وخت ډډه وکړه، چې ملګرو ملتونو یې د افغانستان د یوازني رسمي استازي په توګه د ګډون غوښتنه رد کړه.
ویل کیږي، چې اسلامي امارت د افغانستان په اړه د دوحې درېیمې ناستې د اجنډا له کتنې وروسته په دې ناسته کې د ګډون پرېکړه کړې ده.
دې ته ورته نور خبرونه:
اسلامي امارت د دوحې په ناسته کې پر معنا داره ګډون ټینګار لري – متقي
د دوحې په درېیمه ناسته کې د ګډون لپاره مو باید دریځ ومنل شي – مولوي عبدالکبیر
-
لوبی5 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی4 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
سیمه ییز خبرونه5 days ago
په کویټ کې د اورلګیدنې له کبله ۴۹ کارګران مړه شوي
-
لوبی3 days ago
کابل زلمی د کابل کرکټ غوره لیګ د دوهیم پړاو اتلولي خپله کړه
-
تازه خبرونه4 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
تازه خبرونه4 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
-
لوبی3 days ago
حضرت الله ځاځي د مجیب الرحمن پر ځای په ۲۰ اوریز نړیوال جام کې لوبیږي
-
تازه خبرونه2 days ago
پاکستان د اختر او محرم په ورځو کې پېښور ته د افغانانو پر راتګ بندیز ولګاوه