تازه خبرونه
د افغانستان سولې ته د نړیوال ملاتړ د خپلولو لپاره خلیلزاد بیا راوتلی
د افغانستان د سولې لپاره د امریکا ځانګړي استازي زلمي خلیلزاد د سولې خبرو د آسانولو او نړیوال ملاتړ خپلولو لپاره بیا خپل سفر پیل کړی دی.
د امریکا د بهرنیو چارو وزارت په ډاګه کړې، چې ښاغلي خلیلزاد به د اپریل پر ۲۱ خپل سفر پیل کړی او د بلې میاشتې تر ۱۱ به له افغانستان، هند، روسیې، انګلستان، قطر او پاکستان څخه لیدنه وکړي.
د یاد وزارت د خبرپاڼې له مخې؛ ښاغلی خلیلزاد به په کابل کې له حکومت او نور افغانانو سره مشورې وکړي او د سولې خپلمنځي خبرو ته به ټول اړخونه وهڅوي، چې د حل یوه ښه لار ومومو.
دغه راز به ښاغلی خلیلزاد لندن، مسکو، اسلام آباد او دهلي ته هم سفرونه ولري، چې د سولې په اړه نړیوال ملاتړ رامنځته شي.
خبرپانې دا هم څرګنده کړې، چې خلیلزاد به د دوحې په خبرو کې له طالبانو سره پر امنیتي اجماع خبرې روانې وساتي او له هغو یې غوښتي، چې په هر اړخیزو خپلمنځي خبرو کې ګډون وکړي.
دغه راز د امریکا ځانګړي استازي خلیلزاد په خپل یو کوچني تویت کې څرګنده کړې، چې هیڅ راز خنډونه به د سولې بهیر زیانمن نکړي.
ښاغلي خلیلزاد زیاته کړې، چې په دې سفر کې به د افغانستان د سولې لپاره پر نړیوال ملاتړ کار وشي، چې د سولې خپلمنځي خبرې تر سره شي.
خلیلزاد په داسې حال کې خپل سفر بیا پیلوي، چې ټاکل شوې وه په دوحه کې د اپریل له ۱۹ څخه تر ۲۱ د خپلمنځي خبرو کنفرانس جوړ شي؛ خو د ګډونوالو په نوملړ کې د اختلاف پر لامل یاده ناسته لغو شوه.
دا په داسې حال کې ده، چې اجرائیه رییس عبدالله د یادې ناستې د لغو کیدو لامل په کابل کې د پلاوي ناسم مدیریت ونوماوه.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی