تازه خبرونه
د مذاکراتو درول به ترهر چا ډېر تاوان په خپله امریکا ته ورسوي-طالبان
طالبانو په یوه اعلامیه کې څرګنده کړې، چې د امریکا د ولسمشر دونالد ترمپ لخوا د مذاکراتو درول به ترهر چا ډېر تاوان په خپله امریکا ته ورسوي؛ اعتبار به یې زیانمن، د سولې ضد دریځ به یې نور هم نړۍ ته ښکاره، د سر او مال زیان به یې زیات او په سیاسي تعامل کې به یې کردار متزلزل معرفي کړي.
د طالبانو په اعلامیه کې راغلي، چې د امریکا مذاکراتي ډلې تر پرونه پورې له شویو پرمختګونو راضي وه او خبرې مو په ښه فضا کې پای ته ورسولې؛ دواړه لوري د توافقنامې د اعلان او لاس لیک لپاره په تیاریو بوخت ول.
د توافقنامې تر لاسلیک او اعلان وروسته مو د روانې سپتمبر میاشتي پر ۲۳ نېټه د بین الافغاني مذاکراتو د ناستي لومړۍ ورځ ټاکلې وه.
اعلامیې دا هم په ډاګه کړې، چې طالبانو د مذاکراتو له جاري ساتلو سره نړۍ ته ثابته کړه، چې جګړه د نورو لخوا پرموږ تپل شوې او که د جګړې پرځای د تفاهم لار خپله شي، موږ تر پایه ورته ژمن یو.
د طالبانو په اعلامیه کې دا ټینګار هم شوی؛ مونږ بې له دې، چې د هېواد اشغال مو په ټولیزه توګه پای ته ونه رسیږي او افغانان خپلې خوښې ته پرېنښودل شي په بل هيڅ شي نه قانع کیږو. د همدې ستر هدف لپاره به روان جهاد ته دوام ورکوو او په نهايي بري باندې کلک باور لرو.
دغه راز په قطرکې د طالبانو د سیاسي دفتر ویاند سهیل شاهین هم ویلي، چې څو ورځې وړاندې مو د امریکایي پلاوي سره د سولې هوکړه وروستۍ کړه، متن یې د دواړو پلاویو د مشرانو له خوا په نښه او د قطر لوري ته وسپارل شو. ټول پرې راضي وو او پدې اتفاق وشو، چې د قطر هېواد به یې اعلان کوي.
د سهیل شاهین د څرګندونو له مخې؛ پدې وخت کې ناببره د ولسمشرترمپ تیوتونه د حیرانتیا وړ دي او یقینا خپل اعتبار یې زیانمن کړ.
د امریکا ولسمشر څرګنده کړې؛ ټاکل شوې وه، چې د یکشنبې پر ورځ( د وږي ۱۷/ د سپتمبر ۸) له طالب مشرانو او ولسمشر غني سره په کمپ دیود کې وویني؛ خو د طالبانو وروستیو بریدونو او په کې د یو امریکایي او ۱۱ ملکي وګړیو د وژل کیدو له کبله ورسره د سولې خبرې لغو شوې.
دا په داسې حال کې ده، چې د امريکا د بهرنيو چارو وزير مايک پومپيو هم له سي ان ان سره په تازه څرګندونو کې ويلي؛ امريکا اوس هم علاقه لري له طالبانو سره د سولې هوکړه وکړي، خو په دې شرط، چې طالبان خپله رښتینوالی ثابت کړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ