Connect with us

تازه خبرونه

د پخواني او تقویتي نوملړونو له مخې به ولسمشریزې ټاکنې تر سره شي- ننګ

خپور شوی

د

(Last Updated On: لړم ۳, ۱۴۰۱)

د ټاکنو خپلواک کمیسیون د دارالانشا رییس وايي، چې د رایه ورکوونکیو د پخواني او تقویتي نوملړونو له مخې ولسمشریزې ټاکنې تر سره کیږي.

د ټاکنو خپلواک کمیسیون د څرګندونو له مخې؛ د تېرو ټاکنو لپاره شاوخوا نهه میلیون وګړیو نوملیکنه کړې وه، چې د ولسي جرګې په تېرو ټاکنو کې شاوخوا څلور میلیون وګړیو ګډون وکړ. اوس د ټاکنو خپلواک کمیسیون وايي، چې د رایه ورکوونکیو د تقویتي نوملیکنې نوملړ به له پخواني نوملړ سره یو ځای کړي او له مخې به یې ولسمشریزې ټاکنې تر سره کړي. په داسې حال کې، چې ویل کیږي په پخواني نوملړ کې پېنځه میلیون کسان په خیالي توکه راجستر شوي دي.

د ټاکنو خپلواک کمیسیون پخواني رييس فضل احمد معنوي وايي، چې د رایه ورکوونکیو په پخواني نوملړ کې پېنځه میلیون کسان خیالي دي.

د نوموړي په وینا؛ د ټاکنو خپلواک کمیسیون باید د رای ورکوونکیو پر نوملړ له سره غور وکړي.

د افغانستان د آزادو او عادلانه ټاکنو د بنسټ ريیس یوسف رشید وایي؛ نه یوازې دا، چې د رای ورکوونکیو پخوانی نوملړ ندی ارزول شوی، بلکې ښايي په تقویتي نوملیکنه کې هم خیالي کسان وي.

د ټاکنو خپلواک کمیسیون هم مني، چې د تقویتي نوملیکنې نوملړ به له پخواني سره یو ځای کړي او له مخې به یې ټاکنې تر سره کړي.

د ټاکنو خپلواک کمیسیون د دارالانشا رييس حبیب الرحمن ننګ وايي، چې د رایو هر مرکز ۴۰۰ رای ورکوونکي لري، چې پخوایې ۶۰۰ رای ورکوونکي لرل. د بایو متریک سیستم پر کارولو به د درغلیو مخه ونیسو.

د نوموړي د څرګندونو له مخې؛هر څوک، چې بایو متریک شوی نه وي هغه محل باطل دی او رایې یې نه د منلو دي او نه به حساب شي.

د ټاکنو خپلواک کمیسیون پر چارو نه یوازې خلک نیوکې کويپ، بلکې د ولسمشریزو ټاکنو ځينې نوماندان هم د کمیسیون له چارو ناخوښه دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!