تازه خبرونه
د ټاکنیز قانون له تعدیل سره سم به د کمیسیونونو کمیشنران ګوښه شي- حکومتي سرچینې
حکومتي سرچینې وايي، چې د ټاکنو قانون له تعدیل وروسته به د کمیسیونونو ټول کمیشنران له دندو ګوښه شي.
د ټاکنو د کمیسیونونو په اړه د فساد د تورونو له زیاتیدو وروسته اوس حکومتي سرچینې وايي، چې د ټاکنو قانون له تعدیل وروسته به ټول کمیشنران له دندو ګوښه شي.
اجرائیه رییس عبدالله عبدالله وايي؛ د ټاکنو کمیسیون د اصلاحاتو په اړه پراخې مشورې شوې دي، چې لومړی پړاو یې ولسمشریزو ټاکنو ته د نوملیکنې له ورځ یوه ورځ مخکې تر سره شو او ټاکل شوې، چې بل پړاو به یې هم تر سره شي. مونږ د خلکو له اندېښنو پوره خبر یو.
د ټاکنو څارونکي بنسټونه ټینګار کوي، چې پر درغلیو تورن کمیشنران دې محاکمه شي.
د افغانستان د شفافو ټاکنو د بنسټ ريیس نعیم ایوب زاده وایي؛ تورن کمیشنران باید عدلي او قضايي ارګانونو ته وروپېژندل شي، چې نورو ته د عبرت درس شي.
د ټاکنو خپلواک کمیسیون پخوانی ريیس نجیب الله احمدزی وایي؛ دوی ټاکنې بحراني کړي، باید عدلي او قضایي بنسټونو ته وروپېژندل شي. دوی ملي ګټې له خپلو ځانګړیو ګټو لوړې ګڼلي او د خلکو له رایو سره یې لوبې کړې دي.
د قانون له مخې که د کمیشنرانو په اړه د فساد شواهد موجود وي، ولسمشر یې له دندو ګوښه کولی شي. د ټاکنو خپلواک کمیسیون مسوولین وايي، چې تر اوسه د دوی په اړه د اداري فساد هیڅ ډول سند نشته.
د ټاکنو خپلواک کمیسیون کمیشنره ملحیه حسن وایي؛ که د جرم په اړه ثبوت وي، نو زمونږ غوښتنه دا ده، چې د حکومت مشرتابه غړي دې د تورنو کمیشنرانو په اړه خپل اسناد بشپړو څېړلو ته وړاندې کړي.
دا څرګندونې په داسې حال کې کیږي، چې په پلازمېنه کابل او ولایتونو کې د ولسي جرګې د ټاکنو د درغلیو له کبله خلکو لاریونونه وکړل او د ټاکنو خپلواک کمیسیون چارواکي یې پر اداري فساد تورن کړلي دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه