تازه خبرونه
د نیمګړې سولې د راوستو مسوولیت پر غاړه نه اخلم- اشرف غني
افغان ولسمشر د کابل او اسلام آباد تر منځ د اړیکو د رغونې لپاره پاکستان ته په خپل سفر کې افغان کډوالو ته څرګنده کړې، چې افغانستان ته د نیمګړې سولې د راوستو مسوولیت پر غاړه نه اخلي.
هغه د خپلو خبرو پر مهال ویلي، چې د افغانستان په اړه د پاکستان په سیاست کې راغلي بدلون ته خوښ دی.
نوموړي دا هم وویل، چې پاکستان ته یې د سولې د مشورتي جرګې او د افغانانو په غوښتنه سفر کړی دی.
له تېرو درې ورځو راپدیخوا د افغان سولې په اړه په اسلام آباد، دوحه، ژینوا، برلین او کابل کې بېلابېلې غونډې وشوې او د چنګاښ پر ۸ چې د جون له نهه ویشتمې سره برابره ده په قطر کې د افغان سولې لپاره د امریکا د ځانګړي استازي زلمي خلیلزاد په مشرۍ د امریکايي پلاوي او د ملا عبدالغني برادر په مشرۍ د طالب استازیو د اووم پړاو خبرې پیل شوې.
د طالبانو د واکمنۍ د امرباالمعروف رييس مولوي قلم الدین د دغو خبرو په اړه وایي؛ د بهرنیو ځواکونو شتون د جګړې د دوام معنا لري. کله، چې د بهرنیو ځواکونو پر وتلو هوکړه وشوه؛ ورسره سم به د سولې تړلې دروازې پرانستل شي.
تمې داسې دي، چې ښايي اووم پړاو خبرې به روښانه پایلې ولري.
د افغانستان د بهرنیو چارو چارسمبالي په آلمان کې له خپل سیال سره په خبرو کې ویلي، چې د افغان سولې او روانې شخړې د اوارۍ لپاره به په بن کې یوه غونډه جوړه شي.
د بهرنیو چارو وزارت چارسمبالی صلاح الدین رباني وایي، چې زمونږ په باور آلمان د افغان سولې په برخه کې فعاله ونډه لري. مونږ به د آلمان پر همکارۍ د افغانانو د خپلمنځي خبرو شاهدان وو، چې روانه جګړه د سیاسي خبرو له لارې پاي ومومي.
سیاسي مخکښ وحید مژده وایي؛ هغو کسانو، چې په تېر کې له طالبانو سره په جنګ کې برنخ نه درلوده؛ په سوله کې یې شتون هم ګټور نه بریښي. طالبانو په ځلونو ویلي؛ له هغو سره به خبرې کوي، چې ورسره په جګړه کې ښکېل دي.
دا په داسې حال کې ده، چې ولسمشر غني کابل ته له راګرځيدو سره سم (د شنبې پرورځ د چنګاښ ۸) د خپل دفتر رييس سلام رحیمي د سولې په برخه کې د دولت د وزیر په توګه وټاکه. نوموړی د امریکا او طالب استازیو تر منځ د پېنځم پړاو خبرو پر مهال قطر ته تللی وو؛ خو طالبانو له هغه سره ونه کتل.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه