The foundation stone of the Lajward Residential Complex was laid on Tuesday in northern Balkh province by Mullah Abdul Ghani Baradar, Deputy Prime Minister for Economic Affairs.

Speaking at the inauguration ceremony, Baradar said the Islamic Emirate is placing special focus on achieving economic self-reliance, attracting domestic and foreign investment, and implementing major infrastructure projects across the country.

He described the Lajward Residential Complex as a significant example of ongoing development efforts and noted that large-scale projects in sectors including industry, transportation, electricity generation, and urban development are currently underway.

Baradar stated that practical work on master plans and urban expansion projects is continuing alongside national initiatives such as the Qosh Tepa project. He added that the Islamic Emirate considers it a responsibility to provide opportunities and facilities for both local and foreign investors in the construction sector.

According to his office, the Deputy Prime Minister emphasized that cooperation between the government and the private sector is essential for economic stability and the reconstruction of Afghanistan, while assuring continued support for investors.

He also encouraged business leaders to expand investments in the housing and construction sector.

During his visit to Balkh, Baradar said he would inspect commercial ports in the province to ensure the provision of 24-hour services and improve the efficiency of export and import operations.

The Deputy Prime Minister noted that senior officials from various institutions are accompanying him to closely assess economic activities, development projects, and challenges related to port operations in the province.

According to the Deputy Prime Minister for Economic Affairs Office, the Lajward Residential Complex will be built with a private sector investment of $150 million.

The project includes the construction of approximately 1,448 modern apartments and is expected to create around 7,000 jobs.

The complex will be developed on nearly 21 jeribs of land and will include schools, healthcare and commercial facilities, green areas, a mosque, sports and recreational centers, and other public amenities.

د هند کرکټ بورډ د سې‌شنبې پر ورځ د افغانستان پر وړاندې د راتلونکو سیالیو لپاره د خپل هېواد د ټسټ او یوورځنیو لوبډلو د لوبغاړو نوملړ اعلان کړ، چې ټاکل شوې دغه سیالۍ د ۲۰۲۶ ز.کال په جون کې ترسره شي.

د هند کرکټ بورډ د اعلان له مخې؛ شبمن ګېل د ټسټ لوبډلې د لوبډلمشر په توګه ټاکل شوی او کې‌ال راهول به یې مرستیال وي. دغه راز په یوورځنۍ لوبډله کې هم شبمن ګېل د لوبډلمشرۍ مسوولیت پر غاړه لري او شریاس آیر د لوبډلمشر مرستیال ټاکل شوی دی.

د لوبغاړو د نوملړ له اعلان مخکې د جسپریټ بومرا، ریشب پنټ او د ۲۰۲۶ ز.کال د هند په غوره لیګ کې د ځوانو لوبغاړو له ځلېدو وروسته د هغوی پر شاملېدو پراخ بحثونه روان ول.

راپورونه ښيي، چې د لوبغاړو د غوراوي کمیټې مشر اجیټ اګارکر او د هند کرکټ بورډ منشي ډیوا‌جیټ سایکیا دغه سیالۍ د راتلونکو مهمو سیالیو؛ په ځانګړي توګه د ۲۰۲۷ ز.کال یوورځني نړیوال جام لپاره د هند د چمتووالي برخه ګڼي.

سره له دې، چې د افغانستان پر وړاندې ټسټ لوبه د ټسټ نړیوالې اتلولۍ امتیازونه نه‌لري؛ خو هند پرېکړه کړې، چې له پیاوړې لوبډلې سره میدان ته ودانګي او لوبغاړي یې د ټسټ سیالیو له سخت پړاو وړاندې ډېر نور چمتووالی ترلاسه کړي.

په یوورځنیو سیالیو کې هم د هند کرکټ مسوولان هڅه کوي، چې د روهیټ شرما او ویراټ کوهلي په څېر تجربه‌لرونکو لوبغاړو ترڅنګ نوې څېرې هم د راتلونکي لپاره چمتو کړي.

د افغانستان پر وړاندې د هند ټسټ لوبډلې په نوملړ کې د شبمن ګېل، یاشاسوي جیسوال، کې‌ال راهول، سای سوډرشن، ریشب پنټ، ډیوډت پډیکال، نیټیش کمار رېډي، واشنګټن سنډر، کولډیپ یاډاو، محمد سراج، پراسیډ کرشنا، ماناو سوټار، هرپریټ برار او دروو جورل نومونه راغلي دي.

دغه راز د هند د یوورځنۍ لوبډلې په نوملړ کې د شبمن ګېل، شریاس ایر، روهیټ شرما، ویراټ کوهلي، کې‌ال راهول، ایشان کیشان، هارډیک پانډیا، نیټیش کمار رېډي، واشنګټن سنډر، هرش ډوبي، کولډیپ یاډاو، ارشډیپ سنګهـ، پراسیډ کرشنا، پرنس یاډاو او ګورنور برار نومونه راغلي دي.

د اعلان شوي مهالوېش له مخې، د افغانستان او هند ترمنځ ټسټ لوبه به د جون له شپږمې څخه تر لسمې پورې د مولان‌پور ښار په نړیوال لوبغالي کې ترسره شي.

همداراز لومړۍ یوورځنۍ لوبه به د جون پر څوارلسمه په دارمشالا، دوه‌یمه لوبه به د جون پر اووه‌لسمه په لکنهو او درېیمه لوبه به د جون پر شلمه په چنای ښار کې ترسره شي.

د هند کرکټ مسوولانو ویلي، چې دغه سیالۍ د راتلونکو مهمو رقابتونو لپاره د لوبډلې د چمتووالي او په ټسټ او یوورځنیو دواړو برخو کې د لوبډلو بیارغونه رانغاړي.

د اسلامي همکاریو ټولنې اعلان کړی، چې د افغانستان د فرهنګي او تاریخي بنسټونو د ساتنې، بیارغونې او عصري کولو لپاره به خپلې عملي همکارۍ پراخې کړي.

د اطلاعاتو او فرهنګ وزارت د خبرپاڼې له مخې؛ د دغه وزارت د فرهنګ او هنر مرستیال عتیق‌الله عزېزي په خپل کاري دفتر کې د اسلامي همکاریو ټولنې د بشري چارو له مرستیال خلیل‌ابراهیم اوکور سره لیدلي او د همکاریو پر پراخولو یې خبرې کړې دي.

په دې لیدنه کې دواړو لوریو د افغانستان د تاریخي آثارو د ساتنې، د لرغونو آثارو د درې‌بعدي ډیجیټلي ثبت، د تاریخي سیمو د بیارغونې او د هېواد د فرهنګي بنسټونو د عصري کولو په اړه خبرې او اندونه وړاندې کړې دي.

دغه راز عتیق‌الله عزېزي د افغانستان تاریخي او فرهنګي ارزښت ته نغوته(اشاره) کړې او څرګندوي؛ د هېواد فرهنګي میراث نه یوازې د افغانستان د ملي هویت برخه ده، بلکې له د اسلامي نړۍ مهم تاریخي او دیني ګډ ارزښت هم دی.

هغه زیاته کړې؛ افغانستان ارزښتمن لرغوني آثار، تاریخي ودانۍ، خطي نسخې او فرهنګي سیمې لري، چې ساتنه یې د اسلامي هېوادونو ګډ مسوولیت ګڼل کېږي.

د فرهنګ او هنر مرستیال له اسلامي همکاریو ټولنې وغوښتل، چې د عامه کتابتونونو، ملي آرشیف، ملي موزیم او هنرستان ریاست د پیاوړتیا او عصري کولو په برخه کې هم ځانګړې پاملرنه او همکاري وکړي.

خلیل ابراهیم اوکور د فرهنګي میراث د ساتنې په برخه کې د اطلاعاتو او فرهنګ وزارت له هڅو ستاینه وکړه او څرګندوي؛ د اسلامي همکاریو ټولنه به هڅه وکړي، چې د ګډو پروګرامونو له لارې د افغانستان د تاریخي آثارو د ساتنې، بیارغونې، ډیجیټلي ثبت او نړیوالې پېژندنې لپاره عملي ګامونه پورته کړي.

نوموړي ډاډ څرګند کړ؛ په بهرنیو هېوادونو کې به د افغان څانګه‌والو(متخصصانو) د ګډون لپاره د روزنیزو او علمي پروګرامونو زمینه هم برابره شي، چې د هغوی تخنیکي وړتیاوې او مهارتونه نور هم پیاوړي شي.

هغه ویلي؛ د اسلامي همکاریو ټولنه هڅه کوي، چې د افغانستان فرهنګي اړیکې له اسلامي هېوادونو او نړیوالو فرهنګي بنسټونو سره پراخې کړي او د افغانستان د تاریخي او فرهنګي میراث د ساتنې لپاره نور ګډ پروګرامونه هم پیل کړي.

د دې لیدنې په پای کې دواړو لوریو په فرهنګي او تاریخي برخو کې د افغان څانګه‌والو د وړتیا لوړونې په اړه هم خبرې وکړې.