تازه خبرونه
ناتو د داعش پر ځپلو ټینګار څرګند کړ
د بلجیم په پلازمېنه بروکسل کې د ناتو د غړیو هېوادونو دفاع وزیرانو دوه ورځنۍ ناسته پیل شوه، چې په کې د ناتو سرمنشي او دفاع وزیرانو له داعش سره پر مبارزه ټینګار څرګند شو.
دوی وايي؛ داعش وروسته له دې، چې په سوریه او عراق کې له ماتې سره مخ شول په افغانستان کې به هم د پښې کیښودو ځای پیدا نکړي.
دوی دا هم په ډاګه کړې؛ په افغانستان کې د دې لپاره حضور لري، چې د سولې خبرو لپاره زمینه برابره شي.
د ناتو سرمنشي ینس ستولتنبرګ ویلي، چې ناتو د افغان ځواکونو روزنې او دوی ته د مشورو د ورکړې لپاره ژمنه ده. مونږ په باوري یو هغه کار، چې مونږ په ښه توګه په افغانستان کې ترسره کوو؛ هغه دا ، چې د سولې لپاره زمینه برابره کړو.
د آریانا نیوز لیږل شوي خبریال شریف حسنیار ویلي، چې د بروکسل په نننۍ ناسته کې د سوریې او ترکیې په اړه خبرې وشوې او سبا به د ناتو د غړیو هېوادونو دفاع وزیران د افغانستان په اړه ځانګړې ناسته تر سره کوي.
د نوموړي د څرګندونو له مخې؛ ناتو په افغانستان کې سوله او له افغان ځواکونو ملاتړ غواړي.
په ورته وخت کې د ملي امنیت شورا سلاکار حمدالله محب، چې آذربایجان ته تللی د افغانستان د سولې پروګرامونو ته داسې نغوته(اشاره) کوي: مونږ د سیمي او نړۍ په کچه اوسمهال د پروګرامونو جوړولو په حال کې یو؛ ځکه، چې د همکاریو لپاره رامنځته شوې اجماع او ملاتړ کولی شي د دوامدارې سولې لپاره ښه بنسټ وي.
ټاکل شوې، چې سبا په بروکسل کې د افغانستان سیاسي او امنیتي وضعیت په تړاو د ناتو دفاع وزیرانو په ناسته کې بحث وشي.
تازه خبرونه
له افغانستان سره پولې ته نږدې د تاجکستان دوه سرتېري ووژل شول
د تاجکستان ملي امنیت کمیټه زیاتوي؛ په نښته کې درې وسلوال او د دوی دوه سرتېري وژل شوي دي.
تازه خبرونه
ملا برادر په هرات ولایت کې د المونیمي ډبیو د تولیدي شرکت د بنسټ ډبره کېښوده
د ریاست الوزرائ اقتصادي مرستیالۍ د خبرپاڼې له مخې؛ دا په افغانستان کې د المونیمي ډبیو د تولید لومړنی شرکت دی، چې ۱۲۰ میلیون ډالر پانګونه پرې کیږي.
د ریاستالوزراء اقتصادي مرستیال ملا عبدالغني برادر آخوند نن پنجشنبه( د مرغومي څلورمه ) د هرات ولایت په صنعتي پارک کې د المونیمي ډبیو د یوه تولیدي شرکت د بنسټ ډبره کېښوده.
د ریاست الوزرائ اقتصادي مرستیالۍ د خبرپاڼې له مخې؛ دا په افغانستان کې د المونیمي ډبیو د تولید لومړنی شرکت دی، چې ۱۲۰ میلیون ډالر پانګونه پرې کیږي.
ویل کیږي، چې دغه شرکت په ۱۶ جریبه ځمکه کې جوړېږي او ۱۷۰۰ هېوادوالو ته به کاري فرصتونه رامنځته کړي.
تازه خبرونه
د امریکا پر ملي ګارډ شکمن ډزې کوونکي ته ممکن د مرګ سزا ورکړ شي
فاکس نیوز راپور ورکړی؛ په کولمبیا کې د امریکا څارنوالۍ اعلان کړی، چې رحمانالله لکنوال د ایالتونو تر منځ په سوداګرۍ کې د خطرناک جرم د ترسره کولو پر نیت د وسلې او د غلا شوې وسلې پر لېږدولو هم تورن پېژندل شوی دی.
امریکايي سرچینو ویلي: هغه افغان، چې په واشنګټن ډي سي کې د امریکا ملي ګارډ پر دوه غړیو د ډزو پر تور نیول شوی؛ اوس له داسې نویو تورونو سره مخ دی، چې ورته د مرګ سزا هم غوښتل کېدی شي.
فاکس نیوز راپور ورکړی؛ په کولمبیا کې د امریکا څارنوالۍ اعلان کړی، چې رحمانالله لکنوال د ایالتونو تر منځ په سوداګرۍ کې د خطرناک جرم د ترسره کولو پر نیت د وسلې او د غلا شوې وسلې پر لېږدولو هم تورن پېژندل شوی دی.
د ملي ګارد یوه غړې ۲۰ کلنه سارا بیکسټروم د نومبر د شپږویشتمې په برید کې ووژل شوه او انډریو وولف سخت ټپي شوی دی.
امریکایي څارنوال جینین پیرو ویلي؛ د لکنوال د دوسیې لېږد به له سترې محکمې څخه فډرالي محکمې ته د بیاکتنې او ارزونې داسې اجازه ورکړي، چې ووایي: آیا نوموړي ته د مجازاتو که د مرګ سزا ورکړ شي.
لکنوال د واشنګټن ډي سي د قانون له مخې د وسلې د لېږدولو، د لومړۍ درجې وژنې، د وژنې پر نیت برید او د وسلو د غلا پر څو جرمونو تورن دی.
د افبيای په یوه څرګندونه کې راغلي: هغه تومانچه، چې په ډزو کې کارول شوی؛ د ۲۰۲۳ کال په می کې د سیاټل ښار له یوه کور څخه غلا او بیا وروسته په واشنګټن ایالت کې لکڼوال ته ورکړ شوې او هغه هلته اضافي مهمات هم پېرودلي وه.
-
تازه خبرونه5 days agoافغانان باید د یو کس د جرم بیه پرې نکړي – د بوش بنسټ
-
تازه خبرونه3 days agoد ترکیې استخباراتو ډیورنډ فرضي کرښې ته نږدې د داعش یو غړی نیولی
-
تازه خبرونه3 days agoد ټول عمر لپاره د عاصم منیر بښل د اسلام خلاف عمل دی
-
تازه خبرونه5 days agoایران ته د ناقانونه تېرېدا پر مهال درې افغان کډوال له سختې یخنۍ مړه شول
-
تازه خبرونه4 days agoکابل ښاروالۍ د شهرنو پارک د بیارغونې بنسټیزې چارې پیل کړې
-
لوبی4 days agoد افغانستان هندبال فډراسیون رییس د دې څانګې په نړیوال کانګرس کې ګډون وکړ
-
تازه خبرونه3 days agoپر کابل برید د هیڅ پلمې له مخې د منلو وړ ندی
-
سیمه ییز خبرونه4 days agoخلک دې د خپلو حقونو د ترلاسه کولو لپاره پاڅون وکړي
