Connect with us

کوید۱۹

د امریکا د ملي امنیت سلاکار سلیوان پر کرونا ویروس اخته شو

Published

 on

(Last Updated On: غبرګولى ۲۹, ۱۴۰۱)

د امریکا د ملي امنیت سلاکار ویاندې ویلي، چې جیک سلیوان د شنبې پر ورځ له هغې وروسته پر کرونا یرویس اخته شو، چې یوه اوونۍ مخکې له ولسمشر جو بایډن سره د اووه پرمختللیو اقتصادونو د ډلې غونډې ته تللی و.

د امریکا د ملي امنیت د سلاکار ویاندې ادرین واتسن ویلي، چې سلیوان له بایډن سره نږدې تماس نه درلود او نښې یې هم نلرلې. دا یې پر کرونا د اخته کېدو لومړی ځل دی.

سپینې ماڼۍ د شنبې پر ورځ ویلي، سلیوان د جمعې پر ورځ په سپینه ماڼۍ کې د سینیګال د بهرنیو چارو له وزیر آیستا تال سال سره یوه لیدنه لرله. دغه راز یې د دوشنبې پر ورځ په لوګزامبورګ کې د چین له لوړپوړي دیپلومات یانګ جیچي سره څلور نیم ساعته لیدلي وه.

دا سمدستي روښانه نده، چې آیا پر کرونا اخته کېدل به یې سفري پلانونه اغېزمن کړي او که نه.

سپینې ماڼۍ تېره اوونۍ په ډاګه کړې وه، چې بایډن به د اووه ډلو د سرمشریزې لپاره سویلي آلمان ته سفر وکړي او د جون په وروستیو کې د ناټو سرمشریزې لپاره هسپانیا ته روان شي.

کوید۱۹

شمالي کوریا له کرونا سره په مبارزه کې خپله بریا څرګنده کړه

Published

on

(Last Updated On: زمری ۲۰, ۱۴۰۱)
رویترز د شمالي کوریا د مشر د څرګندونو له مخې راپور ورکړی، چې شمالي کوریا د کرونا ویروس پر وړاندې په مبارزه کې خپله بریا اعلان کړې؛ خو خور یې وایي، چې ورور یې د کرونا پر تبه اخته شوی او لامل یې جنوبي کوریا بولي.

کیم یو جونګ دا هم ویلي، چې ورور یې د جنوبې کوریا پر وړاندې ان د مرګونې مبارزې اعلان کړی دی.

هغې ان څرګنده کړې، چې کیم جونګ اون ډېر ناروغه و؛ خو د خلکو د اندېښنو له امله یې د یوې شېبې لپاره هم پټولی نشوه.

د شمالي کوریا خبري آژانس سي ان ای هم راپور ورکړی، چې کیم د می په میاشت کې د ساري ناروغۍ ضد اقداماتو د پورته کولو امر وکړ او زیاته یې کړه، چې شمالي کوریا باید د وبا ضد قوي خنډ وساتي او د روغتیا بحران پای ته تر رسیدو پورې دې د وبا ضد کار ته دوام ورکړي.

Continue Reading

کوید۱۹

د چین کرونایي بندیزونو د سانیا ښارګوټي ۲۵ زره سیلانیان اغېزمن کړي

Published

on

(Last Updated On: زمری ۱۷, ۱۴۰۱)

د چین مشهور سیاحتي تاپو هاینان د دوشنبې پر ورځ ډېرې سیمې وتړلې؛ ځکه، چې په تېرو دوه کلونو کې د خورا لږ پېښو له ثبتولو وروسته اوس د تر ټولو بدې کرونایي ناروغۍ سره مبارزه کوي.

نشنل راپور ورکړی، چې د یکشنبې له ورځې د سیلانیانو د هاینان تاپو د سانیا په ښار  شاوخوا ۲۵۰۰۰ سیلانیان بند پاتې دي.

د سویلي چین د تاپو په دې ښار کې، چې تېر کال یې د کرونا ویروس یوازې دوه پېښې ثبت کړې وې؛ په روانه میاشت میاشت کې یې پر کرونا ویروس اخته له ۱۴۰۰ څخه ډېرې مثبتې پېښې راپور کړې دي.

که څه هم دا د نړیوالو معیارونو له مخې ډېرې ندي؛ خو دا شمېر په ۲۰۱۹ کې له ووهان ولایته د خپرې شوې کرونان له شمېره د هېواد پر کچه ترټولو سترشمېر دی.

د دولتي رسنیو د راپورونو له مخې، د هایکو ولایت مرکز له شاوخوا ۲.۹ میلیون اوسیدونکیو سره او دوه کوچنيو ښارګوټيو؛ لیدونګ او چینګمای د دوشنبې پر ورځ خپل اوسیدونکي په کورونو کې بند کړل.

د یکشنبې تر ورځې پورې د چین دې تاپو له نښو نښانو سره ۲۳۱۲۶۶  پېښې د ځایي ناروغانو او نړیوالو مسافرانو په ګډون ثبت کړې.

Continue Reading

کوید۱۹

د جو بایدن د کرونا کتنه منفي شوه

Published

on

(Last Updated On: زمری ۱۶, ۱۴۰۱)

د سپینې ماڼۍ داکترانو د شنبې پر ورځ (د زمري پېنځلسمه) څرګنده کړې، چې د امریکا د ولسمشر جوبایدن د کرونا ویروس د کتنې پایله له څو ورځو راپدیخوا مثبته وه او اوس منفي شوې ده.

د رویترز په ډاګه کړې؛ داکتر کوین اوکانر په یوه لیک کې ویلي، چې بایدن به تر هغې قرنطین وي، چې د دوه یم کتنه یې هم منفي شوې نه وي.

د امریکا د ۷۹ کلن ولسمشر، چې د جولای پر ۲۱ یې د کووید – ۱۹ کتنه مثبته ښودل شوې وه؛ له دوه اوونیز قرنطین وروسته یې د بلې کتنې پایله د جولای پر ۳۰ بیا مثبته شوه.

داکتر کوین اوکانر وایي، چې دا “بیا راګرزېدل” د ناروغانو په خورا لږ سلنه کې یوه نادره پېښه ده، چې د کرونا ضد پکسلووید اخلي.

Continue Reading

Trending

Copyright © 2022 Ariana News. All rights reserved!