Connect with us

نړۍ

د بغداد په کرونا روغتون کې اورلګېدنې ۸۲ ناروغان مړه کړي

Published

 on

(Last Updated On: غویی ۵, ۱۴۰۰)

د عراق کورنیو چارو وزارت ویلي، چې په بغداد کې د کرونا ویروس په یوه روغتون کې اورلګېدنې لږ تر لږه ۸۲ ناروغان مړه کړي دي.

د سرچینې د څرګندونو له مخې؛ په دې پېښه کې ۱۱۹ نور کسان ټپیان شوي دي.

د یاد روغتون سرچینو ويلي، چې د اور لګېدنې په دې پېښه کې د یو شمېر ټپيانو د روغتیایي حالت د خرابیدو له کبله ښایي د زیانونو په شمیر کې ډېروالی راشي.

د عراق حکومت له پېښې وروسته درې ورځنې ملي ماتم اعلان کړی دی.

چارواکو دا هم ویلي، چې د اورلګېدنې په اړه څېړنې پیل شوي او د دغه هېواد د لومړي وزیر د څرګندونو له مخې؛ هغه کسان، چې په پېښه کې ګرم وپېژندل شي؛ قانون به پرې پلی شي.

ویل کیږي، چې په پېښه کې روغتون څه نا څه بشپړ سوی دی.

د پیښې عیني شاهدانو ويلي؛ د اکسیجن د ډبۍ چاودېدنه او بیا د اور خپریدل د بغداد په ابن الخطیب روغتون کې د سختې ویجاړۍ او ځاني زیان لامل دی.

نړۍ

ترکیې او اسرائیلو د بشپړو دیپلوماتیکو اړیکو د ټینګولو ډاډ څرګند کړ

Published

on

(Last Updated On: زمری ۲۷, ۱۴۰۱)

د اسرائیلو لومړي وزیر یاییر لاپید څرګنده کړې، چې حکومت به یې له کلونو کړکېچ وروسته له ترکیې سره په بشپړه توګه دیپلوماتیکې اړیکې بیا پیل کړي.

د ترکیې د بهرنیو چارو وزیر مولود چاوش اوغلو په انقره کې د خبرو پر مهال په ډاګه کړه، چې ترکیه به له اسرائیلو سره د بشپړو دیپلوماتیکو اړیکو له بیا پیلولو سره سره د فلسطین د مسئلې له ملاتړه لاس واخلي.

له کلونو کړکېچ وروسته ترکیې او اسرائیلو رسماً د دیپلوماتیکو اړیکو د بیا پیل او د سفیرانو د تبادلې اعلان وکړ.

د اسرائیلو لومړي وزیر یاییر لاپید ویلي، چې یو ځل بیا یې پرېکړه کړې، چې د دواړو غاړیو ترمنځ د اړیکو کچه د بشپړو دیپلوماتیکو اړیکو کچې ته لوړه؛ سفیران او قونسلګرۍ بېرته راستانه کړي.

هغه له ترکیې سره د اړیکو بیا پیلول د سیمې د ثبات لپاره یوه مهمه لاسته راوړنه او ښار میشتو ته مهم اقتصادي خبر وباله.

د ترکیې د بهرنیو چارو وزیر مولود چاوش اوغلو په انقره کې ویلي، چې له اسرائیلو سره د بشپړو دیپلوماتیکو اړیکو له بیا پیلولو سره سره به د فلسطینیانو له ملاتړه لاس وانخلي.

د ترکیې د بهرنیو چارو وزیر مولود چاوش اوغلو ویلي: مونږ پرېکړه وکړه، چې له اسرائیلو سره سفیران تبادله کړو او په ترکیه کې خپل سفیر وټاکو او نومونه به یې ډېر ژر اعلان شي. مونږ به د فلسطینیانو له ملاتړه هیڅکله لاس وانخلو. دا ډېره مهمه ده، چې د فلسطین مسلې په اړه خپل پیغامونه مستقیم د سفیر له لارې ورسوو.

د اسرائیلو او ترکي چارواکو تر منځ له یوې لسیزې ناکراریو وروسته په وروستیو میاشتو کې د اړیکو نوی دور پیل شوی دی.

په تېر مارچ کې ترکیې ته د اسرائیلو د ولسمشر اسحاق هرزوګ سفر، چې له ۲۰۰۷ کال راپدیخوا د خپل ډول لومړی سفر دی؛ په دې برخه کې شمېرل کېږي، چې له هغې وروسته د ترکیې د بهرنیو چارو وزیر د دیپلوماتیکو اړیکو د ښه کولو او د اړیکو د بیا پیلولو لپاره د می په پای کې بیت المقدس ته سفر وکړ.

Continue Reading

نړۍ

په سوریه کې د ترکیې په هوايي بریدونو کې ۱۷ کسان وژل شوي دي

Published

on

(Last Updated On: زمری ۲۶, ۱۴۰۱)

د بشري حقونو یوه څارونکې پرون (سه شنبه د اسد ۲۵مه) وویل چې د سوریې پر سرحدي پوستو د ترکیې د هوايي بریدونو په پایله کې ۱۷ تنه جنګیالي وژل شوي دي.

په انګلستان کې میشته د سوریې د بشري حقونو د څار ډلې ویلي دي چې د دمشق چارواکو انقرې ته د غچ اخیستو ګواښ کړی دی.

د بشري حقونو سازمان ویلي، چې د ترکي ځواکونو په څو هوايي بریدونو کې ۱۷ جنګیالي وژل شوي، خو دا یې نه دي ویلي، چې وژل شوي کسان د سوریې د حکومت او که د کردانو له ځواکونو سره دي.

په همدې حال کې د سوریې رسمي خبري اژانس د دغه هېواد د پوځي چارواکو له قوله خبر ورکړی چې د ترکیې په هوايي بریدونو کې لږ تر لږه درې سوري پوځیان وژل شوي او شپږ نور ټپیان شوي دي.

دغه خبری آژانس همدا راز خبر ورکړی، چې «زموږ په پوځی پوستو باندې هر ډول برید، چې زموږ د پوځی ځواکونو له خوا اداره کیږی، په ټولو محاذونو کې به له مستقیم او سمدستی ځواب سره مخامخ شی.»

دا بریدونه د کردانو د کوباني ښار ته څېرمه ترسره شوي چې د ترکیې د ځواکونو او د سوریې د ډیموکراټیکو ځواکونو ترمنځ د شپې د نښتو ځای دی.

د ترکیې د دفاع وزارت ویلي دي چې کرد ځواکونو هم تیره شپه د ترکیې په خاوره برید وکړ چې په پایله کې يي یو تن ترکي عسکر ووژل شو.

د ترکیې د دفاع وزارت هم ویلي دي چې په ځوابي عملیاتو کې د سوریې په خاوره کې «۱۳ تنه ترهګر» وژل شوي او دا عملیات لا هم دوام لري.

ترکیې د روان کال د جولای د میاشتې له ۱۹ نیټې راهیسې په سوریه کې د کُرد جنګیالیو پر ضد په پراخه کچه بریدونه کړي دي، یوه ډله چې انقره یې د کردستان د کارګرانو له ګوند سره تړاو لري. ترکیې، اروپايي ټولنې او امریکا دغه سازمان تروریستي بللی دی.

Continue Reading

نړۍ

امریکا، جنوبي کوریا او جاپان د دفاعي توغندیو ګډه روزنه ترسره کړه

Published

on

(Last Updated On: زمری ۲۵, ۱۴۰۱)

له پنځو کلونو وروسته امریکا، جنوبي کوریا او جاپان د شمالي کوریا او چین د ګواښونو په غبرګون کې د بالستیک توغندیو پر ضد ګډه دفاعي روزنه ترسره کړه.

پنټاګون د سې شنبې پر ورځ (د زمري پېنځه ویشتمه) اعلان وکړ، چې دغه هېواد له جنوبي کوریا او جاپان سره په ګډه د هاوايي له سواحلو د بالستیک توغندیو پر ضد دفاعي پوځي روزنه ترسره کړې ده.

د رویترز د څرګندونو له وخې، دا پوځي روزنه تېره اوونۍ ترسره شوې او ښيي، چې د شمالي کوریا او چین له ګواښونو سره د مقابلې لپاره د دغو درې هېوادونو ګډه روزنه یو ځل بیا پیل شوې ده.

د پنټاګون په څرګندونو کې راغلي: په دې څو مليتي پوځي روزنه کې، چې د اګست له ۸ څخه تر ۱۴ پورې د توغندیز ګواښ، د بالستیک توغندیو څارل او پوځي لاسوهنې د مخنیوي لپاره درې واړو هېوادونو د شمالي کوریا ننګونو ته د ځواب ویلو لپاره د ګډ امنیت ساتنې او د نړیوال قانون پر بنسټ د اړوند سیستم پیاوړتیا ته ژمن پاتې دي.

دا لومړی ځل دی، چې درې واړه هېوادونه له ۲۰۱۷ کال راپدیخوا ګډه پوځي روزنه ترسره کوي. د سیول او توکیو ترمنځ اړیکې په ۲۰۱۹ کې ډېرې خړې پړې وې. په ۱۹۴۵-۱۹۱۰ کلونو کې د کوریا ټاپو وزمه جاپان ونیوله او له همغه وخته پرې اړیکې تر ټولو ټیټې کچې ته رسېدلي دي.

کله، چې د جنوبي کوریا نوي محافظه کاره ولسمشر یون سوک یول د می په میاشت کې واک تر لاسه کړ؛ نو خپل دا ټینګار یې څرګند کړ، چې د ګډو پوځي روزنو له بیا پیلولو یا پراخولو سره به د شمالي کوریا  له ګواښونو سره د مقابلې لپاره له جاپان او امریکا سره اړیکې پراخې او پیاوړې کړي.

Continue Reading

Trending

Copyright © 2022 Ariana News. All rights reserved!