Connect with us

نړۍ

د روسیې په روان یرغل کې مو ۱۳۰۰ سرتېري وژل شوي – زیلینسکي

Published

 on

(Last Updated On: کب ۲۲, ۱۴۰۰)

د رویټرز د راپور له مخې؛ د اوکراین ولسمشر ولادیمیر زیلینسکي د شنبې پر ورځ په ډاګه کړې، چې د روسیې په روان یرغل کې تر دې دمه شاوخوا ۱۳۰۰ اوکرایني پوځیان وژل شوي دي.

زیلینسکي یوه خبري کنفرانس ته څرګنده کړې؛ د اوکراین او روسیې مذاکره کوونکيو ډلو د ناندرو پر ځای پر ډاډمنو موضوعاتو خبرې اترې پیل کړې دي.

هغه دا هم ویلي؛ لویدیځ باید له روسیې سره په جګړه کې نور هم ښکېل پاتې شي، چې پر نورو هېوادونو د روسیې د روسیې د بریدونو مخه ونیسي. هغه څه، چې نن په اوکراین کې پېښیږي سبا به په اروپا کې پېښ شي.

د نوموړي د څرګندونو له مخې؛ د جګړې د غزېدو د مخنیوي لپاره باید هرڅوک خپلې هڅې تر سره کړي.

دا په داسې حال کې ده، چې د یو شمېر سرچینو د د څرګندونو له مخې داسې اټکل هم شوې، چې په اوکراین کې تر دې دمه شاوخوا ۶۰۰۰ روسي سرتېري وژل شوي دي.

نړۍ

په ۲۰۲۵ ز. کال کې د امریکا او چین د جګړې شونتیا ډېره ده ـ امریکایي جنرال

Published

on

(Last Updated On: سلواغه ۱۱, ۱۴۰۱)

د ۱۱۰ زره سرتېرو د یو امریکایي جنرال د یوه یادښت له مخې امریکا به په راتلونکیو دوه کلونو کې له چین سره جګړې ته ورودانګي.

دغه امریکايي څلور ستوریز جنرال، چې د هوايي څانګې مسوول دی او د الوتکو د تېلو څارنه کوي؛ په خپل یوه یادښت کې تر خپلې قومندې لاندې ۱۱۰ زره پوځیانو ته خبرداری ورکوي، چې امریکا به په راتلونکیو دوه کلونو کې له چین سره جګړې ته ولاړه شي.

دا یادښت لومړی په ټولنیزو رسنیو کې خپور او بیا د پنتاګون لخوا تائید شو، چې بنسټیزه موخه یې د جګړې مخنیوی او د اړتیا په صورت کې د چین ماتول دي.

  د دغه امریکايي جنرال د استدلال پر بنسټ، امریکا او تایوان په ۲۰۲۴ ز. کال کې د ولسمشرۍ ټاکنې ترسره کوي، چې په کې د واشنګتن د چارواکو د وېشلو شونتیا هم لیدل کیږي او په پایله کې به یې چین ته دا فرصت رامنځته شي، چې پوځي هڅې وکړي او تایوان له خپلې خاورې سره بېرته ونښلوي.

چينايي چارواکو تل د امريکا او تايوان د اړيکو نږدیوالی په ځانګړي توګه د دواړو خواوو ترمنځ پراخې پوځي همکارۍ پاروونکې او د دوی د ملي امنيت پر ضد ګڼلي.

تايوان ۲۴ میليون وګړي لري او د بیجنګ د څرګندونو له مخې د چين يوه برخه ده، چې له ۱۹۴۹ ز. کال راپدیخوا له خپلې اصلي ځمکې څخه بېل شوی دی.

د چين او امريکا ترمنځ اړيکې په تېرو کلونو کې د بېلا بېلو مسايلو لکه تايوان، جنوبي چين سمندرګي، شمالي کوريا او اقتصادي مسايلو له کبله ترينګلې پاتې دي؛ خو تایوان ته د امريکا د ولسي جرګې د ریيسې نانسي پلوسي له سفر وروسته د دواړو هېودونو ترمنځ لفظي او ديپلوماتيکه ترينګلتيا په بې ساري توګه زياته شوې ده.

Continue Reading

نړۍ

د پېښور په جومات کې د چاودنې د قربانیانو شمېر ۸۷ کسانو ته ورسېد

Published

on

(Last Updated On: سلواغه ۱۱, ۱۴۰۱)

رویترز راپور ورکړی، چې د پېښور په یوه جومات کې له ځانمرګه بریده د مړو شمېره ۸۷ ته لوړه شوې ده.

دا برید د پېښور ښار په شمال لویدیځه سیمه کې رامنځته شوی، چې د پولیسو او ترهګرۍ ضد څانګو دفترونه یې له نږدې څاري.

د رویترز د څرګندونو له مخې، بریدګر هغه وخت ځانته چاودنه ورکړه، چې په سلګونو لمونځ کوونکي د ماسپښین د لمانځه د ادا کولو لپاره ودرېدل.

په دې برید کې ډېرو پولیسو ته مرګ و ژوبله اوښتې ده.

د روغتون مشر محمد عاصم ویلي، ۸۷ کسان وژل شوي او د ۵۷ ټپیانو درملنه روانه ده، چې د ۷ کسانو روغتیايي حالت د اندېښنې وړ دی.

د پېښې پړه تر دې دمه چا پر غاړه نده اخيستې.

تحریک طالبان پاکستان (TTP) د دغې چاودنې مسوولیت رد کړی دی.

Continue Reading

نړۍ

د پاکستان په یوه جومات کې چاودنې لږ تر لږه ۱۹ لمونځ کوونکي وژلي

Published

on

(Last Updated On: سلواغه ۱۰, ۱۴۰۱)

د پاکستان په شمال لویدیځ ښار پېښور کې د دوشنبې پر ورځ په یوه جومات کې چاودنې لږ تر لږه ۱۹ لمونځ کوونکي وژلي او لسګونه نور یې ټپیان کړي دي.

د پاکستانيو رسنیو د څرګندونو له مخې؛ په دې چاودنه کې لږ تر لږه ۵۰ کسان ټپیان دي.

د سرچینې د څرګندونو له مخې، ډېرى ټپيان پوليس دي، چې د ماسپښين د لمانځه لپاره راغلي وه.

دپولیسو د څرګندونو له مخې؛ د چاودنې پر مهال په جومات کې شاوخوا ۲۶۰ کسانو لمونځ کاوه.

يوه عيني شاهد ځايي خبري چينل جيو تلويزيون ته ويلي، چاودنه د لمانځه پرمهال رامنځته شوې؛ يوه دوه پوړيزه ودانۍ نړېدلې؛ خو د چاودنې پر مهال له جوماته بهر و.

د پېښور د ليدي ريدنګ روغتون وياند محمد عاصم ويلي: په چاودنه کې ۱۹ کسان مړه او ۹۰ نور ټپيان شوي، چجې د ډېرو روغتیایي حالت د اندېښنې وړ دی.

د پولیسو په وینا، ډېري لمونځ کوونکي تر ویجاړیو لاندې دي.

د پوليسو يوه چارواکي سکندر خان ويلي: د ودانۍ يوه برخه نړېدلې او څو کسان تر لاندې شوي دي.

Continue Reading

Trending

Copyright © 2022 Ariana News. All rights reserved!