Connect with us

تازه خبرونه

د سړو سیمو ښوونیز کال پیل شو؛ خو  له ۶ ټولګي پورته نجونو ته د ورتګ اجازه ورنکړ شوه  

خپور شوی

د

(Last Updated On: وری ۳, ۱۴۰۱)

په هېواد کې د پوهنې وزارت لخوا د سړو سیمو د ۱۴۰۱ لمریز هجري ښوونیز کال نن چارشنبه د وري درېیمه په رسمي بڼه پیل او ونمانځل شو.

د نوي ښوونیز کال د پیل په مراسمو کې اسلامي امارت ډاډ څرګند کړ، چې د نرینه او ښځینه زدکوونکیو لپاره د ښوونځیو پرانیستل له جهالت سره مبارزه ښيي او اسلامي امارت د ساینس له زدکړې سره مخالف ندی.

په دې مراسمو کې د پوهنې وزارت د خپرونو مرستیال عزیز احمد ریان ویلي؛ په تېرو شل کلونو کې د اسلامي امارت د قربانیانو یوه موخه د هېوادوالو لپاره د لومړنیو، منځنیو او لوړو زدکړو د آسانتیاوو رامنځته کول دي.

نوموړي ویلي؛ د پوهنې وزارت اړوند ټول ښوونځي، مدرسې، دارالمعلمینونه، دارالعلوم ، دارالحفاظونه  او نورو ښوونیزو ځایونو کې د هېواد په ټولو ولایتونو کې د ۱۴۰۱ لمریز کال د وري میاشتې پر درېیمه نېټه پیلېږي.

د لومړي وزیر د چارو ادارې مرستیال مولوي نورالحق د ښوونځیو بیا پرانستل له جهالت سره د مقابلې زیری ګڼي او ټینګار کوي؛ نړۍ باید وپوهیږي، چې اسلامي امارت د زد کړو مخالف ندی.

د پوهنې وزارت مرستیال مولوي سید احمد شهید خېل د نوي ښوونیز کال د پیل په مراسمو کې ټینګار وکړ، چې په تېرو شل کلونو کې د اسلامي امارت د مظلومانو یو هدف د هر افغان نرینه او ښځې لپاره د زدکړو زمینه برابرول دي.

دا په داسې حال کې ده، چې د نوي ښوونیز کال له پیل سره سم نن له شپږم ټولګي پورته نجونو ته د زدکړو د پیل اجازه ورنکړ شوه او دوی د پوهنې وزارت تر بلې خبرتیا پورې ښوونځيو ته د تګ جازه نلري.

Advertisement

تازه خبرونه

مونږ په دې سختو شېبو کې د حکومت او ایراني ولس تر څنګ ولاړ یوو – اسلامي امارت

Published

on

(Last Updated On: غویی ۳۱, ۱۴۰۳)

د افغانستان اسلامي امارت نن دوشنبه (د غویی یودېرشمه) په یوه خبرپاڼه کې څرګنده کړې، چې په ډېرې خواشینۍ سره مو خبر ترلاسه کړ، چې د ایران ولسمشر آیت الله سید ابراهیم رییسي، د بهرنیو چارو وزیر ډاکټر حسین عبداللهیان،  د تبریز امام حجتة الاسلام آل هاشم او ورسره مل ملګرو یې خپل خوږ ژوند له لاسه ورکړی دی.

په دې خبرپاڼه کې راغلي، چې د افغانستان اسلامي امارت او ټول افغانان په دې غمجنه پېښه ژور خواشیني دي. مونږ د ایران له اسلامي جمهوریت او د دغه هېواد له خلکو سره په دې غم کې ځان شریک بولو او د قربانیانو له ټولو کورنیو، د ایران ملت او حکومت ته د ډاډګېرنې مراتب وړاندې کوو.

دغه راز ویل کیږي، چې په دې سختو شېبو کې د ایران له خلکو سره یوو او د دغې پېښې ټولو قربانیانو ته د مغفرت او د هغوی کورنیو ته د جمیل صبر غوښتنه کوو.

د ایران د ولسمشر د سپرلۍ چورلکه نن سهار د ختیځ آذربایجان له ولایت څخه تبریز ته د ستنېدو په لاره کې غورځېدلې او د چورلکې پاتې شونې د سیمې په غرنیو ځنګلونو کې وموندل شول.

د ایران د اساسي قانون پر بنسټ، د ولسمشر مرستیال په لنډمهاله توګه دا دنده پر غاړه اخلي او ولسمشریزو ټاکنو ته زمینه برابروي.

د نوي ولسمشر د ټاکلو لپاره باید په پنځوس ورځو کې ټاکنې ترسره او نوي ولسمشر ته واک وسپارل شي.

Continue Reading

تازه خبرونه

په افغانستان کې د وروستیو سیلابونو له کبله ۵۴۰ کسان مړه شوي – م.م

Published

on

(Last Updated On: غویی ۳۱, ۱۴۰۳)

ملګرو ملتونو ويلي؛ د افغانستان په ګڼو ولایتونو په ځانګړي توګه په بغلان، غور او فاریاب ولایتونو کې  سیلابونو خلکو ته تر ټولو ډېر ځاني او مالي زیانونه اړولي دي.

په مخ پر ودې هېوادونو کې د اقليمي بحران د اغېزو د څېړلو اداره څرګندوي، چې د دغو سېلابونو له کبله درې زره کورونه بشپړه ويجاړ شوي او ۵۴۰ کسان مړه یې کړي دي.

د ملګرو ملتونو د اقلیم د بحران د اغېزو ارزونې دفتر استازې ماریا لوپز وایي: تېره اوونۍ مونږ په ټوله نړۍ کې د خطرناکو سیلابونو شاهدان وو، چې ګڼو خلکو ته یې مالي او ځاني زیانونه اړولي دي. په افغانستان کې ۵۴۰ کسان مړه شوي او ۳ زره کورونه بشپړه ویجاړ دي.

د افغانستان د ریاست الوزراء اقتصادي مرستیالۍ ويلي، چې د سیلابونو په پایله کې سلګونه کسان وژل شوي، زرګونه کورونه ویجاړ شوي او دې سیلاب یو بشري ناورین رامنځته کړی دی.

دغه راز د رییس الوزرا  د اقتصاد مرستیال له دفتره يو پلاوى غور ولايت ته تللى، چې د سيمه‌یيزو چارواکو د څرګندونو له مخې؛ زيانمنو ته يې بېړنۍ مرستې لکه خوراکي توکي، درمل او لنډمهاله سرپناوې رسولې دي.

د غور والي وياند ويلي، په دې ولايت کې د سېلابونو د قربانيانو شمېر ٥٥ کسانو ته رسېدلى او  د استوګنې درې زره کورونه یې بشپړ او زرګونه نور څه نا څه ويجاړ کړي دي.

د افغانستان د ریاست الوزراء اقتصادي مرستیالۍ ويلي؛ د سیلابونو په پایله کې سلګونه کسان وژل شوي، زرګونه کورونه ویجاړ شوي او دغه سیلاب د یوه بشري ناورین لامل شوی دی.

دغه راز دې دفتر له هغو هېوادونو او نړیوالو ټولنو مننه کړې، چې د افغانستان له خلکو سره یې خواخوږي څرګنده کړې او له سیلاب ځپلیو سره یې مرستې کړې دي.

په افغانستان او په ځانګړې توګه په بغلان، غور او فاریاب ولایتونو کې وروستي سیلابونه دا په ډاګه کوي، چې افغانستان د اقلیم د بدلون له کبله زیات زیانمن شوی او د نړیوالې ټولنې اوږدمهاله مرستو ته اړتیا لري.

Continue Reading

تازه خبرونه

د افغانستان بانک چارسمبالي د م.م له مرستیالې سره پر بانکي بندیزونو خبرې وکړې

Published

on

(Last Updated On: غویی ۳۱, ۱۴۰۳)

د افغانستان بانک چارسمبالي هدایت الله بدري د ملګرو ملتونو د عمومي منشي له مرستیالې روزماري ډیکارلو سره ولیدل او د افغانستان د اقتصادي وضعیت، مالي او بانکي سکټور په اړه یې ور سره خبرې وکړې.

په دې لیدنه کې هدایت الله بدري ویلي، چې د نړۍ د هېوادونو له لوري د افغانستان پر بانکي سکټور بندیزونو د هېواد پر مالي ثبات منفي اغېز کړی او ډېر زیان یې خلکو ته رسېدلی دی.

هغه زیاته کړې، چې دې چارې د خلکو د پېر ځواک کمزوری او د دې بندیزونو له کبله نړیوالو مالي او بانکي سیستمونو ته د افغانستان بانکونو لاسرسی له خنډ سره مخ شوی دی.

نوموړي ویلي: که څه هم د افغانستان بانک په ډېر ستونزمن حالت کې د بانکي سکټور د نقدینګۍ ستونزې په ښه ډول حل کړي؛ په دې برخه کې پرمختګ رامنځته او ورځ تر بلې یې وضعیت ښه کېدونکی دی.

دغه راز بدري له نړیوالو بندیزونو څخه د افغانستان د بانکي سکټور خلاصون د افغانانو بشري حق یاد کړ او دا یې د ټول ولس غوښتنه وبلله.

د ملګرو ملتونو د عمومي منشي مرستیالې روزماري ډیکارلو هم له افغانستان سره د خپلو همکاریو د دوام ژمنه وکړه او په اقتصادي وده کې یې بانکي سکټور د ارزښت وړ یاد کړ.

هغې ویلي، چې په افغانستان کې د مالي شمولیت پراختیا، د کوچنیو پورونو ورکړه، د اسلامي تمویلاتو په برخه کې د نړیوالو هېوادونو له تجربې ګټه اخیستل او د خصوصي سکټور پیاوړتیا ډېر مهم موارد دي، چې ګډ کار ته اړتیا لري.

Continue Reading

Trending

Copyright © 2022 Ariana News. All rights reserved!