Connect with us

تازه خبرونه

د هرات په زلزله ځپلیو سیمو کې د ۲۱۴۶ کورونو د جوړولو چارې پیل شوې

خپور شوی

د

(Last Updated On: تله ۲۶, ۱۴۰۲)

د هرات ولایت د زنده جان ولسوالۍ په سیاه آب کلي کې د هرات زلزله ځپلیو لپاره د معیاري کورونو او استوګنځیو جوړولو چارې د سې شنبې پر ورځ ( د تلې ۲۵) د اطلاعاتو او فرهنګ د رییس، د انجیل ولسوالۍ د ښاروال، د ښار جوړونې ریاست او د هرات ښاروالۍ د مسوولینو په حضور کې پیل شوې.

د هرات د اطلاعاتو او فرهنګ رييس مولوي احمدالله متقي ويلي، په پام کې ده، چې د بېلابېلو زازله ځپلیو سيمو د ٢٠ کليو لپاره ٢١٤٦ کورونه جوړ شي.

د هرات ولايت د اطلاعاتو او فرهنګ رييس دغه راز ويلي، چې له باران او باد څخه د زيانمنو شويو کسانو د ساتنې په خاطر يې د درناوي لپاره پياوړې خيمې لګولې او د حکومت هڅه دا ده، چې د ژمي له رارسيدو مخکې کورونه جوړ کړي.

د هرات د انجيل ولسوالۍ ښاروال مولوي نعمت الله رحيمي ويلي، د ښاروالۍ، ښاري پراختيا او کرنې رياستونو انجنيرانو له څلورو ورځو راپدیخوا د ښارګوټي پر پلان او د کورونو پر جوړولو کار کوي او ټاکل شوې، چې دغه کورونه عصري او معيارونو جوړ شي او د زلزلې پر وړاندې پوره مقاومت ولري.

د رسمي څرګندونو له مخې، ټاکل شوې، چې په سياه آب کلي کې به ٢٧٩، په نايب رفيع کلي کې ٣٠٠، په سربلند کلي کې ١٢٣، په کشکک کلي کې ١٠٠، په کلای نوک ​​کلي کې ٣٠، په کجکال کلي ٦٠، په بادک کلي کې ٦٥ کورونه دي. په کرنیل وردګ ها کلي کې ۱۳۳، په چاهک کې ۳۰۰ ، د عبدالآباد او حضرت‌آباد په دوه کلیو کې ۳۶، د ازقلک او قصر شیرین په دوه کلیو کې ۵۲، په جګده کلی کې ۳۰، په ګزې‌بالا کې ۴۵، د ګول خان او غازي په دوه کلیو کې ۵۰، د سیل‌کوه او سنګ سفید په دوه کلیو کې ۷۲، په چاه زهي او بهادر زهي کلیو کې ۱۰۵، په خواجه محمد شوراب کلي کې ۸۰ ، په چاه زهي او هلال زهي کلیو کې ۹۲ او د زوریانو په چاه زهي کلي کې ۱۱۵ کورونه جوړ شي.

د يادونې ده، چې د تېرې اوونۍ د شنبې پر ورځ (د تلې پر ١٥ ) هرات څو زورورو زلزلو ولړزاوه، چې د دغه ولايت سلګونه کورونه ويجاړ او څه باندې دوه زره کسان مړه او په زرګونه نور ټپيان شول.

تازه خبرونه

نړۍ دې د دښمنۍ پاللو او بندیزونو پر ځای له افغانستان سره همکاري وکړي

Published

on

(Last Updated On: وری ۲۱, ۱۴۰۳)

د اسلامي امارت ویاند ويلي، چې د نړیوالې ټولنې هیڅ فشار ته به تسلیم نشي او د نړۍ لپاره غوره ده، چې د فشارونو او بندیزونو پر ځای له افغانستان سره همکاري وکړي.

د اسلامي امارت د واکمنۍ له دوه نیم کالو څخه ډېر وخت تېریږي او اوس هم نړیواله ټولنه پر اسلامي امارت فشار راوړي، چې د ټولګډونه حکومت په جوړولو کې پاتې راغلي او له بشري حقونو او په ځانګړي توګه د نجونو او میرمنو له حقونو څخه سرغړونې کوي.

اسلامي امارت وايي، چې هیڅکله به د نړۍ فشارونو ته تسلیم نشي او د بندیزونو او فشارونو سیاست د افغانستان د ستونزې په حل کې مرسته نشي کولی، بلکې نړۍ باید د تعامل لاره خپله کړي.

د اسلامي امارت ویاند ذبیح الله مجاهد وايي: لکه څنګه، چې په تېرو شل کلونو کې فشارونو او بندیزونو په افغانستان کې مثبته نتیجه نده ورکړې؛ د تېرو ترخو تجربو تکرار هم د افغانستان د ستونزې په حل کې مرسته نشي کولی.

ربیح الله مجاهد زیاتوي؛ په څه له پاسه دوه نیمو کلونو کې ګڼو هېوادونو له اسلامي امارت سره ښې اړیکې او تعاملات پیل کړي دي.

د نوموړي د څرګندونو له مخې؛ ځينې لويديځ هېوادونه اوس هم د تېرو جګړو له کبله له اسلامي امارت سره دښمني پالي.

کارپوهان په دې باور دي، چې نړیواله ټولنه او اسلامي امارت باید د ټکر سیاست یوې خواته کړي او د افغانستان مسلې له ډیپلوماټیکو لارو حل کړي.

د دوی د څرګندونو له مخې؛ د هېواد اوسنیو حالاتو ته پر کتو اسلامي امارت ته لازمه ده، چې له ملي ګټو او اسلامي ارزښتونو سره سم له نړیوالې ټولنې سره په خپله تګلاره کې نرم دریځ غوره کړي.

دا په داسې حال کې ده، چې په تېرو دوه نیمو کلونو کې هیڅ هېواد اسلامي امارت پر رسمیت ندی پېژندلی او نړیوالې ټولنې هم خبرداری ورکړی، چې که اسلامي امارت پخپلو سختو سیاستونو له سره غور ونکړي؛ پر رسمیت به یې ونه‌پېژني.

اسلامي امارت تل ټینګار کړی، چې د مشروع حکومت ټول شرطونه لري؛ خو نړۍ د اسلامي امارت په وړاندې دښمنانه دریځ خپل کړی دی.

Continue Reading

تازه خبرونه

د افغانستان لپاره د ځانګړي استازي پر ټاکلو بحثونه روان دي – م.م

Published

on

(Last Updated On: وری ۲۱, ۱۴۰۳)

د ملګرو ملتونو ویاند ويلي، چې د افغانستان په چارو کې د دې ټولنې د ځانګړي استازي په اړه خبرې اوس هم روانې دي.

د ملګرو ملتونو ویاند سټیفن دوجاریک د دوشنبې پر ورځ په یو خبري کنفرانس کې څرګنده کړې: دا بهیر روان دی. هرڅومره ژر، چې مونږ د عامه پوهاوي لپاره نوي معلومات ترلاسه کړو؛ نو هیله من یم، چې تاسې ته به یې وړاندې کړم.

د تېر کال په ډسمبر میاشت کې د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه؛ روسیې او چین دې پرېکړه لیک ته ممتنع رای ورکړه او اسلامي امارت هم د امنیت شورا د ځانګړي استازي د ټاکلو پر پرېکړه نیوکه وکړه.

اسلامي امارت په دې باور دی، چې د ملګرو ملتونو د ځانګړي ماموریت (یوناما) په موجودیت کې د افغانستان لپاره د بل استازي ګمارل نا اړین دي؛ ځکه، چې دا هېواد په جګړه کې ندی او اوس د مرکزي حکومت له حاکمیته برخمن هېواد دی.

د راپورونو له مخې؛ د ملګرو ملتونو د ځانګړي استازي دنده به دا وي، چې سیاسي هوکړې ته د رسېدو لپاره بین الافغاني ( خپلمنځي ) خبرې پیل کړي.

د جاپان ټایمز ورځپاڼې د یوې خپرې شوې مقالې له مخې؛ د افغانستان لپاره د ملګرو ملتونو د ځانګړي استازي د څوکۍ لپاره درې نوماندان وړاندیز شوي: تادامیچي یاماموتو؛ جاپانی ډیپلوماټ، چې له ۲۰۱۶ څخه تر ۲۰۲۰ ز. کال پورې د افغانستان لپاره د ملګرو ملتونو د عمومي منشي ځانګړی استازی و؛ په افغانستان کې د بریټانیا پخوانی سفیر نیکولاس کي او په کابل کې د ترکیې پخوانی سفیر جهاد ارګنای.

Continue Reading

تازه خبرونه

چین واخان سړک ته په نغوته کې افغانستان ته د همکارۍ ډاډ څرګند کړ

Published

on

(Last Updated On: وری ۲۱, ۱۴۰۳)

د کلیو د بیارغونې او پراختیا وزارت چارسمبالي محمد یونس اخوندزاده په کابل کې د چین له سفیر ژاو شینګ سره وکتل.

په دې کتنه کې د چین سفیر د چین تر پولې پورې د واخان سړک جوړولو ته په نغوته ( اشاره ) کې څرګنده کړه؛ هېواد یې له افغانستان سره د پراختیایي او بنسټیزو پروژو د تطبیق او پراختیا لپاره خپلې همکارۍ روانې ساتي.

دغه راز محمد یونس اخوندزاده له اسلامي امارت سره د چین د سیاسي او اقتصادي همکاریو د ستاینې ترڅنګ ویلي، چې د واخان – چین سرحدي سړک لومړني کارونه چټک روان دي او په نږدې راتلونکي کې به بشپړ شي.

ویل کیږي، چې د دغه سړک بنسټیزه جوړېدا نه یوازې د دواړو هېوادونو د اقتصادي ودې لپاره اړینه ده، بلکې د منځنۍ آسیا هېوادونو ته به هم ګټه ورسوي.

Continue Reading

Trending

Copyright © 2022 Ariana News. All rights reserved!